1 Yohana 4:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ uUloogua wa kĩNzua alĩ wigyelĩĩle kunsĩĩtu paapo pĩna alumutumile uMuana waakue nwing'ene muna unkĩmbigyulu kuligie upanga kwa kĩuyu.

1 Yohana 4:9 ပူးပေါင်းရင်းမြစ်များ

Maliko 12:6

Alĩ kĩlĩ utĩĩte umuĩ, umuana waakue muloogua; uyu numutuma kumiao nkua ya mumalĩĩlio, nuũga, ‘Ĩkakumukulia umuana waane.’

Luka 4:18

“uMuau wa kĩShekulu wĩĩlĩ mumuane, kuitĩ wampakile ĩmakũta kukuatanantĩlia ĩatũka iMpola na Nziiza. Untumile nĩatanantĩlie ĩatũngua uutũnguĩlua waao, nĩapokũ aone kangĩ, nĩatende akolelua naalĩ atuunĩĩligue,

Yohana 10:10

uMũii sika ukuuzaa isiitituũla wiie, waulage nukwioonona; ĩne nijile zitũle nuupanga, kangĩ zĩĩ nduo wingĩ dũũ.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Yohana 3:16

Iti yoi uNzua aluulogilue uunkũmbigyulu, sunga numupũnia uMuana waakue wing'ene, koona tũlũ wensi nusuĩlĩĩle mumuakue walekilimĩĩla, ĩpa wĩĩ nuupanga wa kalĩ nakalĩ.

Yohana 3:18

Nusuĩlĩĩle mumuakue sika mulamulue; nasikusuĩlĩĩle wakondile kwilamulua, kunsooko sikusuĩlĩĩle; muliina lya Muana nwing'ene nwa kĩNzua.

Yohana 5:23

itĩ tũlũ ensi amukulie uMuana kĩna akumukulagiaa uTata. Uzo nasika ukumukulagiaa uMuana sika ukumukulagiaa nuTata naalumutumile.”

Yohana 6:29

ũYesu nushookeelia nuaĩĩla, “Uu wau mulĩmo wa kĩNzua, musuĩĩle mumuakue naalĩ mutumue nduyo.”

Yohana 6:51

Ĩne neene nĩndia ya upanga naalĩ ĩtimile kwipũna kwigyulu; tũlu wensi kanga wamĩlĩe ĩndia ĩĩ, ukitũla nuupanga wa kalĩ nakalĩ. Nĩndia nanikipũnia ĩne kunsooko ya upanga wa unkũmbigyulu ingĩ umuĩlĩ waane.”

Yohana 6:57

Kĩna uTata namupanga naaluntumile, nineene numupanga kunsooko ya kĩTata, iio-iioo nunuasio nukundĩaa ĩne ukitũla mupanga kunsooko yaane.

Yohana 8:29

Nduyo naaluntumile wayu kwĩpalumuĩ nineene, sikundekile ning'ene, kuitĩ ĩne nukutendaa intondo tũlũ nazumuloelĩĩlie uyo.”

Yohana 8:42

ũYesu nuaĩĩla, “Kanga uNzua ĩTata waani aza mujilindoogua nineene, kuitĩ nijile mpũnile kwa kĩNzua; sika nijile ning'ene, ĩpa muene aluntumile.

Yohana 9:3

ũYesu nushookeelia, “Uyu sika utimuĩle sunga ĩaleli aakue, ĩpa umulĩmo wa kĩNzua wigyeleligue kumuakue.

Alumĩ 8:32

Uyo nasika alumugililie uMuana waakue-waakuee, ĩpa alumupũnilie kunsooko yĩĩtu ishie tũlũ, sikukakukupeelane kuukende iintu tũlũ palumuĩ ninduyo?

Aebulania 1:5

Kuitĩ uNzua alumuĩĩlĩĩle malaĩka kĩ tyũngo liensi, “Ue uue wĩMuana waane, ĩne nantende nakulelaa?” Nĩkangĩ, “Ĩne nikitũla tata kumuakue, ninduyo ukitũla muana kumuane?”

1 Yohana 3:16

Kunzĩla ĩĩ kuulĩngile uuloogua, kunsooko uyo alupũnilie uuumĩ waakue kunsooko yĩĩtu kunsooko ya anũna.

1 Yohana 4:10

Uu wau uloogua, sika kĩna alĩ kumuloogilue uNzua, ĩpa umuene alukuloogilue ishie, numutuma uMuana waakue watũle pyolia kunsooko ya mĩlandu yĩĩtu.

1 Yohana 4:16

Nindiishie kuulĩngile nukukuusuĩĩla uuloogua nuutĩĩte uNzua kumiĩtu. uNzua ingĩ uloogua, nunuasio nukikyalaa muuloogua, ukikyalaa munsĩ ya kĩNzua, nuNzua ukikyalaa munsĩ yaakue.

1 Yohana 5:11

Ninduu wau ukuĩli, ya kĩna uNzua alukupĩĩle uupanga wa kalĩ nakalĩ; nuupanga uu ukoolĩ muMuana waakue.

1 Yohana 5:13

Numuandĩkĩĩle izi, inie namusuĩlĩile muliina lya Muana wa kĩNzua, koona mulĩnge kĩna mutĩĩte uupanga wa kalĩ nakalĩ