1 Yohana 4:4 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴ Ana ane, inie ingĩ mwa kĩNzua; niniiinie muadulile ĩaaso, kunsooko unuasio nuĩlĩ munsĩ yaani ingĩ mukulu kwikĩla uyo nuĩlĩ muna unkũmbigyulu.

1 Yohana 4:4 ပူးပေါင်းရင်းမြစ်များ

Yohana 12:31

Ĩpaino uulamulua wa unkũmbigyulu uu ukoolĩ; ĩpaino umukulu wa unkũmbigyulu ukitaagua kunzi.

Yohana 14:30

Sika nĩkakumutambuĩla ningĩ kangĩ kunsooko umukulu wa unkũmbigyulu wapolokaa. Mugila kakĩntu kumuane;

Yohana 16:11

Kumpola za ulamuli kunsooko umukulu wa unkũmbigyulu uu walamulaguaa.”

Yohana 17:23

Ĩne munsĩ yaao nunduue munsi yaane, koona atũle akamatĩkũ muumuĩ, uunkũmbigyulu umane kĩna uue alutumile, nualoogua ĩa kĩna alundoilue ĩne.

Alumĩ 8:31

Kuũge mbii gua mumpola izi? uNzua kanga wĩĩ paluandĩ luĩtu, waani ukakukudula?

Alumĩ 8:37

Ĩpa itĩ mumpola izi tũlũ kukudulĩkagiaa kwikĩlĩkĩĩla kunzĩla yaakue nukuloilue.

1 Akolinto 2:12

Nindiishie gua, sika nakuanũnkula ĩnkolo ya unkũmbigyulu, ĩpa uMuau nukupũnaa kwa kĩNzua, koona kuzilĩnge naalĩ kuapeegue nuNzua.

1 Akolinto 6:13

“iNdia ingĩ kundaa, nĩndaa ingĩ kundia,” ĩpa uNzua uzilioonoona tũlũ. uMuĩlĩ gua sika kuugololia, ĩpa ingĩ kwa kĩShekulu, nũShekulu ingĩ kumuĩlĩ.

2 Akolinto 4:4

Ingĩ mumuao unzua wa unkũmbigyulu uu naalupokũilie ĩmasĩĩgo maao nasika asuĩlĩĩle, alekimĩlĩkĩlua nuweelu wa Mpola na Nziiza za ukulu wa kĩKilisito nampiani ya kĩNzua.

2 Akolinto 6:16

Ukoolĩne uumuĩ pakatĩ ya Numba ya kĩNzua nĩanzegamĩla. Kuitĩ ishie kwĩNumba ya kĩNzua namukola upanga, kĩna uNzua aluũgile, “Nĩkakikyala pakatĩ yaao, kangĩ nikigendela pakatĩ yaao; Nineene nikitũla Nzua waao, ndĩo ikitũla antu aane.

Aepeso 2:2

Naalĩ mukugendelaa ndĩo ĩkalĩ kukuzitiata intendo za unkũmbigyulu uu, nukukumutiata umutemi wa usũũmi wa nzega, ĩnkolo niasio nyĩkĩtuma umulĩmo sunga nunzuauu muaana auleki.

Aepeso 3:17

uKilisito wikyale munkolo zaani kunzĩla ya usuĩĩli; koona inie musĩmbĩlue ĩmĩlĩ, muzengue mumukũlĩla muuloogua.

Aepeso 6:10

Kumpelo, muĩ akamũ mwa kĩShekulu numuusũũmi wa ngũlũ zaakue.

1 Yohana 2:1

Ana ane na mwanino, nukumuandĩkĩla izi mulekitimula. Kanga wensi watimule kutĩĩte uMualĩĩlia kwa kĩTata, Yesu Kilisito munakulukuuluu;

1 Yohana 2:13

Nukumuandĩkĩla inie atata kunsooko mumulĩngile uyo naalukoolĩ kwipũna umuandio. Nukumuandĩkĩla inie asumbatĩ, kunsooko mumudulile uMubĩĩ. Numuandĩkĩĩle inie ana kunsooko mumulĩngile uTata.

1 Yohana 3:20

tũlũ pensi pĩna inkolo zĩĩtu zukukusokia; kunsooko uNzua ingĩ mukulu kwikĩla inkolo zĩĩtu, ninduyo ulĩngile tũlũ zensi.

1 Yohana 3:24

Nunuasio nukukendegeelaa ĩmalagĩĩlio maakue ukikyalaa munsĩ yaakue ninduyo munsĩ yaakue. Kunzĩla ĩĩ kulĩngile kĩna ukikyalaa munsĩ yĩĩtu, kunzĩla ya kĩMuau naalukupĩĩle.

1 Yohana 4:13

Kunzĩla ĩĩ kulĩngile ya kĩna kwikyalile munsĩ yaakue ninduyo munsĩ yĩĩtu, kunsooko wakukamantĩĩnie mwa kĩMuau waakue.

1 Yohana 4:16

Nindiishie kuulĩngile nukukuusuĩĩla uuloogua nuutĩĩte uNzua kumiĩtu. uNzua ingĩ uloogua, nunuasio nukikyalaa muuloogua, ukikyalaa munsĩ ya kĩNzua, nuNzua ukikyalaa munsĩ yaakue.

1 Yohana 4:6

Ishie kwa kĩNzua. uNuasio numumanile uNzua ukukutegeelaa, unuasio nasika wa kĩNzua sikukukutegeelaa. Kunzĩla ĩĩ kulekanuĩle ĩnkolo nya tai nĩnkolo nya ulimĩĩli.

1 Yohana 5:19

Kumanile ya kĩna ishie ingĩ kwa kĩNzua; nuunkũmbigyulu tũlũ ukoolĩ mungũlũ za mubĩĩ.

1 Yohana 5:4

Kunsooko kiensi nakĩlelue nuNzua kyukuudulaa uunkũmbigyulu; uu wau uduli naukuudulaa uunkũmbigyulu, ingĩ uusuĩĩli wĩĩtu.

Ukũnukulua 12:11

Ndĩo naamudula kumugali wa kĩMuana-nkolo, nukulukaani lwa ukuĩli wao; sunga sika naaulogua uuumĩ waao sunga kunkia.