1 Yohana 3:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Kangĩ wensi nutĩĩte uulaaĩĩli uu kumuakue ukĩeelagiaa, kĩna umuene namuelu.

1 Yohana 3:3 ပူးပေါင်းရင်းမြစ်များ

Matayo 5:48

Iio gua muĩ akamĩnkĩĩlũ niniinie zĩ uTata waani nwa kwigyulu namukamĩnkĩĩlũ.”

Luka 6:36

Tulĩ nĩkĩsuusu kĩna uTata waani nwa kĩsuusu.

Yohana 17:19

Nukunsooko yaao nĩeelagiaa, koona nĩndĩo eeligue mutai.

Utendi 15:9

Kangĩ sika nukulekanula ishie nĩndĩo, ĩpa nwĩoogia inkolo zaao kuusuĩĩli.

Alumĩ 15:12

Kangĩ uYesaya waũga, “Ĩkaa lĩkoolĩ itina lya kiYese Nupolokile kwitema indugu nazĩngĩ. Uzo indugu nazĩngĩ zĩkakumulaaĩĩla.”

2 Akolinto 7:1

Iio gua aloogua, kunsooko kutĩĩte ĩmalago aya, kwĩeelie kwipũna muudobũ wensi wa muĩlĩ nĩnkolo; ĩkwikamĩnkĩĩlia uweeligua muooa wa kĩNzua.

Akolosai 1:5

Kunsooko ya ulaaĩĩli namuaĩĩkĩligue ĩkĩuto kwigyulu. iMpola zaakue alĩ muziigilie ĩkalĩ kulukaani lwa tai lwa Mpola na Nziiza

2 Atesaloniki 2:16

NũShekulu wĩĩtu Yesu Kilisito umuene, nuNzua Tata wĩĩtu naalukuloogilue nukupeela ishie ipyumbulio lya kalĩ nakalĩ nuulaaĩĩli nauuza muukende,

Tito 3:7

koona kualĩĩligue ĩkulukuuluu kuukende waakue, kutũle asaali a upanga wa kalĩ nakalĩ, kĩna wĩĩlĩ ulaaĩĩli wĩĩtu.

Aebulania 12:14

Dũũmĩkiĩ muĩ nĩmatiliga kuantu tũlũ, nuweelu muntu kanga wasiititũla nduo sikukakumuona ũShekulu.

Aebulania 6:18

koona kunzĩla ya intu ibĩlĩ nasika ishũũmile kwikaĩlĩka, mũyaasio uNzua sikusũũmile kwitambula uulongo, kuligie ipyumbulio nalya ukamatĩkũ, ishie naalĩ kumankĩlĩĩle kwiamba uulaaĩĩli waasio nauĩĩkue ntongela yĩĩtu,

Aebulania 7:26

Kuitĩ alĩ ijĩpĩĩle ishie kutũle numupolia namukulu kĩna uyu, namuelu namugila kaubĩĩ, namugila kibyado, naalĩ mukamatulue nĩanamĩlandu, nunansulua kukiania igyulu.

Yakobo 4:8

Musũgamĩĩlĩ uNzua, ninduyo ukakumusũgamĩĩla inie. Eeliĩ ĩmĩkono yaani inie anamĩlandu, nukukuzoogia inkolo zaani inie namwa nkolo zibĩlĩ.

1 Petelo 1:15

Ĩpa kĩna uzo naalumuĩtile namuelu, niniinie gaa muĩ eelu mulugendo luani tũlũ.

1 Petelo 1:3

Wakũmazukigue uNzua Tata wa kĩShekulu wĩĩtu Yesu Kilisito! Kukĩnishungu kiakue kingĩ alukulelile ĩnkua ya kabĩlĩ kuulaaĩĩli naukola upanga, kunzĩla ya wiuki wa kĩYesu Kilisito kwipũna muakiu.

2 Petelo 1:4

Kangĩ kuizi wakupĩĩle ĩmalago namakulu nkankanaa, nama ngele nkakũ, koona kuaya mutũle akamantani a upanga wa kĩNzua muene, mugũnue nuoononeki naukoolĩ muna unkũmbigyulu kunsooko ya nsula nambĩĩ.

2 Petelo 3:14

Luulo gua aloogua, kunsooko mulaaĩlĩĩle ĩzaasio, ĩkamatĩkiĩ koona mwigyelele kĩna muagila kakĩlema sunga kibyado ntongela yaakue mumatiliga.

1 Yohana 2:6

Uzo nuũgile kĩna ukikyalaa munsĩ yaakue, yumũjĩpĩĩle umuene wagendele ii-oiioo kĩna uyo naalukugendelaa.

1 Yohana 4:17

Kunzĩla ĩĩ uuloogua ukamĩnkĩĩligua kumuĩtu, koona kuĩ nuukamatĩkũ palutondo lwa ulamulua, kunsooko kĩna wĩĩlĩ uzo, iio-iioo nindiishie kuĩlĩ munu muna unkũmbigyulu uu.