1 Yohana 1:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ Kanga kukũmuule ĩmĩlandu yĩĩtu, uzo ingĩ wa usuĩĩli kangĩ munakulukuuluu wakuleegelie ĩmĩlandu yĩĩtu, nukukukoogia ubĩĩ tũlũ wensi.

1 Yohana 1:9 ပူးပေါင်းရင်းမြစ်များ

Matayo 3:6

Naabadĩĩzigua mumongo wiYolidani ninduyo, kunu naikũmuula ĩmĩlandu yaao.

Maliko 1:5

Naĩĩ kumuagaana ĩansĩĩ yensi nya Uyahũdi, nĩaniYelusalemũ; naabadĩĩzigua nunduyo mumongo wiYolidani, naikũmuula ĩmĩlandu yaao.

Luka 22:57

Nukaana nuũga; “Maau ue, sika numuĩzĩ.”

Yohana 17:25

Tata mukola kulukuuluu, uunkĩmbigyulu sika ukumanile ue, ĩpa ĩne nukumanile ue, nĩndĩĩa amanile kĩna uue alutumile.

Utendi 19:18

Sunga iingĩ muaasio naalĩ asuĩlĩĩle, naaaza naakũmuula naigyelelia uutendi waao kualiĩ.

Alumĩ 3:26

Koona walagĩĩle ĩkulukuuluu yaakue pĩnityũngo ĩlĩ, kĩna muene munakulukuuluu, kangĩ kĩna muene mukola kumualĩĩlia ĩkulukuuluu unuasio nutĩĩte uusuĩĩli mwa kĩYesu.

1 Akolinto 1:9

Nzua ingĩ wa usuĩĩli naalumuĩtile mũingĩle munkamĩ ya Muana waakue, ũYesu Kilisito Shekulu wĩĩtu.

1 Akolinto 6:11

Nĩĩĩa kunsiani alĩ ĩkĩna awa. Ĩpa namoogigua, ĩpa namueligua, ĩpa namualĩĩligua ĩkulukuuluu muliina lya kĩShekulu Yesu Kilisito, nuMuau wa kĩNzua wĩĩtu.

Aepeso 5:26

koona walielie pĩna alulĩogilie kumaazĩ nukuLukaani.

1 Timoteo 1:15

Ingĩ lukaani lwa kusuĩĩlua, nalwijĩpĩĩle kwigombigua nkankanaa, ya kĩna uKilisito Yesu alĩ wijile muna unkũmbigyulu waagũne ĩanamĩlandu, nineene namuandio waao;

Tito 2:14

Uyu wayu nwĩpũnilie umuene kunsooko yĩĩtu, koona wakukomole kwipũna muuleki tũlũ, nukukĩeelelia umuene ĩantu atũle aakue, naatite wikamatĩkia kuutendi na uza.

Aebulania 10:23

Kuambĩĩlĩkie uukũmuuli wa ulaaĩĩli wĩĩtu, ulekipĩluka; kuitĩ uyo naalulagile ingĩ wa usuĩĩli.

Aebulania 11:11

Kuusuĩĩli uSala umuene alĩ wanũnkuile usũũmi wa kutũla niimbi pĩna alĩ wakĩlile ĩmatũngo maakue, kunsooko alumuoonie uzu naalupũnilie ilyago kĩna wa usuĩĩli.

Aebulania 6:10

Kuitĩ uNzua sika mubĩĩ, sunga wĩĩwe ĩmĩlimo yaani nuuloogua waasio naalĩ muũgyelĩĩlie kuliina liakue, pĩna alĩ mukuatumĩla ĩeelu, sunga nunzuauu kĩlĩ mukuatumĩla.

1 Yohana 1:7

Ĩpa kanga kugendele muweelu, kĩna umuene nuĩlĩ muweelu, kukamantanile ndiishie kundiishie, numugali wa kĩYesu uMuana waakue ukukoogia umulandu tũlũ wensi.

Ukũnukulua 15:3

Ndĩo iĩmba ĩliĩmbo lya kĩMusa, mwĩtumi wa kĩNzua, nĩliĩmbo lya Muana-nkolo naaiũga, “Ukulu, kangĩ wa ukulĩlua uutendi waako, Ee shekulu Nzua, Mukola ngũlũ zensi! Za kulukuuluu kangĩ za tai-taaii injĩla zaako, ee Mutemi wa ndugu!