1 Yohana 1:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Naalĩ kuuoonie nukwiiigia kukumutanantĩlia inie; koona muligie uukamantani palumuĩ nindiishie, nuukamantani wĩĩtu ingĩ palumuĩ nuTata nuMuana waakue ũYesu Kilisito.

1 Yohana 1:3 ပူးပေါင်းရင်းမြစ်များ

Yohana 17:11

“Nineene sika nkoolĩ muna unkũmbigyulu; ĩa akoolĩ muna unkũmbigyulu, nineene naazaa kumuako. Tata numuelu, uakendegeele muliina liako aao naalumpĩĩle, koona atũle, umuĩ zĩ undiishie.

Yohana 17:21

Tũlũ ensi atũle umuĩ kĩna ue Tata nukoolĩ mumuane nineene moolĩ mumuako, koona ĩa atũle umuĩ munsĩ yĩĩtu, uunkũmbigyulu usuĩĩle kĩna uue untumile.

Yohana 17:25

Tata mukola kulukuuluu, uunkĩmbigyulu sika ukumanile ue, ĩpa ĩne nukumanile ue, nĩndĩĩa amanile kĩna uue alutumile.

Yohana 17:3

Nuupanga wa kalĩ nakalĩ ingĩ ntuuu, akumane ue nwĩNzua nwing'ene nwa tai, nũYesu Kilisito nalumutumile.

Yohana 19:35

Ninduzo naaluoonie ukuĩlĩĩle, nuukuĩli waakue wa tai; nunuasio umanile kĩna witambula ĩtai koona inie musuĩĩle.

Utendi 13:32

Nindiishie kukumutanantĩlia inie iMpola na Nziiza zilyago ĩlo naalĩ waapĩĩle ĩatata,

Utendi 13:41

Laaĩ inie namukumelaa, kulĩluĩ, musile; Kunsooko nĩkĩtuma umulĩmo muntondo zaani, Mulĩmo nasika mukishuĩĩla kaiiniino Anga umuntu wamuganuĩle.”

Utendi 2:42

Naĩkamatĩkia muumanigua wa atumua, numuukamamtani, nukukuuega uugalĩ numuulompi.

Utendi 20:27

Kuitĩ sika alĩ ndekile kukumutanantĩlia uulooa tũlũ wensi wa kĩNzua.

Utendi 4:20

kuitĩ ishie sika kusũũmile kwileka kukuzitambula impola naalĩ kuzioonie nukukuziigia.”

Alumĩ 15:27

Kuitĩ yĩaloelĩĩlie, kangĩ alĩ antu a mpaa kumuao; kuitĩ kanga indugu nazĩngĩ alĩ zikamantĩĩne muintu yaao ya kĩnkoolo, ijĩpĩĩle aatumĩle muintu yaao ya kĩmuĩlĩ.

1 Akolinto 1:30

Ĩpa kumuakue inie mukoolĩ mwa kĩKilisito Yesu naalĩ mutendue kumuĩtu wĩĩ masala namapũnile kwa kĩNzua, nĩkulukuuluu nuweeligua nuukomolua;

1 Akolinto 1:9

Nzua ingĩ wa usuĩĩli naalumuĩtile mũingĩle munkamĩ ya Muana waakue, ũYesu Kilisito Shekulu wĩĩtu.

1 Akolinto 15:1

Numuĩĩlĩĩle gua anũna aane, iMpola na Nziiza naalĩ numutanantĩĩlie, ziizo naalĩ muzaanũnkuĩle, muasio muumo muĩmĩkile,

Aepeso 3:6

nduo ntuu, ĩa ndugu nazĩngĩ ingĩ asaali palumuĩ nindiishie, nĩndĩo akoolĩ mumuĩlĩ umuĩ, akamantani palumuĩ nindiishie ilyago mwa kĩKilisito Yesu kunzĩla ya Mpola naNziiza.

Apilipi 1:7

Itĩ yoi injĩpĩĩle kukumusĩĩgĩla inie tũlũ; kunsooko inie mukoolĩ munkolo yaane, mwĩakamantani palumuĩ nineene muukende, muutũngua waane, sunga pĩna nukuzikuĩla Mpola na Nziiza nukukuzikamĩnkĩĩlia.

Apilipi 2:1

Kanga wĩĩ ukoolĩ ukamia nkolo wensi mwa kĩKilisito kanga wĩĩ ukoolĩ wĩpumbulia wensi wa uloogua; kanga wĩĩ ukoolĩ ukamantani wensi mwa kĩMuau; kanga wĩĩ ukoolĩ untu nauuza nĩkĩsuusu;

Apilipi 3:10

Kangĩ numumane uyo, ningũlũ za wiiuki waakue, nuukamantani wa waagi waakue, nĩpianĩkĩĩligue nukwĩkia kumuakue;

Akolosai 1:13

Uyu alukugũnile kwipũna muusũũmi wa kiiti, nukukukusaamia kuutemi wa Muana wa uloogua waakue.

1 Atesaloniki 1:10

nukukumutũngĩla umuana waakue kwipũna kwigyulu, naalumũiukilie kwipũna muakiu, mwene ũYesu nukukugũna aishie kwipũna muutaki naupolokile.

1 Timoteo 6:2

Nĩaasio naatĩĩte iishekulu naakumusuĩĩla uNzua, aleke kuamela kunsooko aazaa ĩkĩnũna, taazu aatumĩlĩkie kunsooko aasio naakuanũnkulaa ĩnsaĩlo ya mulĩmo waao aazaa asuĩĩli nĩaloogua. iMpola izi uzimanie, nukũshugula.

Aebulania 2:12

nwiũga, “Nikitanantia ĩliina liako kuanũna aane, pakatĩ ya mulundo nĩkakukuĩmbĩla ulukũmo luako.”

Aebulania 3:1

Luulo gua anũna namwĩeelu, namukamantĩĩne muwĩĩtua wa kwigyulu, musĩĩgĩkiĩ ũYesu, mutumua kangĩ mupolia namukulu wa ukũmuuli wĩĩtu.

Aebulania 3:14

Kuitĩ kualĩĩ akamantani a kĩKilisito kanga kũtyapĩkie uukamatĩkũ wĩĩtu wa muandio sunga kumpelo,

1 Petelo 5:1

Naapeepia ĩAnampala naĩĩlĩ kunsiani, ĩne nanuMunampala mĩaao numukuĩli wa waagi wa kĩKilisito numukamantani wa ukulu naukikũnukulua pembele;

2 Petelo 1:16

Kuitĩ sika alĩ kutiatile inshimu naalĩ ntungue kuusugũ pĩna alĩ kumuĩĩlĩĩle inie impola za ngũlũ za kĩShekulu wĩĩtu Yesu Kilisito nukwiiiza kumuakue, ĩpa alĩ kuuoonie ishie namiiso mĩĩtu uukulu waakue.

1 Yohana 1:1

Naalĩ lukoolĩ kwipũna umuandio, naalĩ kulũigilie, naalĩ kuluoonie kumiiso mĩĩtu nukukululaaĩkia nukukuluapaatia kumĩkono yĩĩtu, kukulutanantagia luulo uLukaani lwa upanga.

1 Yohana 1:5

Izi zozi mpola naalĩ kũigilie kumuakue nukwitanantia kunsiani, ya kĩna uNzua ingĩ weelu, sunga ĩkiiti sika kikyalile kainiino munsĩ yaakue;

1 Yohana 1:7

Ĩpa kanga kugendele muweelu, kĩna umuene nuĩlĩ muweelu, kukamantanile ndiishie kundiishie, numugali wa kĩYesu uMuana waakue ukukoogia umulandu tũlũ wensi.