1 Akolinto 6:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Sika mumanilene kĩna kwijile kualamula ĩamalaĩka? Sika nangũlũne inkaani za uumĩ uu!

1 Akolinto 6:3 ပူးပေါင်းရင်းမြစ်များ

Matayo 25:41

“Paapo ukakuaĩĩla naĩĩlĩ pamukono wa kĩkĩĩma, ‘Legĩ kumuane namwazũmilue; ingĩlĩ mumooto wa kalĩ nakalĩ, naalĩ mukoleleligue ũShetani nĩamalaĩka aakue.

Luka 21:34

“Ĩsukukĩ gua, inkolo zaani zilekilemeeligua nuulakũ nulugaalo nuukunkunali wa uumĩ uu, sunga ulutondo luasio lumuagaane kumpũmpũkĩli zĩ mutego nukuguĩlanagiaa.

Luka 8:14

Nindizo naziguile pakatĩ ya miigia ingĩ aao naakũigagiaa, numulugendo luao naasopua nuukunkunali nuugolĩ, nuwĩloeelia wa uumĩ uu, sika naapĩa kakĩntu.

Alumĩ 6:16

Sika mumanilene kĩna kumuakue uzo kanga mwĩpũnie uniinie zĩ asese aakue kukumugombia, mwitũla asese aakue namumugombilie, kanga wĩĩ wĩtumi wa mulandu nauleetile ukiu, katia wĩtumi wa ugombia nauleetile ĩkulukuuluu.

1 Akolinto 6:15

Sika mumanilene kĩina ĩmiĩlĩ yaani ingĩ pitũmpĩ pya kĩKilisito? Iio gua, nipisholene ipitũmpĩ pya kĩKilisito nukukupitenda pitũmpĩ pya mugololia. Sika iio!

1 Akolinto 6:16

Sika mumanilene kĩna uyo namukamantanigue numugololia ingĩ muĩlĩ umuĩ ninduyo? Kuitĩ uũgile, “ĩAasio naabĩlĩ ikitũla muĩlĩ umuĩ.”

1 Akolinto 6:19

Sika mumanilene kĩna umuĩlĩ waani ingĩ Numba ya kiMuauMwelu nuili munsi yaani, naali mwapegue nu Nzua? Niniinie sika nsao yaani uniinie;

1 Akolinto 6:4

Iio gua, kanga ĩmutĩĩte inkaani za kulamulua za uumĩ uu, nĩkĩ muaĩĩkile mwityengu lya ulamuli ĩaasio naagila kalukũmo mũkyanisa?

2 Timoteo 2:4

Kutilĩ nukĩtumaa umulĩmo wa wĩlaasi nukĩĩĩka muwĩnzi wa muna nsĩĩ, koona wamuloeelie naalumuandĩkile wĩĩ mwĩlaasi.

2 Timoteo 4:10

Kuitĩ uDeema wandekile, nuuloogua uunkũmbigyulu wa nzuauu, nuenda kuTesaloniki; uKeleske wendile kuGalatia, ũTito wendile kuDalimatia.

2 Petelo 2:4

Kuitĩ malĩĩ uNzua sika alĩ waalekile ĩamalaĩka naalĩ atimuĩle, ĩpa alĩ waagumĩĩle kuulungu, naatũngua nĩmatendele ma kiiti, alindĩĩlue muumo sunga uulamulua uuze;

Yuda 1:6

Nĩamalaĩka nasika alĩ akendegelĩĩle uukulu waao ĩeene, ĩpa naaleka wikyalĩ waao naalĩ waijĩpĩĩle, waaĩĩkile mũitũngo yakalĩ nakalĩ nsĩlĩlĩ ya kiiti sunga kulutondo nalukulu lwa ulamulua;