1 Akolinto 4:6 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁶ Anũna aane, kunsooko yaani nizitambuĩle izi zĩ mpiani ya kĩApolo nineene, itĩ kumpola zĩĩtu mwĩmanie mulekishĩĩga kwikĩla naalĩ nandĩkue; sunga umuĩ waleke kĩkũmazukĩlia kumuua kunsooko ya muntu nuĩngĩ.

1 Akolinto 4:6 ပူးပေါင်းရင်းမြစ်များ

2 Akolinto 11:4

Kuitĩ kanga muntu waaze nukukumutanantia ũYesu wĩngĩ nasika kumutanantilie ishie, katia mwiaanũnkula ĩnkolo yĩngĩ nyĩsia nĩndĩo naalĩ mumianũnkuĩle, katia mwiaanũnkula iMpola na Nziiza nazĩngĩ nasikaalĩ muzigombile, mwigigimĩlia iiza yoo!

2 Akolinto 12:19

Kangĩ musĩĩgilene kĩna kukĩgidĩĩla kumiani? Ntongela ya kĩNzua kwitambula mwa kĩKilisito, nĩzaasio tũlũ aloogua, koona muzengue inie.

2 Akolinto 12:6

Kuitĩ kanga aza nijilishiia kukĩkĩkumazukia sika aza nijilitũla munaulu, kunsooko nikitambula ĩtai, ĩpa nĩgililie kooona umuntu walekinshĩĩgĩla kwikĩlĩkĩĩla ĩzaasio nukuziona kumuane katia kukuziigia kumuane.

Akolosai 2:18

Kaumuĩ waleke kumuleegelia ĩkĩpeegua kiani, nwishiia mumutiate nduyo kukĩniinupia nukukũatekela ĩamalaĩka. Nukikyala mumaoni maakue, nukukĩkentula nakanda kwishala liakue lya kĩmuĩlĩ,

1 Atesaloniki 1:5

Kunsooko iMpola naNziiza nakutanatilie sika nazumupikĩĩla kunkaani udũũ, ĩpa nukungũlũ, nukuMuau Mwelu, nukuukamatĩkũ wingĩ. Mumanile kĩna alĩ kwĩantu kĩ pakatĩ yaani kunsooko yaani.

Alumĩ 12:3

Kuitĩ kuukende naalĩ numupeegue, namuĩĩla wensi kunsiani walekishĩĩga nankulu kwikĩla nayumũjĩpĩĩle kwishĩĩga; taazu wĩĩ nishĩĩgo naliendile muumo, kĩna uNzua alumoomolĩĩle wensi kwilika lya usuĩĩli.

2 Akolinto 10:7

Ilaaĩ naigyelĩĩle pamiiso maani. Wensi anga wĩsanie ya kĩna wa kĩKilisito, wijuke munkolo yaakue kĩna iio umuene na wa kĩKilisito, iio-iioo nindiishie.

2 Akolinto 4:15

Kuitĩ tũlũ ingĩ kunsooko yaani, koona uukende pĩna wiongeeligua kuaasio naiingĩ, ĩmasongelio mĩĩ mingĩ kuukuluu wa kĩNzua.

1 Akolinto 8:1

Kumpola za nama nampũnigue ipyolia kuanzegamĩla, kumanile kĩna “Ishie tũlũ kutĩĩte ulĩngi, uulĩngi ukuleeta lukeemo,” ĩpa uulogua ukuzengaa.

1 Akolinto 5:6

Kukĩkũmazukia kumuani sika iiza. Sika mumanilene kĩna piugaasũ pikeei pyukugaasagiaa ipyũli liensi.

1 Akolinto 3:19

Kuitĩ ĩmasala ma unkũmbigyulu uu ingĩ ulu ntongela ya kĩNzua. Kuitĩ yandĩkue, “uzo ukuaguĩlagiaa ĩanamasala muwĩsukukia waao.”

2 Timoteo 2:10

Iio gua, nagigimĩlia tũlũ kunsooko ya antu naeelu naasaagulue, ĩo ndĩo aligie uugũnua nawĩĩlĩ mwa kĩKilisito Yesu Palumuĩ nuukulu wakalĩ nakalĩ.

2 Akolinto 10:15

Sika kukĩkũmazukia kwikĩlĩkĩĩla mumĩlĩmo ya antu naĩngĩ; ĩpa gua ulaaĩĩli wĩĩtu ingĩ pĩna uusuĩĩli waani wiongeeleka, kukikuligua kunsiani kwilika lya ngele yĩĩtu, sunga kwiongeeligua,

2 Akolinto 10:12

Kuitĩ sika kusũũmile kukĩlĩganĩĩlia nukukĩpianĩkĩĩlia nityũmpĩ lya asio naakola kĩkulia ĩeene. Ĩpa ĩasio pĩna ĩkĩlĩganĩĩlia eene kueene nukukĩpianĩkĩĩlia eene kueene agila kaulĩngi.

1 Akolinto 13:4

uUloogua ukutũla nuupolo, kuuzaa wa ukende, uuloogua ugila kawĩĩlũ, uuloogua sika ukiinansulaa katia kukĩkeema.

1 Akolinto 9:23

Nineene nitenda izi tũlũ zensi kunsooko ya Mpola na Nziiza nkamantane palumuĩ ndĩo.

1 Akolinto 5:2

Niniinie namwĩkeema! Sika muoonie kausungu? koona waleegigue pakatĩ yaani unuasio naalutendile uutendi waasio.

1 Akolinto 3:21

Iio gua, kaumuĩwaleke kĩkũmazukĩlia ĩantu. Kunsooko tũlũ yensi yaani.

1 Akolinto 1:31

koona kĩna yandĩkue, “uMukola kĩkũmazukia wĩkũmazukĩlie mwa kĩShekulu.”

1 Akolinto 1:19

Kuitĩ yandĩkue, “Nikioonooona ĩmasala maao ĩanamasala, Nuusũgũ waao ĩasũgũ nĩkakuusiita.”

1 Akolinto 1:12

ĩne gua, ntuulu nanaluũga, yakĩna wensi kunsiani ukuũgaa, “ĩne na kĩPaulo,” “ĩne na kĩApolo,” “ĩne na kĩKefa,” “ĩne na kĩKilisito.”

Utendi 18:24

Alukoolĩ Muyahũdi ĩliina liakue Apolo, mukolakaa wa Alekizandelia, nupika kuEpeso; alĩ mumani mukulu wa kutambula, naalumanikilie uwandĩkua.

Utendi 19:1

Pĩna uApolo alĩ wĩĩlĩ kuKolinto, uPaulo nukĩlĩla paasio pankonko, nupika kuEpeso. Kuasio nuaagaana ĩamanigua naĩngĩ.

2 Akolinto 12:20

Kuitĩ noopokile katia pĩna nijiliiiza sika nĩkakumuona inie kĩna nsiiile kukumuona, nineene sika mukimona kĩna musiiile kwimona. Noopokile katia kwiaagaana wĩleei nuwĩĩlũ, nuutaki, nĩmagũndo, nuusingĩĩlia, nĩmatekete, ninkeemo, nĩmalanga.