1 Akolinto 4:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ Iio gua, mulekilamula kalukaani pĩna likaalĩ ityũngo liakue, sunga waaze ũShekulu; nunduyo wijile kuziĩĩka muwelu nazĩpisile muwiilu, nukukumigyelelia ĩmasĩĩgo ma nkolo; paapo muntu wensi wijililigia ulukũmo luakue kwa kĩNzua.

1 Akolinto 4:5 ပူးပေါင်းရင်းမြစ်များ

Matayo 10:26

“Luulo gua, muleke kĩoopooka, kuitĩ kutilĩ nalukũnĩkĩle nasika lũjilikũnukulua; katia nalupisigue nasika lũjililĩngua.

Matayo 24:30

Paapo kĩkakigyelela ĩkĩlĩgasĩĩlio kya Muana-muntu kwigyulu; nindugu tũlũ zensi za unkũmbigyulu zikilĩla kĩlĩlo nukukumuona uMuana-muntu upolokile mukiania ya malũnde ma kwigyulu kungũlũ nuukulu wingĩ.

Matayo 24:46

Muliukũ umwĩtumi nuasio ũShekulu wakue pĩna ukakumuagaana witenda yaasio.

Matayo 25:21

ũShekulu waakue numuĩĩla, ‘Iiza gua, umwĩtumi namuuza numusuĩĩli; alĩ umusuĩĩli kuna ikeei, nĩkakukuĩĩka wĩĩ umukulu wa mingĩ; ingĩla muulumbi wa kĩShekulu waako.’

Matayo 25:23

ũShekulu waakue numuĩĩla, ‘Iiza gua umwĩtumi namuuza numusuĩĩli; alĩ umusuĩĩli kuna ikeei, nĩkakukuĩĩka wĩĩ umukulu wa mingĩ; ingĩla muulumbi wa kĩShekulu waako.’

Luka 6:37

“Mulekilamula, niniinie sika mukilamulua; mulekishokia, niniinie sika mukishokigua; ĩlekelĩ; niniinie mukilekelua.

Yohana 21:22

ũYesu numuĩĩla, “Kanga ĩnumuloe wikyale sunga nĩĩze, yaani gua ue. Ue ntiata.”

Yohana 21:23

Iio ulukaani ulu nalukũmuuka muanũna kĩna umumanigua nuasio sikukikia, ĩpa ũYesu sika uluũgile, Sikukikia, ĩpa, Kanga ĩnumuloe wikyale sunga nĩĩze, yaani gua ue.

Yohana 5:44

Mwishũũma mbii kwishuĩĩla, inie namukĩkulagiaa niinie kuniinie, nuukulu naupũnile kwa kĩNzua nwing'ene sika mukuudũũmaa?

Alumĩ 14:4

Ue uue waani nukumulamulaa umwĩtumi wa muntu wĩngĩ. Kwa kĩShekulu waakue uzo wĩĩmĩkile katia uguile. Kangĩ ukiĩĩmĩkigua kuitĩ ũShekulu usũũmile kukumuĩmĩkia.

Alumĩ 2:1

Luulo gua, ue nwĩmuntu tũlũ wensi nukulamulaa, umugila kawĩlongo; kuitĩ muzaasio nukumulamulaa nuĩngĩ ukĩlamulaa uue kĩna umutimu, kuitĩ ue nukulamulaa ukutendaa zizo-ziizoo.

Alumĩ 2:16

palutondo luasio uNzua pĩna ukakuulamula uunkũnkũ wa antu kunzĩla ya kĩYesu Kilisito, kwilika lya Mpola na Nziiza nantanantilie.

Alumĩ 2:29

Uzo ingĩ Muyahũdi wa tai, nwa munsĩ; uwaalami wa tai ingĩ wa moo, wa kĩnkoolo sika wa wandĩkua. uLukũmo luakue sika lupũnile kuantu ĩpa kwa kĩNzua.

Alumĩ 2:7

ĩaasio naakudũũmaa uukulu nikyulio nuusiitioononeka kuugigimĩlia wa kutenda namaaza, ikipeegua upanga wa kalĩ nakalĩ;

1 Akolinto 1:7

sunga sika muakeepeelue kakĩpeegua tũlũ kiensi, pĩna mulaaĩlĩĩle dũũ uukũnukuĩlua wa kĩShekulu wĩĩtu Yesu Kilisito.

1 Akolinto 11:16

Malĩĩ muntu wensi waa usĩĩgile kwileeta nkungumi, ishie kuagila intendo kĩna zaasio, sunga ĩmakanisa ma kĩNzua.

1 Akolinto 11:26

Iio gua, pĩna mukukĩlĩa ĩkĩgao ĩkĩ nukukukĩkopela ĩkĩĩko ĩkĩ, mukutanantagiaa nkia ya kĩShekulu sunga waaze.

1 Akolinto 15:23

Ĩpa wensi paluandĩ luakue, ĩnduĩ-nduĩ ingĩ uKilisito, pembele naa kĩKilisito pĩna ukiiizaa.

1 Akolinto 3:13

umulĩmo wa muntu wensi ukakigyelela. Kuitĩ uLutondo lukakigyelelia; kunsooko ukikũnukulua kumooto, numooto ukakuugema umulĩmo wa muntu wensi kĩna wilika kĩ.

1 Akolinto 3:14

uMulĩmo wa muntu nuzengile mukiania yaakue kanga wikyale, ukiligia ĩkĩpeegua.

1 Akolinto 3:8

Luulo gua, uyo nukupandĩlaa ninduyonukũitĩlaa ĩmaazĩ ingĩ ilika lĩmuĩ, kangĩ wensi ukiligia kĩpeegua kiakue muumo-muumoo muna ukuagĩlaa umukola.

2 Akolinto 10:18

Kuitĩ nukugombagiguaa sika unuasio nukikũmazukagiaa umuene, ĩpa uuyo nukukũmazukagigua nũShekulu.

2 Akolinto 10:9

Koona ndekionua zĩ nukumoopookia inie kumbalua zaane.

2 Akolinto 4:2

Ĩpa kuzishiitile impola za kĩmpĩsĩmpĩsĩ naza nsoni; sika kukugendelaa muwĩsukukia katia sika kusaalĩnkĩĩnie ukulaani lwa kĩNzua nuulongo, ĩpa kuwigyelelio wa tai, kukĩpũnĩlia kualiĩ kumioo ya antu tũlũ ntongela ya kĩNzua.

2 Akolinto 5:10

Kuitĩ yukũjĩpĩĩle kukigyelela ntongela ityengu lya ulamulua lya kĩKilisito, koona muntu wensi waanũnkule naalumatendile pĩna alĩwĩĩlĩ mumuĩlĩ, namatũla maaza katia mabĩĩ.

1 Atesaloniki 5:2

Kuitĩ inie uniinie mumanile nkankanaa ya kĩna ulutondo lwa kĩShekulu lũjile kĩna iio umũii nukuuzaa muutiku.

Aebulania 4:13

Sunga kyukutilĩ kakĩumbe nakĩpisigue ntongela yaakue, ĩpa itĩ tũlũ-tũũlũũ igyelĩĩle kualiĩ nukwikũnukulua pamiiso maakue nutĩĩte impola zĩĩtu.

Yakobo 4:11

Muleke kĩteketa anũna aane. Numuteketile umunũna waakue katia kukumulamula umunũna waakue, ukuuteketaa uUlagĩĩlio nukukuulamula uUlagĩĩlio. Ĩpa malĩĩ ukuulamula uUlagĩĩlio, sikukutũlaa mutendi wa Ulagĩĩlio, ĩpa umulamuli.

Yakobo 5:7

Luulo gua anũna aane, gigimĩliĩ sunga pĩna ujilishooka ũShekulu. Laaĩ, umulĩmi ulaaaĩlĩĩle uuogoli nauuza wa nsĩĩ, nugigimĩlia kunsooko yaakue sunga pĩna ĩligie ĩmbũla ya muandio nĩnya mpelo.

Yakobo 5:9

Muleke kĩsũsũmĩla niinie kuniinie anũna aane, mulekilamulua. Laaĩ, uMulamuli wĩĩmĩkile pamĩlango.

1 Petelo 1:7

itĩ kuugemua waani usungu waani nawa ngele nkulu kwikĩla ĩzahabũ nyukoononekaa, kanga ĩtũle ngemue kumooto nakĩĩ, uusuĩĩli waasio wigyelele kwitũla kulukũmo nuukulu nikyulio muukũnukulua wa kĩYesu Kilisito.

1 Petelo 5:4

NuMudĩĩmi namukulu pĩna wijile kigyeleligua, mujiliaanũnkula ĩngala ya ukulu nasika yukoononekaa.

2 Petelo 3:12

pĩna mwilaaĩĩla sunga luĩze ulutondo luasio ulwa kĩNzua, nukukulukangasĩĩlia. Ĩpaasio paapo igyulu likitaulua nukwishonsua, niiumbe iyuukĩ ikijigĩligua nukwinekentuka!

2 Petelo 3:4

ĩiũga, “Liĩlĩ mpĩĩ ilyago liasio ĩlya kuuza kumuakue? Kuitĩ kwipũna paapo iishekulu ĩĩtu pĩna agonĩĩle intu tũlũ ikyalile iio-iioo kwipũna iyuukĩ lya uutũndua.”

Yuda 1:14

Nu Enoki naalĩ wĩleli wa mupũngatĩ kwipũna uAdamu, alupũnilie uunakĩdagu mumpola za aasio, nuũga, “Laaa, ũShekulu alupolokile nĩeelu aakue, magana ma nzogũ kiaka,

Ukũnukulua 1:7

Laaa, wijile nĩmalũnde, nĩliiso liensi lĩkakumuona, nĩndĩo naalĩ amusomile; ninduuli tũlũ za muna nsĩĩ zijililĩla ĩkĩlĩlo kunsooko yaakue. Eeze, Amini.

Ukũnukulua 20:12

Namona ĩakiu, akulu nĩnaaniino, ĩĩmĩkile pigyengu lya kĩtemi; niitabũ naikũnukulua. Nĩkĩtabũ kĩĩa nakĩkũnukulua, kĩĩkio ĩkya upanga. Nĩakiu naalamulua mumpola naalĩ nandĩkue mũitabũ yaasio kwilika lya utendi waao.