1 Akolinto 3:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ Luulo gua, uyo nukupandĩlaa ninduyonukũitĩlaa ĩmaazĩ ingĩ ilika lĩmuĩ, kangĩ wensi ukiligia kĩpeegua kiakue muumo-muumoo muna ukuagĩlaa umukola.

1 Akolinto 3:8 ပူးပေါင်းရင်းမြစ်များ

Matayo 16:27

Kuitĩ uMuana-muntu wijile muukulu wa kĩTata wakue palumuĩ nĩamalaĩka aakue; paapo ukakumulĩpa wensi mũlika lya utendi waakue.

Luka 19:19

Numuĩĩla ninduyo, ‘Ue uziteme kaa zitaano.’”

Alumĩ 2:6

nukakumushookeelia wensi kwilika lya utendi waakue;

1 Akolinto 15:58

Kuluulo gua anũna aane aloogua, mutũle akamu mulekishũngũsĩka, mwĩongeelekie kwitenda umulĩmo wa kĩShekulu intondo tũlũ zensi, mumanile kĩna mwa kĩShekulu umulĩmo waani namukakũ sika nakanda.

1 Akolinto 3:14

uMulĩmo wa muntu nuzengile mukiania yaakue kanga wikyale, ukiligia ĩkĩpeegua.

1 Akolinto 3:7

Iio gua nupandĩĩle sika kĩntu, sunga nũitĩĩle ĩmaazĩ, ĩpa ingĩ uNzua nukukulagiaa.

1 Akolinto 3:9

Kuitĩ ishie kukĩtumaa umulĩmo palumuĩ nuNzua; inie mwĩmugunda wa kĩNzua, mwĩnumba ya kĩNzua.

1 Akolinto 4:15

Kuitĩ kanga muĩ nĩalangi gyana lya nzogũ kyumi mwa kĩKilisito, muagila kaatata naiingĩ. Kuitĩ ĩne neene naalĩ numulelile mwa kĩKilisito Yesu kunzĩla ya Mpola na Nziiza.

1 Akolinto 9:7

Mwĩlaasi kĩ nukuendaa kuulugu tyũngo tũlũ liensi kũlyĩpo liakue umuene? Waani nukupandĩlaa ĩmakota ma mĩzabiibu nasikukulĩaa inkali zaakue. Waani nukudĩĩma idyale, nasikukukopaa ĩmasunsu midyale?

Agalatia 6:4

Wensi gua nwaulaaĩkie umulĩmo waakue umuene, paapo ukitũla nĩnsooko ya kĩkũmazukia umuene udũũ, ilekitũla kumuntu muua.

Agalatia 6:5

Kuitĩ wensi ukikenka umuligo waakue umuene.

Aebulania 6:10

Kuitĩ uNzua sika mubĩĩ, sunga wĩĩwe ĩmĩlimo yaani nuuloogua waasio naalĩ muũgyelĩĩlie kuliina liakue, pĩna alĩ mukuatumĩla ĩeelu, sunga nunzuauu kĩlĩ mukuatumĩla.

1 Petelo 5:4

NuMudĩĩmi namukulu pĩna wijile kigyeleligua, mujiliaanũnkula ĩngala ya ukulu nasika yukoononekaa.

2 Yohana 1:8

Ĩkendegeelĩ, mulekilimĩĩlia naalĩ mukĩkunkunalĩĩle, ĩpa muanũnkule ĩkĩpeegua kiensi.

Ukũnukulua 2:23

nineene nĩkakuaulaga ĩaana aakue kuukiu. Nĩmakanisa tũlũ mikilĩĩnga kĩna neene nukukeesagiaa moo nĩnkolo. Nineene nĩkakumupeela muntu wensi kumiani kwilika lya utendi waakue.

Ukũnukulua 22:12

“Laaa, nijile kuukaaũ, nuupeegua waane wĩpalumuĩ nineene kukumulĩpa wensi kwilika lya mulĩmo waakue.