1 Akolinto 2:9 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁹ Ĩpa kĩna yandĩkue, “iIntu ĩliiso nasika alĩ lĩioonie sunga ukutuĩ sika alĩ wiigilie Sunga sika alĩ ingĩĩle munkolo ya muntu, iIntu uNzua naalĩ waazĩpĩlĩĩĩlie naamuloilue,”

1 Akolinto 2:9 ပူးပေါင်းရင်းမြစ်များ

Matayo 20:23

Nuaĩĩla, “ĩKĩĩko kiane mukakukĩkopela, ĩpa kukikyalansa kumukono wa kĩgoosia nukumukono wa kĩkĩĩma sika mulĩmo waane kwipeelana, ĩpa akupeegagua naalĩ azĩpĩlĩligue nuTata waane.”

Matayo 25:34

Paapo umutemi ukakuaĩĩla ĩaasio naĩĩlĩ pamukono waakue wa kĩgoosia, ‘Nzuĩ namwakembetilue nuTata waane, usaalĩ uutemi naalĩ muazĩpĩlĩligue kwipũna pautũndua wa unkũmbigyulu;

Yohana 3:16

Iti yoi uNzua aluulogilue uunkũmbigyulu, sunga numupũnia uMuana waakue wing'ene, koona tũlũ wensi nusuĩlĩĩle mumuakue walekilimĩĩla, ĩpa wĩĩ nuupanga wa kalĩ nakalĩ.

Alumĩ 8:28

Kumanile gua kĩna uNzua munkaani zensi ukĩtumaa umulĩmo kuuuza, kuaasio naamuloogilue uNzua, ingĩ aao naĩĩtue kuusiio waakue.

Aebulania 11:16

Ĩpaino atĩĩte nsula kwienda kunsĩĩ nanziiza kwikĩlĩkĩĩla, ĩyo nya kwigyulu. Luulo gua, uNzua sika nuona kansoni kwiĩĩtua Nzua waao; kuitĩ waazĩpĩlĩĩlie ĩkaa.

Yakobo 1:12

Mulyuku umuntu nugigimĩlie muugemua, kunsooko pĩna udulile ukiaanũnkula ĩngala ya upanga, ũShekulu nualagĩĩle naamuloilue.

Yakobo 2:5

Ntegeelĩ, anũna aane aloogua, uNzua sika aluasaaguĩlene ĩatũka a unkũmbigyulu atũle agolĩ muusuĩĩli, kangĩ asaali a utemi naalualagĩĩle ĩaasio naamuloilue?

1 Petelo 1:12

Naalĩ akũnukuĩlue ya kĩna sika kunsooko yaao ĩeene, ĩpa kunsooko yĩĩtu naatumĩka mumpola zaasio naalĩ ntanantigue kunsiani nĩaasio naalĩ amutanantĩĩlie inie iMpola naNziiza kunzĩla ya kĩMuau Muelu naalĩ mutumue kwipũna kwigyulu. Sunga ĩamalaĩka asũũmue nsula kwishungĩĩla impola zaasio.

1 Yohana 4:19

Iishie kutĩĩte uuloogua kunsooko muene alukuloogilue umuandio.