1 Akolinto 2:7 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁷ ĩpa kukutambulaa ĩmasala ma kĩNzua muunkũnkũ, nalĩ mapisue, uNzua naalumaĩĩkile kwipũna umuandio wa unkũmbigyulu, kuukulu wĩĩtu.

1 Akolinto 2:7 ပူးပေါင်းရင်းမြစ်များ

Matayo 11:25

ĩTyungo liasio ũYesu nushookeelia, nuũga, “Nakusongelia, Tata, Shekulu wigyulu nĩnsĩĩ, kunsooko waapisĩĩle izi ĩanamasala nusugũ nuakũnukuĩla ĩaana naatakata.

Matayo 13:35

itĩ nalukondeeleka ulukaani naalĩ lutambulue numunakĩdagu, “Nikimũmuula umulomo waane mumpiani, Nikidunduula naalĩ mpisigue kwipũna iyuukĩ ĩkalĩ.”

Alumĩ 11:25

Kuitĩ, muleke kĩona zĩ akola usugũ, sika numuloe anũna aane, mulekimana unkũnkũ uu, ya kĩna uukakũ wingĩĩle kwityũmpĩ lya Ĩsilaeli sunga iyalo lya ndugu nazĩngĩ lĩkondeeleke.

Alumĩ 8:29

Kunsooko ĩaasio naalĩ waamanile kwipũna iyuukĩ, aao alĩ waasaaguĩle kwipũna iyuukĩ apianĩkĩĩligue nĩmpiani ya Muana waakue, koona uzo wĩĩ mulelua wa muandio pakatĩ ya anũna iingĩ.

Alumĩ 8:30

Nĩaasio naalĩ waasaaguĩle kwipũna iyuukĩ, aao nuĩĩta, nĩaasio naaluĩĩtile, aao nuaalĩĩlia ĩkulukuuluu, nĩaasio naalĩ waaalĩlĩĩlie ĩkulukuuluu, aao nuakulia.

1 Akolinto 2:1

Nineene pĩnananĩĩza kunsiani anũna aane, sika alĩ nijile kukumutanantĩlia uukuĩli wa kĩNzua kumakaani na makulu katia kumasala.

Aepeso 1:4

kĩna iio naalukusaguĩle mumuakue pĩna ĩmĩkũlĩla ya unkũmbigyulu alĩ ikĩĩlĩ kalaĩĩkua, kutũle eelu, nagila kishokio ntongela yakue muulogua.

Aepeso 3:10

Iio gua, ĩakulu nĩakola usũũmi a kwigyulu amane ĩmasala namingĩ ma kĩNzua, kunzĩla ikyanisa.

2 Timoteo 1:9

Uyo alukugũnile nukukuĩta kuwĩĩtua naweelu, sika kwilika lya utendi wĩĩtu, ĩpa kwilika lishiio liakue umuene nuukende waakue, nalĩ kuapeegue ishie mwa kĩKilisito Yesu kwipũna ĩkalĩ,

Aebulania 1:2

ĩpa kuntondo izi za mpelo utambuĩle nindiishie kuMuana, naalumuĩĩkile wĩĩ musaali wa intu yensi, kwa kĩuyu nuuumba uunkũmbigyulu.

Aebulania 11:3

Kusuĩĩli kwalĩnga ya kĩna uunkũmbigyulu alĩ utũndue kuLukaani lwa kiNzua, sunga iintu naigyelĩĩle alĩ ijĩpigue kuintu nasika igyelĩĩle.

1 Petelo 1:11

naakeesekia kĩna muntu kĩ nityũngo kĩ naalĩ lyagĩĩligue nuMuau wa kĩKilisito naalĩ wĩĩlĩ munsĩ yaao, pĩna alukuatongeela kwikuĩla impola za waagigua wa kĩKilisito nuukulu naukitiata.

1 Petelo 5:1

Naapeepia ĩAnampala naĩĩlĩ kunsiani, ĩne nanuMunampala mĩaao numukuĩli wa waagi wa kĩKilisito numukamantani wa ukulu naukikũnukulua pembele;

1 Petelo 5:10

NuNzua nwa ukende tũlũ, naalumuĩtile kwiingĩla muukulu waakue wa kalĩ nakalĩ nawĩĩlĩ mwa kĩKilisito, pĩna muagigua kwityũngo niino, uyo umuene ukakumukamĩnkĩĩlia, nukukumukamatĩkia, nukukumupeela ingũlũ.

2 Petelo 1:3

iNgũlũ zaakue, ĩza kĩNzua, zakupĩĩle intu tũlũ naijĩpĩĩle uupanga nukukumutekela uNzua, kunzĩla ya kumulĩnga uyo naalukuĩtile kuukulu waakue nuuuza waakue umuene.

Ukũnukulua 13:8

Tũlũ naakikyalaa muna nsĩĩ ĩkakumĩtekela, muntu wensi kanga ĩliina liakue ĩsika liandĩkue mukĩtabũ ĩkya upanga kya Muana-nkolo naalĩ muulague pĩna alĩ ikĩĩlĩ kwiĩĩkua umukulĩla wa nsĩĩ.