1 Akolinto 2:6 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁶ Ĩpa makoolĩ masala nakukumatambulaa pakatĩ ya akamĩnkĩĩlũ; ĩpa sika masala ma unkũmbigyulu uu, katia ĩma aasio naautemile unkũmbigyulu uu, naioononeka;

1 Akolinto 2:6 ပူးပေါင်းရင်းမြစ်များ

Matayo 13:22

Ndizo naalĩ minzue mumiigia, uyu wayu nukulũigagiaa ulukaani; nuukunkunali wa unkũmbigyulu, nuupembeeligua wa ugolĩ naulusopa ulukaani, sika nalupĩa.

Matayo 19:21

ũYesu numuĩĩla, “Kanga ĩusiiile kwitũla mukamĩnkĩĩlũ, longola ugulie nutĩĩte, uapeele ĩatũka; ninduue ukitũla utĩĩte ĩkĩuto kwigyulu; kangĩ nzuu, ntiata.”

Matayo 5:48

Iio gua muĩ akamĩnkĩĩlũ niniinie zĩ uTata waani nwa kwigyulu namukamĩnkĩĩlũ.”

Luka 16:8

ũShekulu nuasio numukũmazukia umulindĩĩli nasika munakulukuuluu kuusugũ waakue; kuitĩ ĩaana a unkũmbigyulu uu muwĩleli waao uweene asugũ kwikĩla ĩaana a weelu.”

1 Akolinto 1:28

kangĩ uNzua nũishaagula nainiekũ ya unkũmbigyulu nĩnaimeleeligue, sunga nasika igyelĩĩle, koona naigyelĩĩle itũle nakanda;

1 Akolinto 12:8

Kuitĩi umuĩ kwakĩMuau mupeegue lukaani lwa masala; umuua lukaani lwa umani kwa kĩMuau uyo-uuyoo.

1 Akolinto 14:20

Anũna aane, mulekitũla ang'inia mumasala maani, ĩpa muubĩĩ muĩ aana atakata; ĩpamumasala maani muĩ antu naakulu.

1 Akolinto 2:1

Nineene pĩnananĩĩza kunsiani anũna aane, sika alĩ nijile kukumutanantĩlia uukuĩli wa kĩNzua kumakaani na makulu katia kumasala.

1 Akolinto 2:13

Ziizo kukuzitambulaa, sika munkaani namanigue kumasala ma kĩuntu, ĩpa namanigue nuMuau, kukuzilĩganĩĩlia inkaani za kĩnkoolo kuantu a kĩnkoolo.

1 Akolinto 2:8

ĩAkulu a unkũmbigyulu uu sika amalĩngile sunga nunumuĩ, kuitĩ kanga ĩalĩĩ amalĩngile sika alĩ ijile kumukononteela ũShekulu wa ukulu mumusalaba.

1 Akolinto 3:1

Ĩne gua anũna aane, sika alĩ nsũũmile kukĩtambuĩla niniinie zĩ antu a kĩnkoolo, ĩpa zĩ naa kĩmuĩlĩ udũũ, zĩ aana naatakata mwa kĩKilisito.

2 Akolinto 1:12

Kuitĩ kukĩkũmazukia kumuĩtu nsuuku, uukuĩli wa mioo yĩĩtu ingĩ kuweelu nuugolokũ naupũnile kwa kĩNzua, sika kumasala ma kĩmuĩlĩ, ĩpa kuukende wa kĩNzua alĩ kwikyalile muna unkũmbigyulu, nangũlũ gua kunsiani inie.

2 Akolinto 13:11

Kumumalĩĩlio gua anũna aane, mulamu; mwĩkamatĩkie, mwĩkamie nkolo mukamantane, mwikyale mumatiliga; nuNzua wa uloogua nĩmatiliga ukitũla ukoolĩ palumuĩ niniinie.

2 Akolinto 4:3

Impola na Nziiza nakutanantilie malĩĩ zikũnĩkĩlua, zikũnĩkĩlua kumuao nailimila.

2 Akolinto 4:4

Ingĩ mumuao unzua wa unkũmbigyulu uu naalupokũilie ĩmasĩĩgo maao nasika asuĩlĩĩle, alekimĩlĩkĩlua nuweelu wa Mpola na Nziiza za ukulu wa kĩKilisito nampiani ya kĩNzua.

Aepeso 2:2

Naalĩ mukugendelaa ndĩo ĩkalĩ kukuzitiata intendo za unkũmbigyulu uu, nukukumutiata umutemi wa usũũmi wa nzega, ĩnkolo niasio nyĩkĩtuma umulĩmo sunga nunzuauu muaana auleki.

Akolosai 1:28

Wayuuyu kukumutanantia impola zaakue, nakukumusugula muntu wensi, nukukumumania muntu wensi mumasala tũlũ, koona kumuleete muntu wensi mukamĩnkĩĩlũ mwa kĩKilisito.

Akolosai 4:12

uEpafula nwa kunsiani, mwĩtumi wa kĩYesu, ukumulamukia; ukĩkamatĩkagiaa intondo tũlũ kunsooko yaani muulompi waakue, koona muĩmĩke ke, akamĩnkĩĩlũ, mulĩngĩkie uulooa tũlũ wa kĩNzua.

Aebulania 5:14

Ĩpa india nankakũ ingĩ za antu naakulu, ĩaasio namasala maao, kunzĩla ya kumatumĩla, mijiĩlĩĩligue kwilekanula nanziiza nĩnambĩĩ.

Aebulania 6:1

Iio gua, kulege kuumanigua wa muandio wa kĩKilisito kulongoleke kuukamĩnkĩĩlũ; kulekiĩĩka kangĩ umukũlĩla wa upeli kwipũna muutendi naukiu, nuusuĩĩli kwa kĩNzua,

Yakobo 3:15

ĩMasala aya sika maasio namiikile kwipũna kukiania, ĩpa ma muna nsĩĩ, kangĩ ma kĩuntu nĩma kĩShetani.

Yakobo 3:2

Kuitĩ ishie tũlũ kukĩkũmpagiaa. Wensi nasika wĩkũmpilie muutambuli waakue, uyo ingĩ muntu wa kapanga, nusũũmile kuugilia numuĩlĩ wensi gaa kĩna zĩ kũgyuatio.

1 Petelo 5:10

NuNzua nwa ukende tũlũ, naalumuĩtile kwiingĩla muukulu waakue wa kalĩ nakalĩ nawĩĩlĩ mwa kĩKilisito, pĩna muagigua kwityũngo niino, uyo umuene ukakumukamĩnkĩĩlia, nukukumukamatĩkia, nukukumupeela ingũlũ.