1 Akolinto 2:5 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁵ koona uusuĩĩli waani ulekitũla mumasala ma antu, ĩpa mungũlũ za kĩNzua.

1 Akolinto 2:5 ပူးပေါင်းရင်းမြစ်များ

Utendi 16:14

Musungu umuĩ, ĩliina liakue Lidia, naalukugulagiaa intiila nantitimũ, mukolakaa wa kuTiatila, mukulia Nzua, nukuiigia. Ninduyo uNzua numukũnukula ĩnkolo wazikendegeele nazitambulua nuPaulo.

1 Akolinto 1:17

Kuitĩ uKilisito sika aluntumile kukwabadĩĩzia, ĩpa kwitanantia iMpola na Nziiza; sika kumasala ma nkaani, umusalaba wa kĩKilisito ulekitũla nakanda.

1 Akolinto 3:6

Ĩne nampandĩla, uApolo nũitĩla ĩmaazĩ, ĩpa umukola kukulia ingĩ uNzua.

2 Akolinto 12:9

Numbuĩla, “uUkende waane ukuendile muumo, kuitĩ muuneketũ, muumo ingũlũ zaane zukukondeelekaa.” Iio gua, nĩkakĩkũmazukĩlia uuneketũ waane kuulumbi wingĩ kwikĩlĩkĩĩla, koona ingũlũ za kĩKilisito zikyale mumuane.

2 Akolinto 4:7

Ĩpa kutĩĩte ĩkĩuto ĩkĩ mũisheme ya ulongo, koona ingũlũ nazikĩlĩkĩlĩĩle zitũle za kĩNzua, zilekitũla zipũnile kunsĩĩtu ishie.

2 Akolinto 6:7

mulukani lwa tai, mungũlũ za kĩNzua, kumata ma kulukuuluu ma mukono wa kĩgoosia nĩma mukono wa kĩkĩĩma;