1 Akolinto 2:12 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹² Nindiishie gua, sika nakuanũnkula ĩnkolo ya unkũmbigyulu, ĩpa uMuau nukupũnaa kwa kĩNzua, koona kuzilĩnge naalĩ kuapeegue nuNzua.

1 Akolinto 2:12 ပူးပေါင်းရင်းမြစ်များ

Alumĩ 8:1

Ĩpaino gua, kutilĩ kaulamulua wa kukaasigua kuaasio naĩĩlĩ mwa kĩKilisito Yesu.

Alumĩ 8:32

Uyo nasika alumugililie uMuana waakue-waakuee, ĩpa alumupũnilie kunsooko yĩĩtu ishie tũlũ, sikukakukupeelane kuukende iintu tũlũ palumuĩ ninduyo?

1 Akolinto 1:27

Ĩpa uNzua nũishaagula iintu ya ulu ya unkũmbigyulu koona waakolie inshoni ĩanamasala uNzua nũishaagula iintu naineketũ ya unkũmbigyulu koona waikolie inshooni naikola ngũlũ;

1 Akolinto 2:6

Ĩpa makoolĩ masala nakukumatambulaa pakatĩ ya akamĩnkĩĩlũ; ĩpa sika masala ma unkũmbigyulu uu, katia ĩma aasio naautemile unkũmbigyulu uu, naioononeka;

1 Akolinto 3:22

Kanga wĩĩ Paulo katia Apolo katia Kefa, katia unkũmbigyulu katia upanga katia nkia, katia ii naikoolĩ ĩpaino, katia io naikitũla; tũlũ yensi ingĩ yaani,

2 Akolinto 4:4

Ingĩ mumuao unzua wa unkũmbigyulu uu naalupokũilie ĩmasĩĩgo maao nasika asuĩlĩĩle, alekimĩlĩkĩlua nuweelu wa Mpola na Nziiza za ukulu wa kĩKilisito nampiani ya kĩNzua.

Aepeso 2:2

Naalĩ mukugendelaa ndĩo ĩkalĩ kukuzitiata intendo za unkũmbigyulu uu, nukukumutiata umutemi wa usũũmi wa nzega, ĩnkolo niasio nyĩkĩtuma umulĩmo sunga nunzuauu muaana auleki.

Yakobo 4:5

Katia musĩĩgile kĩna uwandĩkua witambula nakandaane? uMuau nwikyalile munsĩ yĩĩtu ukukuloogaguaane kuuloogua wa wĩĩlũ?

1 Yohana 2:20

Ĩpa inie mwapakilue makũta nunuasio naMuelu, kangĩ mumanile tũlũ.

1 Yohana 2:27

Ĩpa ĩmakũta naalĩ mumaligilie kumuakue makikyalaa munsĩ yaani, niniinie sika musiiile wensi wamumanie; ĩpa gua, kĩna iio ĩmakũta maasio makumumania impola tũlũ zensi, kangĩ maayo tai, sika ulongo, iio-iioo naalĩ mamumanilie inie; kyalĩ munsĩ yaakue.

Ukũnukulua 12:9

iJoka nikyulu nalĩtaagua, ĩnzoka ya kalĩ nukuĩtaguaa, Mupembeelia kangĩ Shetani, nukulimĩĩlagiaa uunkũmbigyulu tũlũ; nutaagua sunga munsĩĩ, nĩamalaĩka aakue naataagua palumuĩ nduyo.

Ukũnukulua 22:6

Numbuĩla, “iNkaani izi ingĩ za kusuĩĩlua kangĩ za tai. NũShekulu, Nzua nwa nkolo za anakĩdagu, alumutumile umalaĩka waakue waalagĩĩle ĩĩtumi aakue impola nazikitũla zikoolĩ kuukaaũ kutilĩ kawĩnegelo.