1 Akolinto 2:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Nineene pĩnananĩĩza kunsiani anũna aane, sika alĩ nijile kukumutanantĩlia uukuĩli wa kĩNzua kumakaani na makulu katia kumasala.

1 Akolinto 2:1 ပူးပေါင်းရင်းမြစ်များ

Utendi 20:21

Nanĩakuĩlĩkia ĩAyahũdi nĩAgiliki apele ntongela ya kĩNzua, nukwishuĩĩla mwa kĩShekulu wĩĩtu Yesu Kilisito.

Utendi 22:18

nanumuona nduyo, numbuĩla, Uuka, ulege mũYelusalemũ kuukaaũ, kunsooko sika ĩkakuugomba uukuĩli waako mumpola zaane.

Alumĩ 16:18

Kuitĩ ĩaasio sika akumutumĩlaa ũShekulu wĩĩtu uKilisito, ĩpa indaa zaao ĩeene; nukunzĩla ya nkaani nantelele nukukĩloeelia akuzipuutagiaa inkolo za antu naagila ĩmasala.

Alumĩ 16:25

Ĩpaino nwakuligue uzo nusũũmile kukumukaminkĩĩlia inie kunzĩla ya Mpola na Nziiza nantanantilie, nukuutanantigua wa kĩYesu Kilisito kunzĩla ya ukũnukulua wa unkũnkũ uo naalĩ upisue kwipũna iyuukĩ,

1 Akolinto 1:17

Kuitĩ uKilisito sika aluntumile kukwabadĩĩzia, ĩpa kwitanantia iMpola na Nziiza; sika kumasala ma nkaani, umusalaba wa kĩKilisito ulekitũla nakanda.

1 Akolinto 1:6

kĩna uukuĩli kwa kĩKilisito naalĩ ukamĩnkĩĩligue kunsiani;

1 Akolinto 2:13

Ziizo kukuzitambulaa, sika munkaani namanigue kumasala ma kĩuntu, ĩpa namanigue nuMuau, kukuzilĩganĩĩlia inkaani za kĩnkoolo kuantu a kĩnkoolo.

1 Akolinto 2:4

uLukaani luane nuutanantia waane sika alĩ munkaani za masala nazukualũtaa ĩantu, ĩpa kuutendi wa kĩMuau ningũlũ,

1 Akolinto 2:7

ĩpa kukutambulaa ĩmasala ma kĩNzua muunkũnkũ, nalĩ mapisue, uNzua naalumaĩĩkile kwipũna umuandio wa unkũmbigyulu, kuukulu wĩĩtu.

2 Akolinto 10:10

Kuitĩ akuũgaa, “iMbalua zaakue ingĩ nkakũ kangĩ za usũũmi, ĩpa pĩna ukoolĩ kukĩmuĩlĩ ingĩ muneketũ, ninkani zaakue za kumelua.”

2 Akolinto 11:6

Kanga ĩsika numutambuli nakĩĩ, sika numulũto wa kulĩnga; munzĩla tũlũ kũigyeleligue kualiĩ kumiani mumpola zensi.

2 Atesaloniki 1:10

Pĩna ũjiliiiiza kwikuligua pakatĩ ya eelu aakue, kangĩ wĩĩ ukulĩlua pakatĩ ya antu tũlũ naasuĩlĩĩle palutondo luasio, kunsooko uukuĩli wĩĩtu alĩ wagombagiguaa kumiani.

1 Timoteo 1:11

kwilika lya mpola na nziiza za ukulu wa kĩNzua namuliukũ; ziizo nineene numupeegue kukuzitanantia.

2 Timoteo 1:8

Luulo gua, uleke kuukolelua inshooni uukuĩli wa kumukuĩla ũshekulu wĩĩtu, katia kunsooko yaane nanumu tũngua waakue; ĩpa kamantana munzago kunsooko ya Mpola na Nziiza, kwilika lya ngũlũ za kĩNzua.

1 Yohana 4:14

Nindiishie kwaoonie nukwikuĩla ya kĩna uTata wamutumile uMuana watũle Mugũni wa unkũmbigyulu.

Ukũnukulua 1:2

naalulukuĩlĩle uLukaani lwa kĩNzua, nuukuĩli wa kĩYesu Kilisito, sunga impola tũlũ naaluzioonie.

Ukũnukulua 1:9

Neene Yohana, umunũna waani, mukamantani palumuĩ niniinie munzago numuutemi numuugigimĩlia wa kĩYesu, alĩ nĩĩlĩ mukĩsiwa nakyukuĩtagua Paatimo kunsooko ya Lukaani lwa kĩNzua, nukunsooko ya ukuĩli wa kĩYesu.

Ukũnukulua 19:10

Nineene nangua ntongela ya mĩgulu yaakue koona numutekele; numbuĩla, ‘Lekitenda yaasio; Ĩne nĩnwĩtumi mĩaako, kangĩ wa anũna aako naatĩĩte uukuĩli wa kĩYesu. Mutekele uNzua.’ Kuitĩ uukuĩli wa kĩYesu ingĩ nkolo ya unakĩdagu.”