1 Akolinto 15:44 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴⁴ Yukupandĩlaguaa muĩlĩ wa kĩuntu; nuiiukigua muĩlĩ wakĩnkoolo; ukoolĩ umuĩlĩ wa kĩuntu nuwa kĩnkoolo gaa.

1 Akolinto 15:44 ပူးပေါင်းရင်းမြစ်များ

Luka 24:31

ĩMiiso maao namakũnukulua, naamumana. Paapo nulimĩĩla ntongela yaao.

Yohana 20:19

Pĩna nĩtũla mpĩndĩ ya lutondo luasio lwa muandio lwijũma, injĩĩgĩ alĩ ngyalĩlue muasio muna alĩ ĩĩlĩ ĩamanigua kunsooko ya koopooka ĩAyahũdi, nuuza ũYesu nuĩmĩka pakatĩ, nuaĩĩla, “Matiliga mĩĩ kumiani.”

Yohana 20:26

Nazikĩla intondo munaana, ĩamanigua aakue alĩ akoolĩ munumba kangĩ, nuTomaso palumuĩ ndĩo ũYesu nuuza, injĩĩgĩ alĩ zigyalĩlaguaa, nuĩmĩka pakatĩ, nuũga, Matiliga mĩĩ kumiani.

1 Akolinto 15:50

Nanukuzitambula ntiizi, anũnaaane, ya kĩna ĩnama nĩmĩgali sikazishũũma kwishala uutemi wa kĩNzua, sunga oononeki kwishaala usiitiononeka.

1 Akolinto 2:14

Ĩpa umuntu kumasĩĩgo maakue umuene sikukuzaanũnkulaa ĩza kĩMuau wa kĩNzua; kuitĩ kumuakue zaasio ingĩ ulu, sunga sika wishũũma kukuzilĩpa, kuiti zukulekanulaguaa kunzĩla ya kĩnkoolo.