1 Akolinto 15:26 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁶ uMulugu wa mpelo nukitendua wĩĩ nakanda ingĩ ĩnkia.

1 Akolinto 15:26 ပူးပေါင်းရင်းမြစ်များ

Luka 20:36

Kuitĩ sika asũũmile kwikia kangĩ, kunsooko akutũlaa ilika lĩmuĩ nĩamalaĩka, ndĩo awa aana a kĩNzua kũyaasio naaana a wiiuki.

1 Akolinto 15:55

“Wĩmpĩĩ ue nkia, uuduli waako?” “Wĩmpĩĩ ue nkia, uusungu waako.”

2 Timoteo 1:10

ĩpa itĩ intondo izi yakũnukuĩlue kunzĩla ya wigyeleli wa Mugũni wĩĩtu Kilisito Yesu naaluuleegilie uukiu, nuũgyelelia muweelu uupanga nuusiitioononeka, kunzĩla ya Mpola na Nziiza.

Aebulania 2:14

Iio gua, kunsooko ĩaana akamantĩĩne nĩmiĩlĩ nĩtĩĩte umugali nĩnama, uyo nduyo iio-iioo alukamantanile iio-iioo, koona kunzĩla ya nkia wamoonoone uyo nutĩĩte usũũmi wa ukiu, ingĩ ũShetani,

Ukũnukulua 20:13

ĩNanza nĩapũnia ĩakiu naalĩ akoolĩ muasio, uUkiu nuUlungu nuapũnia ĩakiu naalĩ akoolĩ muasio, wensi nulamulua kwilika lya utendi waakue.

Ukũnukulua 20:14

uUkiu nuUlungu nautaagua munanza ya mooto. Uu wau ukiu wa kabĩlĩ, ndĩo ingĩ ĩnanza ya mooto;

Ukũnukulua 21:4

Ukipiagula ulũsholi luensi mumiiso maao, nĩnkia ikitũla yukutilĩ kangĩ; sunga ukiu nĩkĩlĩlo nuuwai ukitũla ukutilĩ kangĩ, kunsooko ĩza muandio zakondile kwikĩla.”