1 Akolinto 14:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Ĩpa unuasio nwipũnia uunakĩdagu, ukutambulaa kuantu nkaani za kuzenga nukwikamia inkolo nukwipumbulia.

1 Akolinto 14:3 ပူးပေါင်းရင်းမြစ်များ

Luka 3:18

Iio gua, nuasugula kunkaani nazĩngĩ ningĩ nukukuatanantĩlia ĩantu iMpola naNziiza.

Utendi 13:15

ĩMatũmpĩ ma Ulagĩĩlio nĩma Anakĩdagu pĩna namasomua, ĩakulu ishũnagogi naatuma muntu kumiao nukukuaĩĩla, “Agoosia anũna ĩĩtu, malĩĩ ĩmutĩĩte lukaani lwa kukamĩnkĩĩlia inkolo za antu, lutambulĩ.”

Utendi 14:22

naakuzĩkamĩnkĩĩlia inkolo za amanigua nukukuasugula ĩkamatĩkie muusuĩĩli, naiũga ya kĩna yukũjĩpĩĩle kwiingĩla muutemi wa kĩNzua kuwaagi wĩngĩ.

Utendi 15:32

ũYuda nuSila naeene anakĩdagu, naakamia nkolo ĩanũna kunkaani ningĩ, nukukuakamĩnkĩĩlia.

Utendi 4:36

Alukoolĩ Mulawi mukolakaa wa Kiipulo ĩliina liakue Yosepũ naalukuĩtaguaa nĩatumua Balinaba, ĩndogolelio yaakue muana wipyumbulio.

Utendi 9:31

Iio gua, muUyahũdi wensi nĩGalĩlaya nĩSamalia, ikyanisa naliĩ nĩmatiliga, nalĩzengua, nalĩongeela, naliilongoleka muooa wa kĩShekulu nipyumbulio lya kĩMuau Muelu.

Alumĩ 12:8

umukola kusugula, muuumoo; umukola kutongeela, kuukamatĩkũ; umukola kukolelana kĩnishungu, kuulumbi.

Alumĩ 14:19

Iio gua kutiate impola za matiliga nimpola nazijĩpĩĩle kukĩzenga.

Alumĩ 15:2

Wensi mumiĩtu wamulooeelie umunakaa waakue, waligie uuuza, wazengue.

1 Akolinto 10:23

“Kutilĩ kamũiko kumuane mũintu tũlũ,” ĩpa iintu tũlũ sika ileetile kansaĩlo. “Kutilĩ kamũiko kumuane mũintu tũlũ,” ĩpa sika intu tũlũ nayukuzengaa.

1 Akolinto 14:12

Iio-iioo niniinie, kunsooko mwĩkakĩlie kwiligia iipeegua ya kĩnkoolo, dũũmĩkiĩ kukĩongeelekia nindio, itĩ kukulĩkamĩnkĩĩlia ikyanisa.

1 Akolinto 14:17

Kuitĩ kutai, ue wishongelia iiza, ĩpa unuasio nuĩngĩ sika wikamĩnkĩĩligua.

1 Akolinto 14:26

Ikitũla mbiii gua anũna aane? Pĩna mwĩilingĩlĩĩle palumuĩ, wensi nutĩĩte ĩliĩmbo katia umania, katia ukũnukulua, katia ntambo nang'enda, katia ulondoosia; zensi zitendeke kunsooko ya kukamĩnkĩĩlia.

1 Akolinto 14:31

Kuitĩ tũlũ musũũmile kwipũnia uunakĩdagu umuĩ umuĩ, koona tũlũ ensi aligie kukĩmania, kangĩ tũlũensi akamigue munkolo.

1 Akolinto 8:1

Kumpola za nama nampũnigue ipyolia kuanzegamĩla, kumanile kĩna “Ishie tũlũ kutĩĩte ulĩngi, uulĩngi ukuleeta lukeemo,” ĩpa uulogua ukuzengaa.

2 Akolinto 1:4

nukukupumbulagiaa munzago zĩĩtu tũlũ zensi, itĩ kusũũmigue kukuapumbulia naĩĩlĩ munzago za matũmpĩ mensi, kumapumbulio nakuapumbuligue nuNzua.

2 Akolinto 2:7

Nsũta ya yaasio, taazu yumũjĩpĩĩle inie kukumulekela nukukumukamia ĩnkolo, uyo walekimĩllua nuusungu kwikĩlĩkĩĩla.

Aepeso 4:29

Lukaani luensi nalubĩĩ lulekipũna mumĩlomo yaani, ĩpa naluuza lwa kuzĩpia pĩna ishiiiue, luapeele ukende ĩaasio naakulũigia.

Aepeso 6:22

Uyo naalĩ numutumile kumiani kunsooko yoĩ-yooii, koona mumane impola zĩĩtu, ninduyo wamukamie inkolo zaani.

Akolosai 4:8

Uzo nanumutumile kunsiani kunsooko yoĩ-yooĩĩ, koona mumane impola zĩĩtu, kangĩ wamukamĩnkĩĩlie inkolo zaani.

1 Atesaloniki 2:11

Iio-iioo mumanile, ilika kĩna utata nukuasugulaa ĩaana akue, alĩ nukumusugulaa umuĩ umuĩ kumiani nukukumukamĩnkĩĩlia nukukumulagĩĩlia,

1 Atesaloniki 2:3

Kuitĩ uusuguli wĩĩtu sika wakulimĩĩlia katia wa kũtualana muudobũ, katia wa upembeelia.

1 Atesaloniki 3:2

Nakumutuma ũTimoteo umunũna wĩĩtu, mwĩtumi wa kĩNzua, munamulĩmo palumuĩ nindiishie muMpola naNziiza za kĩKilisito, wamukamĩnkĩĩlie inie muusuĩĩli waani nukukumukamia inkolo.

1 Atesaloniki 4:1

Kumpelo gua anũna ĩĩtu, kumulompile nukukumusugula mwa kĩShekulu Yesu, kĩna iio naalĩ muamanigue nindiishie, mugendele kĩna ijĩpĩĩle kwigendela nukukumuloeelia uNzua; kĩna yoi namukugendelaa, ĩpa yumũjĩpĩĩle kwikĩlĩkĩĩla mũyaasio.

1 Atesaloniki 4:18

Iio gua, ĩpumbuliĩ kunkaani izi.

2 Atesaloniki 3:12

Kualagĩlĩĩlie ĩaasio nukukuasugula mwa kĩShekulu wĩĩtu Yesu Kilisito, ĩtume ĩmĩlĩmo yaao, kuutuulũ, nukwilĩa india zaao ĩeene.

1 Timoteo 1:4

sunga alekikendegeela inshimu nasika za tai, sunga impola za kalĩ nangila nuukinĩĩlo, nazukuleetaa inkungumi dũũ, sika uzengi wa kĩNzua nawĩĩlĩ muusuĩĩli.

1 Timoteo 4:13

Ĩkamatĩkie kukuasomela, kukuasugula, nukukuamania ĩantu sunga pĩna nikiiza.

1 Timoteo 6:2

Nĩaasio naatĩĩte iishekulu naakumusuĩĩla uNzua, aleke kuamela kunsooko aazaa ĩkĩnũna, taazu aatumĩlĩkie kunsooko aasio naakuanũnkulaa ĩnsaĩlo ya mulĩmo waao aazaa asuĩĩli nĩaloogua. iMpola izi uzimanie, nukũshugula.

2 Timoteo 4:2

Lutanantie uLukaani, ĩkamatĩkie matũngo namijĩpĩĩle nĩmatũngo nasika mijĩpĩĩle, uasokie ubĩĩ waao, uasugule, uakamie nkolo muugigimĩlia tũlũ numuumanigua.

Tito 1:9

nulũtyapile ulukaani lwa usuĩĩli kĩna iio naalĩ mumanigue wasũũme kukuakamĩnkĩĩlia ĩantu kuumanigua nawa kapanga, nukukuakunguma naĩkĩkunguma nduo.

Tito 2:15

Tambula inkaani izi, usugulĩkie nukwitakĩla kuusũũmi tũlũ. Nunumuĩ waleke kukumela ue.

Tito 2:6

ĩAgoosia naa kĩsumbatĩ uasugule ĩĩ akola kĩgilia,

Tito 2:9

ĩAsese aagombie ishekulu aao, aaloeelie mumpola tũlũ; aleke inkungumi,

Aebulania 10:25

Kulekileka kukĩlundĩĩla palumuĩ, kĩna ĩntendo ya naĩngĩ, ipa kwĩkamie nkolo ndiishie kundiishie, naikulu nangũlũ pĩna muoonie uLutondo luasio lwasũgamĩĩla.

Aebulania 13:22

Ĩpa itĩ numupeepilie anũna aane, tegeelĩ gua ulukaani luane lwa usugulua, kuitĩ namuandĩkĩla kunkaani nkeei.

Aebulania 3:13

Ĩpa itĩ mwĩsugule lutondo luensi, pĩna yĩĩtue, “Nantende,” kaumuĩ mumiani walekikapũka kuupembeeligua wa mulandu.

1 Petelo 5:12

Kumukono wa kĩSiluano, munũna namusuĩĩli kĩna moonie, numuandĩkĩĩle kunkaani nkeei, nishugula nukwikuĩla yakĩna uu wau ukende wa tai wa kĩNzua. Ĩĩmĩkĩ kee muwaasio.

Yuda 1:20

Ĩpa inie aloogua, mwĩzenge muusuĩĩli waani naweelu nangũlũ; muloogua, mwa kĩMuau Muelu.