1 Akolinto 14:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Kuitĩ uyo nwilikitia kuntambo nang'enda sika wilikitia kuantu, ĩpa kwa kiNzua; kuitĩ kutilĩ nulĩngile; wilikitia unkũnkũ munkolo yaakue.

1 Akolinto 14:2 ပူးပေါင်းရင်းမြစ်များ

Matayo 13:11

Nushookeelia, nuũga, “Inie mwapĩĩlue kukuulĩnga unkũnkũ wa utemi wa kwigyulu, ĩpa ĩo sika apeegue.

Maliko 16:17

Niilĩngasĩĩlio ii yĩkakĩtiata nĩaasio naasũĩlĩĩle, kuliina liane ikiĩnga ĩmasĩĩmuĩ; ikitambula ntambo mpia

Maliko 4:11

Nuaĩĩla, “Inie mwapĩĩlue unkũnkũ wa utemi wakĩNzua ĩpa kuaasio naĩkunzĩ zensi zĩĩlĩ zĩ mpiani,

Utendi 10:46

Kuitĩ naigyũlia aitambula kutambo sia-sia nukukumukũmazukia uNzua. Paapo uPetelo nushookeelia nuũga,

Utendi 19:6

pĩna uPaulo nuaĩĩkĩla ĩmĩkono yaakue mumiao, uMuau Muelu nwĩĩza mumiao, naiitambula kuntambo ng'enda nukwipũnia unakĩdagu.

Utendi 22:9

Ĩpa ĩaasio naalĩ auoonie uweelu ĩpa sika alĩ alũigilie ululi lwa nuasio naalĩ kukĩtambuĩla nineene.

Alumĩ 16:25

Ĩpaino nwakuligue uzo nusũũmile kukumukaminkĩĩlia inie kunzĩla ya Mpola na Nziiza nantanantilie, nukuutanantigua wa kĩYesu Kilisito kunzĩla ya ukũnukulua wa unkũnkũ uo naalĩ upisue kwipũna iyuukĩ,

1 Akolinto 12:10

uumua kwitenda makula; umuua unakĩdagu; umuua kwilekanula ya nkolo; umuua muntaambo nang'enda; umuua kwilondoosia intambo.

1 Akolinto 12:28

NuNzua waaĩĩkile ĩĩa mũkyanisa; ĩa muandio atumua, ĩa kabĩlĩ anakĩdagu, ĩa katatu amania nĩnaakutendaa ĩmakula, ĩakola ipeegua ya kukamia naaluĩle, nĩaalĩĩlia nĩatoongeeli nĩalikitia ntambo nang'enda.

1 Akolinto 13:1

Kanga ndikitie muntambo za antu nĩza amalaĩka, ĩpa ĩnumugila uuloogua, naazaa zĩ nkeng'enge nilĩla nĩnkĩnda nijuama.

1 Akolinto 13:2

Kangĩ kanga ntũle nuunakĩdagu nuumane uunkũnkũ wensi nĩmasala mensi, kanga ntũle nuusuĩĩli zigi-zigi, nsũũme kwishamia sunga inkonko, malĩĩ numugila uuloogua, sikanĩkĩntu ĩne.

1 Akolinto 14:16

Kanga umusongelie uNzua kunkolo, wĩĩ ukoolĩ muntu nasika wilĩnga, ukishookeelia mbii, “Amini” kumasongelio maako, pĩna sikulĩngile nukuzitambula?

1 Akolinto 14:26

Ikitũla mbiii gua anũna aane? Pĩna mwĩilingĩlĩĩle palumuĩ, wensi nutĩĩte ĩliĩmbo katia umania, katia ukũnukulua, katia ntambo nang'enda, katia ulondoosia; zensi zitendeke kunsooko ya kukamĩnkĩĩlia.

1 Akolinto 15:51

Laaĩ nukumuĩĩla unkũnkũ. Sika kujiligona tũlũ, ĩpa tũlũ kukikaĩlĩka,

1 Akolinto 2:10

uNzua gua ukukũnukulĩĩle ishie kwa kĩMuau. Kunsooko uMuau ukukeesagiaa tũlũ, sunga uunkũnkũ wa kĩNzua.

1 Akolinto 2:7

ĩpa kukutambulaa ĩmasala ma kĩNzua muunkũnkũ, nalĩ mapisue, uNzua naalumaĩĩkile kwipũna umuandio wa unkũmbigyulu, kuukulu wĩĩtu.

Aepeso 6:19

Nompeelĩ nineene gaa, mpeegue uutambuli kukuumũmuula umulomo waane kuukamatĩkũ, nuutanantie unkũnkũ wa Mpola na Nziiza.

Akolosai 2:2

Koona akamigue inkolo zaao, pĩna ikamantanigua muuloogua, aligie ugolĩ wensi wa kulĩnga nkankanaa nukwimana uunkũnkũ wa kĩNzua, nduo ingĩ uKilisito.

1 Timoteo 3:16

Kutilĩ kankankani, uunkũnkũ wa wĩtekeli wĩĩtu ingĩ ukulu. uNzua alĩ mũgyeleligue mumuĩlĩ, Nulĩngĩkigua kĩna munakulukuuluu mwa kĩMuau, Alĩ wigyelĩĩle kuamalaĩka, Nutanantigua pakatĩ ya ndugu, Nusuĩĩlua muna unkũmbigyulu, Nunansulua kukiania muukulu.

1 Timoteo 3:9

ĩakendegelĩĩle uunkũnkũ wa usuĩĩli muumoo namuelu.

Ukũnukulua 10:7

isiititũla muntondo za luli lwa kĩmalaĩka nwa mupũngatĩ pĩna ukakĩzĩpĩĩlia kwilĩlia idyede, paasio paapo uunkũnkũ wa kĩNzua ujilikondeeligua, kĩna aluatanantĩĩlie ĩĩtumi aakue, ĩanakĩdagu.