1 Akolinto 13:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Kangĩ kanga ntũle nuunakĩdagu nuumane uunkũnkũ wensi nĩmasala mensi, kanga ntũle nuusuĩĩli zigi-zigi, nsũũme kwishamia sunga inkonko, malĩĩ numugila uuloogua, sikanĩkĩntu ĩne.

1 Akolinto 13:2 ပူးပေါင်းရင်းမြစ်များ

Matayo 13:11

Nushookeelia, nuũga, “Inie mwapĩĩlue kukuulĩnga unkũnkũ wa utemi wa kwigyulu, ĩpa ĩo sika apeegue.

Matayo 17:20

ũYesu nuaĩĩla, “Kunsooko ya uniino wa usuĩĩli waani.” Tai, namuĩĩla, kanga ĩmutĩĩte usuĩĩli zĩ kapeke ka mbeu ya haladali, mukumĩĩĩla ĩnkonko ĩĩ, “Lega ĩpa wende uko, ndĩo ilega kutilĩ nasika lũshũũmĩka kumiani.”

Matayo 21:19

Nuuona mukuu umuĩ panzĩla, nuwaagaana, sika nuona kakĩntu muasio ĩpa ĩmalũka udũũ; nuuĩĩla, “Zilekipĩa kankali kangĩ mumuako kainiino!” Ĩkamuĩ umukuu nauuma.

Matayo 21:21

ũYesu nushookeelia, nuaĩĩla, “Tai namuĩĩla, Kanga muĩnuusuĩĩli, ĩmuagila kankankani, mukitenda sika lĩĩlo dũũ ĩlya mukuu, ĩpa sunga kanga mumĩĩĩle ĩnkonko ĩĩ, Kuuluka, utaague munanza, ikitendeka.”

Utendi 13:1

Nukuasio kũkyanisa naalĩ liĩlĩ kuAntiokia alĩ akoolĩ anakĩdagu nĩamania. Balinaba nuSimoni nukuĩtagua Nigeli, nuLukio Mukilene, nuManaeni musuamuua wilindĩ lyakĩ jũmbe Helode, nuSauli.

Alumĩ 11:25

Kuitĩ, muleke kĩona zĩ akola usugũ, sika numuloe anũna aane, mulekimana unkũnkũ uu, ya kĩna uukakũ wingĩĩle kwityũmpĩ lya Ĩsilaeli sunga iyalo lya ndugu nazĩngĩ lĩkondeeleke.

Alumĩ 15:14

Anũna aane, ĩne neene naonile mumpola zaani kĩna inie niniiie mũjuile uuza, mũjulue nuumani tũlũ kangĩ musũũmile kukĩsugula niinie kuniinie.

Alumĩ 16:25

Ĩpaino nwakuligue uzo nusũũmile kukumukaminkĩĩlia inie kunzĩla ya Mpola na Nziiza nantanantilie, nukuutanantigua wa kĩYesu Kilisito kunzĩla ya ukũnukulua wa unkũnkũ uo naalĩ upisue kwipũna iyuukĩ,

1 Akolinto 11:4

Mugoosia wensi pĩna wilompa katia pĩna wipũnia unakĩdagu nukwikũmba ityũe ukulĩkolia inshooni ityũe liakue.

1 Akolinto 12:28

NuNzua waaĩĩkile ĩĩa mũkyanisa; ĩa muandio atumua, ĩa kabĩlĩ anakĩdagu, ĩa katatu amania nĩnaakutendaa ĩmakula, ĩakola ipeegua ya kukamia naaluĩle, nĩaalĩĩlia nĩatoongeeli nĩalikitia ntambo nang'enda.

1 Akolinto 13:1

Kanga ndikitie muntambo za antu nĩza amalaĩka, ĩpa ĩnumugila uuloogua, naazaa zĩ nkeng'enge nilĩla nĩnkĩnda nijuama.

1 Akolinto 13:3

Kangĩ kanga mpũnie inshao zaane tũlũ zensi kukualĩĩsia ĩatũka, kanganĩpũnie umuĩlĩ waane nsonselue mumooto, malĩĩ numugila uuloogua sika nishaĩpĩla kakĩntu.

1 Akolinto 13:8

uUloogua ugila kampelo; kanga wĩĩ ukoolĩ unakĩdagu wijilitũla nakanda; kanga zĩĩ zikoolĩ mtambo zijiliula; kanga wĩĩ ukoolĩ umuĩ wijilitũla nakanda.

1 Akolinto 14:29

Nĩanakĩdagu atambule abĩlĩ katia atatu, ĩĩĩa ĩakuzilekanula.

1 Akolinto 14:39

Kunsooko ya zaasio anũna aane, siiĩkiĩ kwipũnia uunakĩdagu, sungamulekigilia kwitambula kumtambo nang'enda.

1 Akolinto 14:4

Nwilikitia kuntambo nang'enda ukĩkamĩnkĩĩlagiaa umuene; ĩpa nwipũnia unakĩdagu ukulĩkaminkĩĩlagiaa ikyanisa.

1 Akolinto 15:51

Laaĩ nukumuĩĩla unkũnkũ. Sika kujiligona tũlũ, ĩpa tũlũ kukikaĩlĩka,

1 Akolinto 16:22

uMuntu nasikumuloilue ũShekulu nuĩ muzũmue. Shekulu wĩĩtu, poloka!

1 Akolinto 4:1

Muntu nwakusĩĩgĩle itĩ, kĩna kwĩĩtumi a KĩKilisito nĩalindĩĩli a unkũnkũ wa kĩNzua,

1 Akolinto 7:19

Kwiaalamigua sika kĩntu nukũsiitiaalamigua sika kĩntu, ĩpa kũkendegeela ĩmalagĩĩlio ma kĩNzua.

1 Akolinto 8:4

Iio gua, kumpola za kwilĩa ĩnama nampũnigue ipyolia kuanzegamĩla, kumanile kĩna “ĩanzegamĩla sika kĩntu” muna unkũmbigyulu nĩkangĩ kutilĩ “uNzua nuĩngĩ isiititũla umuĩ udũũ.”

2 Akolinto 12:11

Naalĩĩ munaulu! Ĩpa niinie munonatĩlĩĩlie. Kuitĩ alĩ injĩpĩĩle ĩne nkũmazukigue niniinie, kuitĩ sika numukeepeelue kakĩntu, kĩna ĩaasio naĩkĩpeela uukulu wa atumua; kanga ĩsika nĩkĩntu noo

Agalatia 5:16

Mbũgile gua, gendelĩ mwa kĩMuau; yaasio sika mukitimĩĩlia kainiino inshula za kĩmuĩlĩ.

Agalatia 5:22

Ĩpa itĩ ĩnkali ya kĩMuau ntĩyĩ. Uloogua, ulumbi, matiliga, ugigimĩlia untu nauuza, ukende, usuĩĩlua,

Agalatia 6:3

Kuitĩ wensi kanga wĩsĩĩge umuene kĩna wĩkĩntu nduyo sika kĩntu, wĩpembelĩĩlie umuene.

Aepeso 3:4

Pĩna mukuzishoma, mukishũũma kwilĩnga uumani waane muunkũnkũ wa kĩKilisito.

Aepeso 6:19

Nompeelĩ nineene gaa, mpeegue uutambuli kukuumũmuula umulomo waane kuukamatĩkũ, nuutanantie unkũnkũ wa Mpola na Nziiza.

Akolosai 1:26

ĩngĩ unkũnkũ waasio naalĩ upisue kwipũna ĩkalĩ nukwipũna uwĩleli tũlũ, ĩpa yakũnukulaguaa kueelu aakue.

1 Timoteo 3:16

Kutilĩ kankankani, uunkũnkũ wa wĩtekeli wĩĩtu ingĩ ukulu. uNzua alĩ mũgyeleligue mumuĩlĩ, Nulĩngĩkigua kĩna munakulukuuluu mwa kĩMuau, Alĩ wigyelĩĩle kuamalaĩka, Nutanantigua pakatĩ ya ndugu, Nusuĩĩlua muna unkũmbigyulu, Nunansulua kukiania muukulu.

1 Yohana 4:8

uNuasio nasika utĩĩte uloogua sikumulĩngile uNzua; kunsooko uNzua ĩngĩ uloogua.