6 Izi gua nazitũla mpiani kumuĩtu, itĩ ishie kulekitũla antu a kuawa namabĩĩ kĩna ĩaasio naalĩ aawe.
Ĩpa ĩnkia alĩ ĩtemile kwipũna kwa kĩAdamu sunga kwa kĩMusa, sunga muaasio nasika alĩ atimuĩle kwilika lya utimu wa kĩAdamu, naalĩ mpiani yaakue umuene nũjiliiiza.
Izi tũlũ alĩ aziligilie ĩaasio zĩĩ mpiani, nanandĩkue zukusugule ishie nakwapikĩlĩĩlue nĩmpelo ya unkũmbigyulu.
Luulo gua, kwĩkamatĩkie kwiingĩla muusũũpio waasio, wensi walekigua kumpiani ĩo-ĩĩoo nya uleki.
Kuitĩ uKilisito sika alĩ wingĩĩle pana yeelu naijĩpigue kumĩkono, ĩĩo mpiani ya Pana yeelu ĩpeene, ĩpa alĩ wingĩĩle kwigyulu ĩliene, wigyelele ĩpaino pausiu wa kĩNzua kunsooko yĩĩtu.
iMpiani ya mpola izi ingĩ ubadĩĩzo naukumugũnaa ĩpaino, sika kuuĩĩka kulĩ uudobũ wa muĩlĩ, ĩpa ishookeelio lya moo namuuza ntongela ya kĩNzua kunzĩla ya wiiuki wa kĩYesu Kilisito.
kangĩ malĩĩ aluzilamuĩle ikaa za Sodomũ nĩGomola zikaasigue, kukuzigalula nukukuzitenda zitũle maũ nwitenda izo zĩĩ kĩlingasĩĩlio kuantu nasika ĩkakumukulia uNzua pembele;
Iio-iioo ĩSodomũ nĩGomola nikaa nazipilimĩlĩlĩĩlie naalĩ atiatile uugololia kwilika lĩmuĩ zĩ aasio, naalongoleka kwitiata inkaani za kĩmuĩlĩ nasika ziyuukĩ, aĩĩkue zĩ kĩlagĩĩlo akasigue mumooto wa kalĩ nakalĩ.