1 Akolinto 1:7 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁷ sunga sika muakeepeelue kakĩpeegua tũlũ kiensi, pĩna mulaaĩlĩĩle dũũ uukũnukuĩlua wa kĩShekulu wĩĩtu Yesu Kilisito.

1 Akolinto 1:7 ပူးပေါင်းရင်းမြစ်များ

Matayo 25:1

“Kangĩ uutemi wa kwigyulu wĩpianile nĩananso kyumi nalĩ asolile intala zaao, naalongola kukumusĩngĩĩlia umutooli.

Luka 12:36

niniinie muĩ zĩ antu naamutũngĩĩle ũshekulu waao pĩna ukishooka kwipũna kuwĩnga, koona pĩna ukiiza nukwiũgia, ĩkamuĩ amũgyuĩle.

Luka 17:30

Iio ikitũla palutondo pĩna ukikũnukulua uMuana-muntu.

Alumĩ 8:19

Kuitĩ niiumbe tũlũ gaa ilaaĩlĩĩle kunsula nkulu uukũnukulua wa aana a kĩNzua.

Alumĩ 8:23

Sika iio dũũ, ĩpa nindiishie gaa, nakutĩĩte ĩnduĩ-ĩnduĩ ya kĩMuau, kukĩsũsũma munkolo zĩĩtu nakulaaĩlĩĩle kwitendua aana, ingĩ uukomolua wa miĩlĩ yĩĩtu

1 Akolinto 4:5

Iio gua, mulekilamula kalukaani pĩna likaalĩ ityũngo liakue, sunga waaze ũShekulu; nunduyo wijile kuziĩĩka muwelu nazĩpisile muwiilu, nukukumigyelelia ĩmasĩĩgo ma nkolo; paapo muntu wensi wijililigia ulukũmo luakue kwa kĩNzua.

2 Akolinto 12:13

Kĩntu kĩ namuakeepeelue kwikĩla ĩmakanisa namĩngĩ, isiititũla sika ntũlile muligo kumiani? Ndeegelie uutimu uu!

Agalatia 5:5

Kuitĩ ishie kungũlũ za kĩ Muau kutũngĩĩle uulaaĩĩli wa kulukuuluu kuunzĩla ya usuĩĩli.

Apilipi 3:20

Ĩpa uukolakaa wĩĩtu ukoolĩ kwigyulu, kwipũna kuasio kumutũngĩĩle uMugũni, Shekulu Yesu Kilisito;

Akolosai 3:4

uKilisito naupanga wĩĩtu, pĩna ukakigyela, paapo niniinie mukakigyela palumuĩ ninduyo muukulu.

1 Atesaloniki 1:10

nukukumutũngĩla umuana waakue kwipũna kwigyulu, naalumũiukilie kwipũna muakiu, mwene ũYesu nukukugũna aishie kwipũna muutaki naupolokile.

2 Atesaloniki 1:7

nukukumupeela inie namukuagagiguaa uusũũpio palumuĩ nindiishie, pityũngo lya ukũnukulua waakue ũshekulu Yesu kwipũna kwigyulu palumuĩ nĩamalaĩka a ngũlũ zaakue muwaakĩlo wa mooto,

2 Timoteo 4:8

Naishaagile numuĩĩkĩlĩgue ngala ya kulukuuluu, ĩniasio ũShekulu mulamuli nwa kulukuuluu nukimpeela paLutondo luasio; kangĩ sika uneene dũũ, ĩpa nĩaasio gaa naauloogilue uwigyeleli waakue.

Tito 2:13

ĩkuutũngĩĩle ulaaĩĩlĩ naukola uliukũ, nuukũnũkulua wa ukulu wa kĩKilisito Yesu, Nzua namukulu, kangĩ Mugũni wĩĩtu.

Aebulania 9:28

iio-iioo uKilisito pĩna alĩ mupũnigue pyolia kamuĩ dũũ, waĩkenke ĩmĩlandu ya iingĩ, nkua ya kabĩlĩ ukakigyelela, sika kumpola za mulandu ĩpa waagũne ĩaasio naamutũngĩĩle nkankanaa.

1 Petelo 1:13

Luulo gua, lĩganĩĩliĩ kĩĩsa masĩĩgo maani, kengealĩ, mulaaĩĩlĩkie kuukamĩnkĩĩlũ uukende namukileetelua muukũnukulua wa kĩYesu Kilisito.

1 Petelo 4:13

Ĩpa kĩna iio namukamantĩĩne muwaagi wa kĩKilisito, lumbĩkiĩ; koona numuukũnukulua wa ukulu waakue, mulumbe nukwilumbĩĩlia.

1 Petelo 5:4

NuMudĩĩmi namukulu pĩna wijile kigyeleligua, mujiliaanũnkula ĩngala ya ukulu nasika yukoononekaa.

2 Petelo 3:12

pĩna mwilaaĩĩla sunga luĩze ulutondo luasio ulwa kĩNzua, nukukulukangasĩĩlia. Ĩpaasio paapo igyulu likitaulua nukwishonsua, niiumbe iyuukĩ ikijigĩligua nukwinekentuka!

1 Yohana 3:2

Aloogua, ĩpaiino kwĩaana a kĩNzua; sika yalakakigyelela kĩna kukitũla kuĩlĩ; ĩpa kumanile kĩna pĩna ukakigyelela kukakĩpiana ninduyo, kunsooko kukakumuona kĩna wĩĩlĩ.

Yuda 1:21

Ĩkendegeelĩ muuloogua wa kĩNzua; ĩmulindĩĩle ĩkĩnishungu kwa kĩShekulu wĩĩtu Yesu Kilisito sunga kuupanga wa kalĩ nakalĩ