1 Akolinto 1:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Paulo, naalĩ numuĩtue kwitũla mutumua wa kĩKilisito Yesu kuuloa wa kĩNzua, nuSositene umunũna wĩĩtu,

1 Akolinto 1:1 ပူးပေါင်းရင်းမြစ်များ

Luka 6:13

Pĩna naweela, nuĩĩta ĩamanigua aakue, nuasaagula mumiao kyumi naabĩlĩ, nuĩĩta Atumua;

Yohana 15:16

Inie sika alĩ munsaaguĩle ĩne, ĩpa neene alĩ numusaaguĩle inie, nanumuĩĩka muende mupĩe inkali, ninkali zaani zikyale; koona luensi kanga mumulompe uTata muliina liane wamupeele.

Yohana 20:21

Iio ũYesu nuaĩĩla kangĩ, “Matiliga mĩĩ kumiani. Kĩna uTata aluntumile ĩne, nineene nukumutuma inie.”

Utendi 1:15

Pantondo zaasio nuĩmĩka uPetelo pakatĩ ya anũna (iyalo lya antu alĩ lialĩĩ gyana nĩmakumi mabĩlĩ;) nuũga,

Utendi 1:2

sunga kulutondo pĩna alĩ musole kwienda kwigyulu, pĩna nukondia kukualagĩĩlia kunzĩla ya kĩMuau Muelu ĩatumua naaluasaaguĩle.

Utendi 18:17

Nĩndĩo ensi naamuguĩla uSositene, mukulu wishũnagogi, naamukua ntongela ityengu lya ulamuli, ĩpa uGalio sika nuzikeela inkaani izi.

Utendi 22:21

Ninduyo numbuĩla, Lega udũũ, kunsooko nikakukutuma wende kulĩ kundugu nazĩngĩ.

Alumĩ 1:1

Paulo nanĩmwĩtumi wa kĩYesu Kilisito, nanumuĩtue ntũle mutumua nukwikamatulua ntanantie impola na nziiza za kĩNzua,

Alumĩ 1:10

Nilompa kuuloa wa kĩNzua nsũũmĩkigue kwiiiza kunsiani zozi ntondo.

Alumĩ 1:5

Numumuakue umuene nakuanũnkula uukende nuutumua, koona kuzimanie indugu tũlũ zensi uugombigua wa usuĩĩli kunsooko ya liina liakue.

1 Akolinto 15:9

Kuitĩ ĩne numuniino muatumua, sika nijĩpĩĩle kwiĩĩtua mutumua, kunsooko alĩ nukuliagagiaa ikyanisa lya kĩNzua.

1 Akolinto 3:9

Kuitĩ ishie kukĩtumaa umulĩmo palumuĩ nuNzua; inie mwĩmugunda wa kĩNzua, mwĩnumba ya kĩNzua.

2 Akolinto 1:1

Paulo, mutumua wa kĩYesu Kilisito kuuloa wa kĩNzua, nũTimoteo umunũna wĩĩtu, kukumuandĩkĩla inie namwikyanisa lya kĩNzua nalĩkoolĩ kuKolinto, palumuĩ nĩeelu tũlũ naakoolĩ munsĩĩ tũlũ nya Akaya.

2 Akolinto 11:5

Kuitĩ nsĩĩgile sika numukeepeelue kakĩntu, kĩna ĩaasio naĩkĩpeela uukulu wa utumua!

2 Akolinto 12:12

Tai iilĩngasĩĩlio ya mutumua alĩ itendue pakatĩ yaani muugigimĩlia tũlũ, kuilĩngasĩĩio nĩmakula, nuutendi wa ngũlũ.

2 Akolinto 8:5

Nĩkangĩ sika alĩ apũnilie kĩna alĩ kulaaĩlĩĩle udũũ, ĩpa umuandio alĩ ĩpũnilie ĩeene kwa kĩShekulu nukumuĩtu gaa kuulooa wa kĩNzua.

Agalatia 1:1

Paulo mutumua, sika numutumue nĩantu katia kunzĩla ya kĩuntu, ĩpa kunzĩla ya kĩYesu Kilisito nuNzua Tata naalumũiukilie kwipũna muakiu.

Aepeso 1:1

Paulo, mutumua wa kĩKilisio Yesu kuulooa wa kĩNzua, namuandĩkĩla inie eelu namukoolĩ kuEpeso, namuasuĩĩli mwa kĩKilisito Yesu.

Aepeso 4:11

Ninduyo aluaĩĩkile ĩĩĩa atũle atumua, ĩĩĩa atũle anakĩdagu, ĩĩĩa atũle atanantia a mpola na nziiza, ĩĩĩa atũle adĩĩmi nĩamania;

Akolosai 1:1

Paulo, mutumua wa kĩYesu Kilisito kulooa wa ki Nzua, nũTimoteo munũna wĩĩtu,

1 Timoteo 1:1

Paulo, mutumua wa kĩKilisito Yesu, kuulagĩĩligua wa kĩNzua Mugũni wĩĩtu nuwa kĩKilisito, uulaaĩĩli wĩĩtu;

1 Timoteo 2:7

Nineene alĩ numuĩĩkue ntũle mutanantia wa mumpola zaasio, kangĩ mutumua; (ntambuĩle ĩtai, sika ntambuĩle kaulongo), ntũle mumania wa ndugu nazĩngĩ mumpola za usuĩĩli nĩtai.

2 Timoteo 1:1

Paulo, mutumua wa kĩKilisito Yesu kuulooa wa kĩNzua; kunsooko ilyago lya upanga naukoolĩ mwa kĩKilisito Yesu;