Yud 1:24 - Mankanya

^24-25 Nawulën ŋdëman Naşibaţi anwooŋ aloolan ţañ, anţëpnuŋ ţi Yeŧu Kriŧtu Ajugun abuuran nja. Ul ahiluŋ kayeŋan nawutna kajot ţi pekadu, kadolan nanaţ ţi kadunul ul anwooŋ na mndëm, nawo bañaaŋ bajinţ, nawo na mnlilan mnweek. Naşibaţi awo naweek, ajug mndëm, mnhina na pşih du unjon, nţa na faan te mnţo ! Uwo haŋ !

Yud 1:24 ပူးပေါင်းရင်းမြစ်များ

Kañaam 21:6

Mbuur mi ibuuranuluŋ manţu kë adëm maakan, idola kë ayuk maakan abot awula mndëm mi nu.

Kañaam 43:4

Iwi Naşibaţi, dluŋ kaya du dko dyimanaan di nu, du iwi inwooŋ mnlilan na mnŧaŋ mi naan. Iwi Naşibaţi, Naşibaţi i naan, dluŋ kakob koora kadëmanaanu.

Bgah 14:11

Naţeŋan ankjañanuŋ iko ado ñiinţ mënţ abi anaţ ţi kadun ki nji Nawat Kabuka na iko yi aţijuŋ pbi kaţeŋanaan, du ukëbi wi kaloona ki bayiti.

Maci 16:27

Abuk Ñiinţ aban ţi pbi na mndëm mi Aşin na ŋwanjuŧ ŋi nul. Wal mënţ awayëş ñaaŋ andoli ţi mnwo mi nul.

Maci 19:28

Kë Yeŧu aji na baka : « Dţupan na manjoonan : woli umundu uhalu ubii, kë Abuk Ñiinţ aneejan pşih na mndëm, an baţaşaraan iñeen na batëb nanţaşnuŋ nakak aţo na nji kaşih, kawayëş kntaali iñeen na ktëb ki Iŧrayel.

Maci 25:31

Yeŧu akak aji : « Woli Abuk Ñiinţ aluŋ abi na mndëm mi nul agakandër na ŋwanjuŧ bŧi, aţo ţi pţij pi pşih na mndëm.

Maci 5:12

Nalilaan, nawo ţi mnŧaŋ, ţiki baluk bweek bayoonkan du baţi. Naleşan kë hënk di bahajanuŋ kak baţupar Naşibaţi biki ţfa. »

Luk 9:26

Woli ñaaŋ aloŋ akowari'aan, nji na ŋţup ŋi naan, nji Abuk Ñiinţ, dluŋ kakowari'a woli dbi na mndëm mweek mi Paapa na mi ŋwanjuŧ ŋyimanaan.

Baromeŋ 14:4

Iwo in ado ji nalempar ñaaŋ aloŋ alemp bnuura këme buţaan ? Woli alemp bnuura këme alemp buţaan uten anţu'uluŋ ulemp. Kë aşë luŋ kalemp bnuura ţiki Ajugun aka mnhina mi pţënka.

Baromeŋ 8:31

Kë we wi ŋwooŋ kaţup ţi uko mënţ bŧi ? Woli Naşibaţi awo na nja, aloŋ ahinan kaşoor nja i ?

2 Korinŧ 11:2

Dkujan bkujar banwoonuŋ du Naşibaţi : djokaran ñiinţ aloolan pa bniim, kadolna an nanaţ ţi kadun ki Kriŧtu ji ñaaţ najinţ anwooŋ aando bi me ñiinţ.

2 Korinŧ 4:14

Ŋme kë Naşibaţi annaţanuŋ Yeŧu Ajugun ţi pkeţ aluŋ kanaţanun na a, kadolun ŋwinana na an ţi kadunul.

2 Korinŧ 4:17

Unoor ŋi ŋknooruŋ hënkuŋ unwooŋ uunkjon uwo uko umpoţi ţi kadun ki mndëm mweek manwooŋ maankba mi unoor mënţ ukbomanuŋ un.

Efeŧ 3:20

Mnhina mi Naşibaţi manjaaŋ manlemp ţi nja, ukaaŋ kë ahil pdo adoo pel maakan iko bŧi yi ŋhilanuŋ kañehan këme kadoo kaşal. Najoh ŋdo kadëmana te mnţo, ţi banfiyaaruŋ bŧi na ţi Yeŧu Kriŧtu. Uwo haŋ.

Efeŧ 5:27

banfiyaaruluŋ bahilna bapën bawinana ţi kadunul bawo na mndëm ji ñaaţ ankniimiiŋ anwooŋ nanuura, najinţ piş kë kaara di nul daanlaatari këme awo na iko iloŋ iŧënţ yuŋ. Ado haŋ banfiyaaruŋ bahilna bawo bajinţ, baŧool babot bado kado uko unnuuriiŋ ţañ.

Koloŧ 1:22

Hënkuŋ uleef wi Abukul unwooŋ wi ñaaŋ najën ukeţi, pkeţ mënţ paţu kë nakak aŧiinkar na a. Hënk nahil kanaţ ţi kadunul kawo bajinţ piş, bañaaŋ banwooŋ baanwo na nin buţaan dloŋ, biki bawooŋ baanhil pji nin uko uloŋ ţi baka.

Koloŧ 1:28

Kë hënk di di ŋjaaŋ ŋmeeţan Kriŧtu, kaţup bañaaŋ bŧi balipara, kabot kajukan baka na uşal unŧuŋa bŧi, bahilna bawo ţi Kriŧtu bukal bŧi bañaaŋ banjijuŋ ţi pfiyaar.

Koloŧ 3:4

Kriŧtu awooŋ ubida wi nan na manjoonan. Unuur wi akwinaniiŋ, an kak napën kawinana na a ţi mndëm mi nul.

2 Timote 4:18

Ajugun aluŋ kabuuranaan ţi iko iwuţaan bŧi yi baŋaluŋ pdolën, kañooţën bnuura du pşih pi nul du baţi. Mndëm manwo ţi a te mnţo. Uwo haŋ.

Yakob 2:10

Hënk di uwooŋ, woli ñaaŋ aţaş bgah bŧi aşë duk uko uloolan ţi wi bajakuŋ, aduknaana ţi kadun ki bgah bŧi.

1 Piyeer 4:13

Naţëpan ţëp nawo ţi mnlilan wi naţokuŋ ţi mnhaj mi Kriŧtu ahajuŋ, nahilna naluŋ nawo ţi mnlilan mnweek maakan ţi wal wi akdiimanuŋ mndëm mi nul.

2 Piyeer 1:10

An bayiţ naan ţi Kriŧtu, natamaan maakan keeri nado kado iko inkdiimanuŋ kë Naşibaţi adu'anaŋ akuţ adatan. Woli nado haŋ, naankjot nin.

Uko wi ayuujuŋ Yowan 14:5

Nin ŋţilan ŋaambaaŋ kapënaara ţi mntum mi baka, baanwo na nin buţaan dloŋ.