Yowan 8:17 - Mankanya

¹⁷ « Bapiiŧ ţi Ulibra wi Bgah bi nan aji banuma bañaaŋ batëb kadiimanaan kë uko unţupuŋ ujoonani.

Yowan 8:17 ပူးပေါင်းရင်းမြစ်များ

Maci 18:16

Kë woli aandi pŧiinku, duun ñaaŋ aloŋ këme batëb, nahilna nado jibi Ulibra wi Naşibaţi ujakuŋ : naboman uko bŧi ţi kadun ki bamaar batëb këme bawajanţ.

Yowan 10:34

Kë Yeŧu aşë ŧeem baka aji : « Jëm Naşibaţi aji ţi ulibra wi nul : “Dji : Nawo başibaţi ?”

Yowan 15:25

Kë hënk di uko umpiiŧaniiŋ ţi Ulibra wi Naşibaţi udolaniiŋ : “Babubara aşoorën.”

2 Korinŧ 13:1

Uyaaş uwajanţën wii wi, wi nji kaluŋ kabi du an. Ulibra wi Naşibaţi uji : « Uhok undoli bawo kawayëş wa ţi kadun ki bamaar batëb këme bampeluŋ batëb. »

Galaŧiya 3:24

Bgah bayewi'un yewi ţfa ayoonkna Kriŧtu pa ŋhilna ŋwo baŧool ţi këş ki Naşibaţi, wi ŋfiyaaruŋ Kriŧtu.

Galaŧiya 4:21

Naţupaan, an nanŋaluŋ bgah bi Moyiŧ bado kaţoŋan, naanji naŧiink uko wi Moyiŧ apiiŧuŋ i ?

Bahebërë 10:28

Woli ñaaŋ apok pţaş Bgah bi Moyiŧ, kë bañaaŋ batëb këme bawajanţ baţup aji ajubani, baankñagi'a, baji bafiŋa.

1 Yowan 5:9

Jëm ŋji ŋdinan uko wi bañaaŋ baţupuŋ i ? Kë wi Naşibaţi aţupuŋ uşaaŋ adëmna apel wi bañaaŋ baţupuŋ. Uko wi Naşibaţi aţupuŋ wii wi : aţiiniyaan Abukul.

Uko wi ayuujuŋ Yowan 11:3

Dluŋ kayil bamaar batëb biki naan bado kaţuparaan, bawoh ŋşaaku ŋnuur iñeen-week ŋyaaş iñeen na ŋtëb na ŋnuur iñeen paaj (1260) mënţ. »