Yowan 19:4 - Mankanya

⁴ Pilat akak apën aji na bayuday : « Natenan, dţija ţi an ţi, kaţupan kë mënwin nin uko uloŋ unkkaaŋ nji aduknaanaa. »

Yowan 19:4 ပူးပေါင်းရင်းမြစ်များ

Maci 27:19

Kë wal wi aţooŋ du uruha awayëş, kë aharul aşë yil kë baji na a, awut kaneej ţi bţup bi ñiinţ naŧool uŋ, ţiki aţu nţa kë anoor maakan ţi ŋţaafi.

Maci 27:24

Wi Pilat awinuŋ kë aankak ahil pdo uko uloŋ, kë bañaaŋ babot ahuuranaara huuran maakan, kë aşë jej meel añow iñen ţi kadun ki bañaaŋ bukuŋ aşë ji : « Dpënan bkow naan ţi pñaak pi ñiinţ i. An nakmeeŋ. »

Maci 27:4

Aji na baka : « Djubani, wi nwulanaŋ ñaaŋ anwooŋ aando nin ukoolan. » Kë başë ŧeema aji : « Ŋëmmee, utenu. »

Maci 27:54

Wi naweek i bangoli iñeen-week baromeŋ na bangoli bankyeŋuŋ Yeŧu bawinuŋ kë mboş mankşinţar abot awin uko unkţëpuŋ, balënk maakan aşë ji : « Na manjoonan, i awo Abuk Naşibaţi. »

Luk 23:4

Kë Pilat aşë ji na baţeŋan baweek, na pnŧuk pi bañaaŋ : « Mënwin uko uloŋ unkkaaŋ nji ñiinţ i aduknaanaa. »

Luk 23:41

Uliŋ liŋ pa un, ŋwo ţi pluk buţaan bi ŋdoluŋ ; kë ul aşë wo aando nin buţaan bloŋ. »

Luk 23:47

Naşih i bangoli iñeen-week baromeŋ awin uko unţëpuŋ aşë dëman Naşibaţi aji : « Na manjoonan, ñiinţ i awo naŧool ! »

Yowan 18:33

Pilat aneej wal mënţ du katoh aşë du Yeŧu aji na a : « Iwi, iwo naşih i bayuday i ? »

Yowan 18:38

Pilat aji na a : « We uwooŋ manjoonan ? » Wi ajakuŋ haŋ, aşë kak apën aya du bayuday aji na baka : « Mënwin ţi a nin uko uloŋ unkkaaŋ nji aduknaanaa.

Yowan 19:6

Wi baţeŋan baweek na bayeŋ biki baka bawinaaruluŋ win aşë huuran aji : « Paŋana ţi kruŧ ! Paŋana ! » Kë Pilat aji na baka : « An najejana naya napaŋ. Nji mënwin nin uko uloŋ unkkaaŋ nji aduknaanaa. »

2 Korinŧ 5:21

Kriŧtu aambaaŋ kadola pekadu, kë Naşibaţi adola kë akoba pa pekadu di nja, ŋhilna ŋkak baŧool ţi këş ki Naşibaţi wi ŋwooŋ ţi ploolan na Kriŧtu.

Bahebërë 7:26

Yeŧu awooŋ keeri naşih i baţeŋan i ŋnumiiŋ. Ayimani, aanjuban nin, ajinţ ţi këş ki Naşibaţi, apën ţi bado buţaan adeeŋana du baţi duuţ.

1 Piyeer 1:19

pñaak pi Kriŧtu pantamuŋ preeş maakan pa, panwooŋ ji pñaak pi unkaneel unwooŋ uunţakëm nin dko dloŋ.

1 Piyeer 2:22

Aambaaŋ kajubanaara aambaaŋ kahaabana mntum kaguur ñaaŋ.

1 Piyeer 3:18

Ipekadu yi bañaaŋ ikaaŋ kë Kriŧtu ţi uleeful ahaj byaaş bloolan ; anwooŋ naŧool akeţar banwooŋ baanwo baŧool, kahilna kañooţan du Naşibaţi. Bafiŋa ţi uleef kë Uhaaş wi Naşibaţi uşë naţana ţi pkeţ.

1 Yowan 3:5

Kë naşë me kë Kriŧtu abi bi pa ppënan nja ipekadu, abot awo aanwo na pekadu.