Yowan 18:37 - Mankanya

³⁷ Kë Pilat aşë ji na a : « Ikeer awo naşih ? » Kë aŧeema aji : « Ijakuŋ haŋ : dwo naşih. Dbuka abot abi ţi umundu pa pdiiman uko unwooŋ manjoonan. Ñaaŋ anwooŋ i manjoonan aji ŧiink pdiim pi naan. »

Yowan 18:37 ပူးပေါင်းရင်းမြစ်များ

Maci 26:64

Kë aŧeema aji : « Iji haŋ. Dţupan kak, hënkuŋ, nawin Abuk Ñiinţ aţo du kañen kadeenu ki Naşibaţi Anhiniiŋ iko bŧi ; nawina kak abi na infëluŋ yi baţi. »

Maci 27:11

Yeŧu anaţ du kadun ki Pilat nanŧuŋa, kë aşë hepara : « Iwi, iwooŋ naşih i bayuday i ? » Kë aŧeema aji : « Ijakuŋ haŋ. »

Markuŧ 14:62

Yeŧu aŧeema aji : « Nji a. Kë naşë luŋ kawinën nji Abuk Ñiinţ nţo ţi kadeenu ki Andëmuŋ Maakan. Naluŋ kawina kak ado kabi na infëluŋ yi baţi. »

Markuŧ 15:2

Kë Pilat aşë hepar Yeŧu aji : « Iwi, iwooŋ naşih i bayuday i ? » Kë aŧeem aji : « Iwi, ijakuŋ haŋ. »

Luk 22:70

Wal mënţ, kë bukal bŧi başë ji : « Iwooŋ Abuk Naşibaţi keeri ? » Kë aŧeem baka aji : « Naţupi, dwo a. »

Luk 23:3

Kë Pilat aşë hepar Yeŧu aji : « Iwi, iwooŋ naşih i bayuday i ? » Kë Yeŧu aŧeema aji : « Iwi, Ijakuŋ haŋ. »

Yowan 1:14

Anwooŋ Uţup akak ñaaŋ najën abi afëţ na nja, kë ŋşë win mndëm mi nul, aŧum na bnuura abot aŧum manjoonan. Aşin awululuŋ mndëm mënţ ul anwohaŋ aloolan i abukuŋ ţañ.

Yowan 1:17

Ŋyeenkna bgah ţi Moyiŧ, kë bnuura na manjoonan manşë biina ţi Yeŧu Kriŧtu.

Yowan 14:6

Kë Yeŧu aŧeema aji : « Nji, dwooŋ bgah, manjoonan na ubida. Nin ñaaŋ aankya du Naşibaţi Paapa bë aanţëpna ţi nji.

Yowan 3:32

aji ţup uko wi awinuŋ akuţ aŧiink kë nin aloŋ aşë wo aanji di pŧiink uţup wi nul.

Yowan 7:17

Woli ñaaŋ aŋal pdo uko wi Naşibaţi aŋaluŋ, ayikrën me pjukan pi naan pawoona du a, këme uko wi nji kaţupuŋ uwoona ţi nji ţañ.

Yowan 8:14

Kë Yeŧu aşë ŧeem baka aji : « Woli ddoo ţupar uleef naan, uko wi nji kaţupuŋ ujoonani, nji dme dko di nwoonuŋ abot ame di nji kayaaŋ, kë an naşë wo naamme dko di nwoonuŋ na di nji kayaaŋ.

Yowan 8:45

Nji dji kaţupan manjoonan ukaaŋ naanfiyaarën.

Yowan 8:46

Ahoŋ ţi an ahilanuŋ hilan kadiiman kë djubani ? Kë woli dţup manjoonan, we ukaaŋ kë naanfiyarën ba ?

Yowan 8:47

Ñaaŋ anwooŋ i Naşibaţi aji ŧiink ŋţup ŋi nul ; naanji naŧiink ŋa, ţiki naanwo biki Naşibaţi. »

1 Timote 6:13

Ţi kadun ki Naşibaţi anwuluŋ bañaaŋ na ŋko uhefënţ na ki Yeŧu Kriŧtu anţupuŋ manjoonan wal wi awooŋ ţi kadun ki Ponŧ Pilat dkooţu

1 Piyeer 1:22

Nakak ajinţ wi nakţaşuŋ manjoonan, kaŋaladaan na manjoonan ji bañaaŋ banţaaruŋ, naŋaladan maakan na ŋhaaş ŋjinţ keeri.

1 Yowan 2:21

Woli dpiiŧan keeri, uunwo wo ji naamme manjoonan. Dpiiŧan ţiki name ma abot ame kë nin ŋţilan ŋloŋ ŋaanji ŋapënna ţi banwooŋ na manjoonan.

1 Yowan 3:14

Nja, ŋme kë ŋpënna du pkeţ aya du ubida ; ŋme uko mënţ ţiki ŋŋal bayiţ nja ţi Kriŧtu. Ñaaŋ anwooŋ aaŋŋal ayiţul aduka ţi pkeţ.

1 Yowan 3:19

Woli ŋŋalad haŋ, wi wi ŋkmeeŋ kë ŋwo biki manjoonan, ŋhaaş ŋi nja ŋabot ŋaţoora ţi kadun ki Naşibaţi.

1 Yowan 4:6

Nja, kë ŋşë wo biki Naşibaţi ; ammeeŋ Naşibaţi aji ŧiink nja ; kë anwooŋ aanwo i Naşibaţi aanji ŧiink nja. Kë hënk di di ŋjaaŋ ŋmeena Uhaaş wi Manjoonan na uhaaş wi kaguuru.

1 Yowan 5:20

Ŋkak ame kë Abuk Naşibaţi abi abot awul nja mnhina mi pyikrën anwooŋ Naşibaţi na manjoonan. Ŋmëbandër na anwooŋ Naşibaţi na manjoonan ţi pmëbandër pi ŋmëbandëruŋ na Yeŧu Kriŧtu Abukul. Ul awooŋ Naşibaţi na manjoonan, ul anwooŋ anjaaŋ awul ubida wi mnţo.

Uko wi ayuujuŋ Yowan 1:4

Nji Yowan nji kapiiŧuŋ banfiyaaruŋ banwooŋ ţi ŋbeeka paaj na uloŋ ŋi Aŧiya. Dñehan Naşibaţi awulan bnuura abot aţooranan ŋhaaş, ul anwooŋ, anjonuŋ nwoo, ankmbiiŋ. Dñehan kak ŋhaaş paaj na uloŋ ŋanwooŋ ţi kadun ki pţij pi pşih pi nul ŋawulan bnuura ŋabot ŋaţooranan ŋhaaş.

Uko wi ayuujuŋ Yowan 3:14

Akak aji na nji : « Piiŧan banfiyaaruŋ biki Lawodiŧiya iji na baka : “Ñaaŋ i bajaaŋ badu uwo haŋ, anjaaŋ aţup na manjoonan uko wi Naşibaţi, anwooŋ naŧeek, anşihuŋ iko bŧi impaşaniiŋ aţiini aji :