Yowan 16:20 - Mankanya

²⁰ « Na manjoonan dţupan, naluŋ kawooni, kabot kaţëga, bañaaŋ biki umundu başë balilan. Naluŋ kajooţan, kë pjooţan mënţ paşë luŋ kakak mnlilan.

Yowan 16:20 ပူးပေါင်းရင်းမြစ်များ

Kañaam 30:11

Iwi Nawat Kabuka dkooţu kooţ, ŧiinkaan iñagi'aan ! Iwi Nawat Kabuka, woon nabuuranaan ! »

Kañaam 30:5

An nanfiyaaruŋ Nawat Kabuka, nayeehan nadëmana ; nayeehan nadëman katim kayimanaan ki nul.

Maci 21:38

Kë wi biki adukaruŋ uwoorta bawinuŋ abukul, aşë laţar aji : “I, akdukiiŋ na iko yi aşin. Najoh ŋfiŋa, ŋşë ŋduka na ya !”

Maci 5:4

Bañaaŋ banwooŋ ţi ŋwooni banuurandëni ţiki Naşibaţi aluŋ kayompan baka !

Markuŧ 14:72

Ţi dko mënţ kë uguk uşë haan uyaaş utëbanţën. Kë Piyeer aşë leş uţup wi Yeŧu abiiŋ aji na a : « Ji uguk udo kahaan uyaaş utëbanţën ipok ŋyaaş ŋwajanţ kaji iimme'ën. » Aţi wal mënţ, apën bdig awooni.

Markuŧ 16:10

Aya aţup uko mënţ bambiiŋ awo na Yeŧu banwooŋ wal mënţ ţi puum awooni.

Luk 22:45

Wi Yeŧu añehanuŋ Naşibaţi aba, aşë naţa, akak du baţaşarul, aţënk baka kë bakŋoyënţ, banoor maakan ţiki bajooţani.

Luk 22:62

Wi wi Ŧimoŋ Piyeer aşaaŋ apën bdig, awooni maakan.

Luk 23:27

Pnŧuk pweek paţaşa, na baaţ baloŋ bankuŋiiŋ iñen abot aţëga.

Luk 24:17

Yeŧu kë aşë ji na baka : « We wi nabaaŋ aţiiniyaan hënk wi nakpoşuŋ ba ? » Kë banaţ, ajooţan.

Luk 24:21

Ŋbi haţ aji ul awooŋ i kabuuran Iŧrayel, kë iko yaŋ bŧi işë do hënkuŋ ŋnuur ŋwajanţ ŋi iţëpi.

Luk 6:21

Nanuurandëni an nanwooŋ na ubon hënkuŋ, naluŋ kade kayok. Nanuurandëni, an nanwooŋ ţi ŋwooni hënkuŋ, naluŋ kado kaji.

Yowan 16:33

Dţupan iko yi, ŋhaaş ŋi nan ŋahilna ŋaţoora wi nawooŋ baloolan na nji. Umundu uluŋ kanooran an, natamaan, dwat wa. »

Yowan 16:6

Dwin bnuura kë uko wi nţupanaŋ ukaaŋ kë najooţan maakan hënk.

Yowan 20:20

Wi ajakuŋ haŋ, aşë diiman baka iñen na kanŧaagan. Baţaşarul balilan maakan wi bawinuŋ Ajugun.

Ulemp 5:41

Banjañan bapën ţi uruha, aşë lilan maakan jibi Naşibaţi awinuŋ aji baŧaaŋ na phaj ţi katim ki Yeŧu.

Baromeŋ 5:11

Kë uşë wo uunliŋ ţi waŋ, Naşibaţi ado nja kë ŋlilani ţiki Ajugun Yeŧu Kriŧtu ado nja kë ŋwo hënkuŋ ţi ploolan na Naşibaţi.

2 Korinŧ 6:10

ŋji ŋwo ji ŋjooţani kaşë wo ţi mnlilan ; ŋwo bawaaŋ aşë do bañaaŋ baŧum kë bawo bayok ; ŋwo ji bañaaŋ banwooŋ baanka ni uko uloŋ, aşë ka iko bŧi.

Galaŧiya 5:22

Kë iko yi Uhaaş wi Naşibaţi ujaaŋ ubuk yii yi : bŋalad, mnlilan, mnjeeh, kamiir, pjoob bkow, pŧar ţi pţënk, pwo ñaaŋ i bakfiyaaruŋ,

1 Teŧalonika 1:6

Kë an, nakak awo ţi pdo ji un, na ji Ajugun. An nandooŋ awo wo ţi unoor uweek, nayeenk uţup wi Naşibaţi na mnlilan mi Uhaaş wi nul ujaaŋ uwul.

Yakob 1:2

An bayiţ naan baţaş Yeŧu, woli nawo ţi unoor nalilaan ţi ŋhaaş ŋi nan.

Yud 1:24

Nawulën ŋdëman Naşibaţi anwooŋ aloolan ţañ, anţëpnuŋ ţi Yeŧu Kriŧtu Ajugun abuuran nja. Ul ahiluŋ kayeŋan nawutna kajot ţi pekadu, kadolan nanaţ ţi kadunul ul anwooŋ na mndëm, nawo bañaaŋ bajinţ, nawo na mnlilan mnweek. Naşibaţi awo naweek, ajug mndëm, mnhina na pşih du unjon, nţa na faan te mnţo ! Uwo haŋ !

Uko wi ayuujuŋ Yowan 11:10

Bañaaŋ banfëţuŋ mboş baŧaŋ ţi uko mënţ kawo ţi mnlilan kabot kaţenar iko, ţiki baţupar Naşibaţi batëb bukuŋ babi hajan baka maakan.

Uko wi ayuujuŋ Yowan 18:7

Naţuun da mnhaj na pwuţan panliŋuŋ na mndëm na pyok pi dabiiŋ aka, daji ţi uşal wi da : “Dţo ji naşih ñaaţ, mënkwo nayoţ nin, mënkwo na puum nin unuur uloŋ.”