Yowan 16:11 - Mankanya

¹¹ aneem ţi uko wi pwayëş ţiki bawayëş Ŧatana naşih i umundu wi kaji aduknaanaa.

Yowan 16:11 ပူးပေါင်းရင်းမြစ်များ

Ujuni 3:15

Dţu bşoorad ţi iwi na ñaaţ, ţi pntaali pi nu na pi nul. Baluŋ kanantlu bkow, kë iwi, iluŋ katib baka ţi pşoñ. »

Kañaam 68:18

Ŋkaaru ŋgutni ŋi ŋmpëlënŧ ŋakpuluŋ ŋi Naşibaţi ŋawo iñeen-week ŋyaaş ŋŧum, ŋaŧum pŧum paŋ. Nawat Kabuka awo ţi pŧoof pi ŋa, pnkuŋ pi Ŧinayi pawo du dko dyimanaan di nul.

Maci 12:18

« I awooŋ nalempar naan i nji ndatuŋ, i nŋaluŋ maakan, i mmaganuŋ, dluŋ kaţu Uhaaş wi naan ţi a aşë ţup bañaaŋ biki umundu kë Naşibaţi akakan baka baŧool.

Maci 12:36

Kë nşë ţupan : Ţi unuur wi pwayëş, bañaaŋ baluŋ kahepna ţi ŋţup ŋwuţaan bŧi ŋi baţupuŋ.

Luk 10:18

Kë Yeŧu aşë ŧeem baka aji : « Dwin Ŧatana kë awoona baţi ajot ji kaliik liik.

Yowan 12:31

Hënkuŋ wal wi Naşibaţi akyuujuŋ umundu wi kë uduknaanaa ubani, hënkuŋ bawalan Ŧatana, naşih i umundu wi afëla bdig.

Yowan 14:30

Mënkak aţiini iko iŧum na an, ţiki naşih i umundu wi abi. Aanhilanaan nin uko uloŋ,

Yowan 16:12

« Dka iko iŧum kak yi nwooŋ i pţupan, kë işë wo iinhil kajinţ ţi ikowan hënkuŋ.

Ulemp 10:42

Kë aşë ji na un ŋţup bañaaŋ uko wi ŋmaaruŋ : Ul kak i i Naşibaţi adatuŋ aji awo nawayëş bţup i bañaaŋ bajeb na bankeţuŋ.

Ulemp 24:25

Kë jibi Pawulu akţupuŋ adoo jun pban ţi iko yi pwo ñaaŋ naŧool, yi pţijan uleef, na yi unuur wi Naşibaţi akluŋ kawayëş bañaaŋ, kë Feliŧ aşë yewla, aji na a : « Ţañaan ba hënk nţa, ihinan kaya, woli dbi jeeh kayil pdu'u. »

Ulemp 26:18

Iwoyi kahaabëş baka këş, kapënan baka ţi bdëm, kaţij moŋ bjeehi, kapënan baka ţi mnhina mi uweek wi ŋnŧaayi, kaţij du Naşibaţi. Hënk bahilna woli bafiyaarën, bapënan baka ipekadu bahil kawo ţi biki Naşibaţi adatuŋ aji bawo pntaali pi nul.”

Baromeŋ 16:20

Naşibaţi anwooŋ ukumpëş wi mnjeeh awat hënkuŋ Ŧatana ţi ihoţan. Dñehan bnuura bi Yeŧu Ajugun bawo ţi an.

Baromeŋ 2:16

Hënk, uko mënţ uluŋ kapën wal wi Naşibaţi akţëpnuŋ ţi Yeŧu Kriŧtu jibi nţupuŋ ţi Uţup Ulil Unuura, kawayëş bañaaŋ bŧi ţi iko yi ameeruŋ baka.

1 Korinŧ 4:5

Ukaaŋ kë naanwo i kaŧaran pwayëş : nayoonkan unuur wi Ajugun akbiiŋ. Ul akluŋ kado iko immeniiŋ yi bdëm ipën iwinana, kadiiman iko inwooŋ ţi ŋşal ŋi bañaaŋ. Wal mënţ Naşibaţi adëman ñaaŋ andoli kaliŋan na ulemp wi adoluŋ.

2 Korinŧ 4:4

Baanfiyaar uţup mënţ ţiki Ŧatana naşih i mboş aŧok baka uşal, bawutna kawin bjeehi bi Uţup Ulil Unuura banjaaŋ badiiman mndëm mi Kriŧtu anjaaŋ adiiman jibi Naşibaţi awooŋ.

Efeŧ 2:2

Nabi yuuj kë naţaş bgah bwuţaan bi umundu, aţaş Unŧaayi Uweek wi, unkţoŋuŋ hënkuŋ bañaaŋ bampokuŋ pŧiink Naşibaţi.

Koloŧ 2:15

Awohëş ŋnŧoŋ ŋankşihuŋ na ŋanwooŋ na mnhina, apënan ŋa aţij ţi kadun ki bañaaŋ, alaaţ laaţën ŋa ţi kafeţ ki pnŧuk panlilanuŋ wi awatuŋ ŋa ţi pkeţ pi Kriŧtu akeţuŋ ţi kruŧ.

Bahebërë 2:14

Hënk keeri, kë jibi bañaaŋ mënţ bawooŋ bañaaŋ bajën, hënk di Yeŧu akakuŋ ñaaŋ najën ji baka, ahilna ţi pkeţ pi nul aba na Unŧaayi Uweek unkaaŋ mnhina mi pkeţ.

Bahebërë 6:2

pi pjukan ţi uko wi batiŧmu, pi ppaf iñen, pi pnaţa ţi pkeţ na pi pwayëş pbaañşaani.

Bahebërë 9:27

Bañaaŋ bajën baji bakeţ uyaaş uloolan, Naşibaţi kawayëş baka.

2 Piyeer 3:7

Uţup mënţ uţuuŋ kë baţi na mboş mi nţa ŋahankanaa, ayoonk pya ptërana ţi unuur wi pwayëş pbaañşaani na wi pŧoka pi banwooŋ baankţaş Naşibaţi.

1 Yowan 3:8

Nado pekadu awo i Unŧaayi Uweek, wul uwo udo pekadu du ujuni. Kë Abuk Naşibaţi aşë bi bi pŧok iko yi Unŧaayi Uweek ukdoluŋ.

Uko wi ayuujuŋ Yowan 1:7

Natenan, abi ţi infëluŋ. Kë bañaaŋ bŧi bakluŋ kawina, bandooŋ aluŋana uleef baluŋ kawina. Bañaaŋ biki umundu bŧi baluŋ kado kaţëga. Aa ! Uwo haŋ !