Yowan 1:29 - Mankanya

²⁹ Wi unuur ujinţuŋ, Yowan awin Yeŧu kë akbi, kë aşë ji : « Anwooŋ unkaneel wi bţeŋan wi Naşibaţi unkmpënanuŋ pekadu di umundu awi.

Yowan 1:29 ပူးပေါင်းရင်းမြစ်များ

Bgah 10:17

Aji na baka : « Wel ukaaŋ kë naande unŧaam wi nayeenkuŋ pa ppënan ipekadu du dko dyimanaan ba ? Uwo unŧaam unyimanuŋ maakan wi Nawat Kabuka awulanaŋ, kahilna kapënan pekadu di bañaaŋ biki Iŧrayel.

Maci 1:21

Aluŋ kabuk napoţ ñiinţ, i ikţuuŋ katim ki Yeŧu, ţiki ul akluŋ kabuuran pntaali pi nul ţi ipekadu yi pa. »

Maci 20:28

Kë hënk, Abuk Ñiinţ aambi bi pa bado kalempara, abi pdo kalempar bañaaŋ kabot kawul ubida wi nul, uwo baluk bankbuuranuŋ bañaaŋ baŧum maakan. »

Yowan 1:35

Wi unuur ujinţuŋ, Yowan akak awo da na batëb ţi baţaşarul.

Yowan 1:36

Awin kë Yeŧu akţëp kë aşë ji : « Anwooŋ unkaneel wi bţeŋan wi Naşibaţi i i. »

Yowan 1:43

Wi unuur ujinţuŋ, Yeŧu aţu na pya uŧaak wi Galilay. Aya awin da Filip aji na a : « Ţaşaan ! »

Yowan 2:1

Unuur uwajanţën bniim bloŋ bawo du ubeeka wi Kana du Galilay, kë anin Yeŧu awo da.

Yowan 3:16

« Naşibaţi aŋal bañaaŋ maakan adoo wul Abukul aloolan ţañ i akaaŋ, ñaaŋ anfiyaaruluŋ awutna kakeţ, aşë ka ubida wi mnţo.

Yowan 4:42

baji na ñaaţ : « Mënţ uko wi iţupuŋ ţañ ukaaŋ kë ŋfiyaara ; un ţi ŋleefun ŋŧiinka abot ame kë ul na manjoonan awooŋ Nabuuran bañaaŋ bŧi. »

Yowan 6:51

Nji dwooŋ pde panwooŋ na ubida, panwalnaaniiŋ baţi. Woli ñaaŋ ade pde mënţ, aka ubida wi mnţo. Pde mënţ pawooŋ uleef naan wi nji kaluŋ kawul, umundu ukaana ubida. »

Ulemp 13:39

ţi katim ki nul ki ki ñaaŋ anhaţuŋ akbuurnuŋ ţi ipekadu bŧi yi Bgah bi Moyiŧ bawooŋ baanhilan aburanan.

Ulemp 8:32

Dko di Ulibra wi Naşibaţi di akleyiiruŋ dii di, daji : « Ji unkaneel wi bakñooţuŋ pya kafiŋ Ji unkaneel umpoţi ţi kadun ki napuunk wa, Hënk di di ajaaŋ ayompan mntum.

1 Korinŧ 15:3

Uko undëmnuŋ ţi iko yi nji kaţupanaŋ uwooŋ wi nyeenkuŋ nji kak unwooŋ kë Kriŧtu akeţ apënanaan ipekadu yi nja, jibi upiiŧaniiŋ ţi Ulibra wi Naşibaţi.

2 Korinŧ 5:21

Kriŧtu aambaaŋ kadola pekadu, kë Naşibaţi adola kë akoba pa pekadu di nja, ŋhilna ŋkak baŧool ţi këş ki Naşibaţi wi ŋwooŋ ţi ploolan na Kriŧtu.

Galaŧiya 1:4

Jibi Naşibaţi Aşin nja aŋaluŋ, Kriŧtu awul ubida wi nul kapënanaan ipekadu yi nja ŋhilna ŋbuur ţi umundu wi nţa wi, unŧumuŋ mnŋot.

Galaŧiya 3:13

Kriŧtu aluk luk abuuranaan un ţi pfëpa pi bgah, wi akuŋiiŋ pfëpana panwooŋ i kajotna un. Ulibra wi Naşibaţi uji : « ñaaŋ i puum patananiiŋ ţi bmul afëpa. »

1 Timote 2:6

anwuluŋ uleeful bañaaŋ bŧi bahilna babuur. Uko mënţ wi wi Naşibaţi adiimanuŋ ţi wal wi adatuŋ.

Tit 2:14

Awuluŋ uleeful kahilna kapënan nja ţi buţaan bŧi bi ŋjaaŋ ŋdo, kajinţan nja kado nja ŋwo bañaaŋ biki nul, banjaaŋ baŋal pdo iko inuura.

Bahebërë 1:3

Abukul awooŋ bjeehi banjaaŋ badiiman mndëm mi nul, ul ajaaŋ adiiman uko wi awooŋ na manjoonan. Ul amëbanuŋ iko bŧi yi apaşuŋ na uţup wi nul unwooŋ na mnhina. Ajinţan bañaaŋ ţi ipekadu yi baka aşë ya aţo du kañen kadeenu ki Naşibaţi du baţi.

Bahebërë 2:17

Kë hënk di awooŋ kakak ñaaŋ najën ji bayiţul, kahilna kawo naşih i baţeŋan anjaaŋ añaga abot aji do uko wi Naşibaţi ajakuŋ. Akeţ keţ Naşibaţi ahilna amiir ipekadu yi bañaaŋ biki nul.

Bahebërë 9:28

Kë hënk kak di di Kriŧtu awuluŋ uleeful byaaş bloolan, Naşibaţi apënanaan ipekadu yi bañaaŋ baŧum. Aluŋ kapën kawinana uyaaş utëbanţën, aankbi bi ppënan ipekadu yi bañaaŋ, abi bi pbuuran te mnţo bankyoonkuŋ ubi wi nul.

1 Piyeer 1:19

pñaak pi Kriŧtu pantamuŋ preeş maakan pa, panwooŋ ji pñaak pi unkaneel unwooŋ uunţakëm nin dko dloŋ.

1 Piyeer 2:24

Ul ţi uleeful akuŋiiŋ pekadu di nja ţi kruŧ ŋhilna ŋbuur ţi ipekadu ŋşë ŋwo baŧool ; ijën yi nul ikaaŋ kë najebi.

1 Piyeer 3:18

Ipekadu yi bañaaŋ ikaaŋ kë Kriŧtu ţi uleeful ahaj byaaş bloolan ; anwooŋ naŧool akeţar banwooŋ baanwo baŧool, kahilna kañooţan du Naşibaţi. Bafiŋa ţi uleef kë Uhaaş wi Naşibaţi uşë naţana ţi pkeţ.

1 Yowan 2:2

Ul awuluŋ uleeful, awo bţeŋan, Naşibaţi ahilna amiir nja ipekadu ; aanliŋ liŋ ţi yi nja ţañ, ado haŋ ahilna amiir kak yi bañaaŋ biki umundu bŧi.

1 Yowan 3:5

Kë naşë me kë Kriŧtu abi bi pa ppënan nja ipekadu, abot awo aanwo na pekadu.

1 Yowan 4:10

Uŋal na manjoonan uunwo pŋal pi ŋŋaluŋ Naşibaţi, uwo pŋal pi aŋaluŋ nja. Ayil Abukul kë awo bţeŋan bankpënanuŋ ipekadu yi nja.

Uko wi ayuujuŋ Yowan 1:5

Abot añehan Yeŧu Kriŧtu, ammaaruŋ iko yi na manjoonan, aţup ya, anwooŋ naŧeek annaţiiŋ ţi pkeţ, abot awo naşih i başih biki mboş awulan bnuura abot aţooranan ŋhaaş. Yeŧu Kriŧtu aŋal nja abot abuuran nja wi awuluŋ ubida wi nul, Naşibaţi ahilna amiir nja ipekadu.

Uko wi ayuujuŋ Yowan 12:11

Kë biki ataparuŋ başë koba na pñaak pi anwooŋ unkaneel wi bţeŋan, na uţup wi Kriŧtu wi bakţupuŋ ; baaŋal ubida kadoo kado kaţi pkeţ.

Uko wi ayuujuŋ Yowan 13:8

Banfëţuŋ mboş bŧi baluŋ kadëman wa, biki itim iwooŋ iinwo ţi ulibra wi ubida wi anwooŋ unkaneel unfaalaniiŋ pa bţeŋan ji mboş mambi mando kapaşana.

Uko wi ayuujuŋ Yowan 14:1

Dten kak aşë win anwooŋ unkaneel wi bţeŋan kë anaţ du pnkuŋ pi Ŧiyoŋ awo na bañaaŋ biki nul iñeen-week na iñeen ŋbaakër na babaakër ŋyaaş iñeen-week iñeen (144 000) biki bapiiŧuŋ ţi ijuk yi baka katim ki nul na ki Aşin.

Uko wi ayuujuŋ Yowan 14:10

adaan kak poot pi udeeb wi Naşibaţi. Poot mënţ paankjëm wal wi pakjeeşaniiŋ du pnkalame pi udeeb wi nul. Aŋ mënţan ahaj maakan ţi bdoo na ţi pdëpalën panjaaŋ patërad ţi kadun ki ŋwanjuŧ ŋyimanaan na ţi kadun ki anwooŋ unkaneel wi bţeŋan.

Uko wi ayuujuŋ Yowan 14:4

Baanţopan ŋleef ŋi baka na baaţ, baambaaŋ kabanaara ñaaţ. Baji baţaş anwooŋ unkaneel dko bŧi di akyaaŋ. Babuuran baka ţi bañaaŋ bahilna bawo baŧeek biki Naşibaţi na biki anwooŋ unkaneel.

Uko wi ayuujuŋ Yowan 15:3

aşë yeeh kayeeh ki bi Moyiŧ nalempar Naşibaţi na anwooŋ unkaneel wi bţeŋan, aji : « Iwi Ajugun Naşibaţi Anhiniiŋ iko bŧi ; udo wi nu udëmi abot awo uñoŋarënaan, iwi naşih i ŋŧaak. Bgah bi nu bawo bŧool abot awo bi manjoonan

Uko wi ayuujuŋ Yowan 17:14

Baluŋ kagut na anwooŋ unkaneel wi bţeŋan aşë kob baka, ţiki awo naweek i baweek, naşih i başih. Bandu'aniiŋ, bandataniiŋ, banfiyaaruluŋ, banaakiir na a, kakob bambiiŋ pgutan na a. »

Uko wi ayuujuŋ Yowan 19:7

Nawulan ŋwo ţi mnlilan na mnŧaŋ ŋbot ŋdëmana, ţiki bniim bi anwooŋ unkaneel wi bţeŋan babani, kë aharul añëga bnuura.

Uko wi ayuujuŋ Yowan 19:9

Kë uwanjuŧ uşë jakën : « Piiŧan uko wi : “Banuurandëni biki baduuŋ pmaar bniim bi anwooŋ unkaneel wi bţeŋan.” » Ukak aji na nji : « Uţup wi uwo uţup wi Naşibaţi ţi uleeful. »

Uko wi ayuujuŋ Yowan 21:14

Baniw ubeeka ţi klaak khaan iñeen na ktëb, ţi klaak mënţ bapiiŧ itim iñeen na itëb yi banjañan biki anwooŋ unkaneel wi bţeŋan.

Uko wi ayuujuŋ Yowan 21:27

Nin uko uloŋ unţopuŋ uunkneej ţi wa, nin ñaaŋ nado buţaan, nin naţilan aankneej da : bampiiŧaniiŋ itim ţi ulibra wi ubida wi anwooŋ unkaneel wi bţeŋan ţañ bakneejuŋ ţi wa.

Uko wi ayuujuŋ Yowan 21:9

Wal mënţ, uloŋ ţi ŋwanjuŧ paaj na uloŋ ŋamëbanuŋ knkalame kanŧumuŋ na iţaafa paaj na kaloŋ ibaañşaani, ubi aţiini na nji aji : « Biini, dyuuju ñaaţ ankniimiiŋ, ahar anwooŋ unkaneel wi bţeŋan. »

Uko wi ayuujuŋ Yowan 5:6

Wal mënţ kë nşë win ţi pŧoof pi pţij pi pşih na pi ŋko ŋbaakër na pi bantohi, anwooŋ unkaneel wi bafaaluŋ. Awo na itiim paaj na ploŋ ţi bkow akuţ awo na këş paaj na ploŋ. Këş mënţ kawooŋ ŋhaaş paaj na uloŋ ŋi Naşibaţi, ŋi ayiluŋ ţi umundu bŧi.

Uko wi ayuujuŋ Yowan 5:8

Wi ayeenkuŋ wa, ŋko ŋbaakër ŋuŋ na bantohi iñeen ŋtëb na babaakër babi aŋup ţi kadun ki anwooŋ unkaneel adëmana. Andoli amëban bnŧuni na ikoopa yi uwuuru inŧumi mnkulan manwooŋ pñehan pi bañaaŋ biki Naşibaţi.

Uko wi ayuujuŋ Yowan 6:1

Hënk, kë nwin, wi anwooŋ unkaneel apënanuŋ uko uŧeek unkuuţnuŋ ulibra, kë nşë ŧiink uloŋ ţi ŋko ŋbaakër ŋuŋ kë ukţiini na pdiim pweek panwooŋ ji kamparantant aji : « Biini. »

Uko wi ayuujuŋ Yowan 6:16

Bawo ţi pji na inkuŋ na mnlaak : « Najotnun, namenun ŋlow këş ki anţooŋ ţi pţij pi pşih, nakuţ nalowanun udeeb wi anwooŋ unkaneel.

Uko wi ayuujuŋ Yowan 7:14

Kë nŧeem aji : « Naweek, iwi imeeŋ. » Kë aşë ji na nji : « Bawo bañaaŋ banwoonuŋ du mnhaj mnweek ; banaj imişa yi baka ţi pñaak pi anwooŋ unkaneel akakan ya ifaaŧal.

Uko wi ayuujuŋ Yowan 7:17

Anwooŋ unkaneel, anwooŋ ţi pŧoof pi pţij pi pşih akluŋ kawo nayafan i baka kaşë kañooţ baka du ŋkumpëş ŋi meel manjaaŋ manwul ubida. Naşibaţi aluŋ kawent mnkuul bŧi manwooŋ ţi këş ki baka. »