Yowan 1:14 - Mankanya

¹⁴ Anwooŋ Uţup akak ñaaŋ najën abi afëţ na nja, kë ŋşë win mndëm mi nul, aŧum na bnuura abot aŧum manjoonan. Aşin awululuŋ mndëm mënţ ul anwohaŋ aloolan i abukuŋ ţañ.

Yowan 1:14 ပူးပေါင်းရင်းမြစ်များ

Kañaam 2:7

Nawutaan hënkuŋ, nţup uko wi Nawat Kabuka ajakuŋ : aji na nji « Iwi, iwooŋ abuk naan ; nţa di, dţup aji dwo şaaş !

Maci 1:16

Yakob abuk Yoŧef, ayin Mariya, ambukuŋ Yeŧu i bajaaŋ badu Kriŧtu.

Luk 2:11

Nabuuran Bañaaŋ abuka ţi uŧejan wi nţa wi pa an, du ubeeka wi Dayiţ naşih : ul awooŋ Kriŧtu Ajugun.

Luk 2:7

Kë abuk napoţ ñiinţ, bajeenul. Abooţana na ilaañ, apiinţana ţi kambëŋan, ţiki baanţënkbër aka dko dpiinţ du meeţ di bayaanţ.

Luk 9:32

Ŧimoŋ Piyeer na baŧënţul batëb bukuŋ baŋoyënţ aronŧ, kë wal wi batenuŋ, aşë win mndëm mi Yeŧu abot awin bañaaŋ batëb banwooŋ na a.

Yowan 1:1

Du ujuni anwooŋ Uţup ado bi wo'a wo, awo du Naşibaţi abot awo Naşibaţi.

Yowan 11:40

Kë aŧeema aji : « Mënjaku aji woli ifiyaari kwin mndëm mi Naşibaţi i ? »

Yowan 14:6

Kë Yeŧu aŧeema aji : « Nji, dwooŋ bgah, manjoonan na ubida. Nin ñaaŋ aankya du Naşibaţi Paapa bë aanţëpna ţi nji.

Yowan 14:9

Kë aji na a : « Filip, djon na an ţi maakan, kë işë wo iimme'ën te hënkuŋ. Ñaaŋ anwinnuŋ, awin Naşibaţi Paapa. Hum di di ihiluŋ kaji : “Diimanun Naşibaţi Aşin nja ?”

Yowan 17:22

Dwul baka mndëm mi iwulnuŋ, bahilna bawo ji ñaaŋ aloolan jibi ŋwooŋ ñaaŋ aloolan.

Yowan 17:24

Paap, dŋal dko bŧi di nwohaŋ, biki iwulnuŋ bawo da na nji. Hënk bawin mndëm mi naan. Mndëm mënţ iwulën ma ţiki iŋalën ji umundu ubi udo kapaşana.

Yowan 18:37

Kë Pilat aşë ji na a : « Ikeer awo naşih ? » Kë aŧeema aji : « Ijakuŋ haŋ : dwo naşih. Dbuka abot abi ţi umundu pa pdiiman uko unwooŋ manjoonan. Ñaaŋ anwooŋ i manjoonan aji ŧiink pdiim pi naan. »

Yowan 2:11

Uko waŋ uwooŋ ujuni wi iko iñoŋarënaan yi Yeŧu ajaaŋ ado bañaaŋ bahilna bame uko wi awooŋ. Ado wa du Kana di Galilay, adiiman mndëm mi nul kë baţaşarul bafiyaara.

Yowan 3:16

« Naşibaţi aŋal bañaaŋ maakan adoo wul Abukul aloolan ţañ i akaaŋ, ñaaŋ anfiyaaruluŋ awutna kakeţ, aşë ka ubida wi mnţo.

Yowan 3:18

Ñaaŋ anfiyaaruluŋ aankduknaana, anwooŋ aanfiyaara ado bi duknaana duknaana, ţiki aanfiyaar ţi Abuk Naşibaţi aloolan ţañ i akaaŋ.

Yowan 6:51

Nji dwooŋ pde panwooŋ na ubida, panwalnaaniiŋ baţi. Woli ñaaŋ ade pde mënţ, aka ubida wi mnţo. Pde mënţ pawooŋ uleef naan wi nji kaluŋ kawul, umundu ukaana ubida. »

Yowan 8:32

Naluŋ kame manjoonan, manjoonan mënţ mankluŋ kabuuranan. »

Baromeŋ 8:3

Bgah bi Moyiŧ baanhil pdo haŋ, ţiki iko yi uleef wi nja uŋaluŋ ido kë bgah baanka mnhina maŋ. Kë Naşibaţi aşë buuran nja wi ayiluŋ Abukul abi ji ñaaŋ najën abot awo bţeŋan pa pyeenkar nja kakob pa ipekadu yi nja.

Baromeŋ 9:5

Bawo biki pntaali pi bateem nja bammeeţaniiŋ. Kë ţi pntaali mënţ pi pi Yeŧu apënnuŋ, ul ampeluŋ iko bŧi, awo Naşibaţi, awo na bnuura te mnţo ! Uwo haŋ.

1 Korinŧ 15:47

Naşibaţi aboman ñaaŋ naŧeek na ufuuş, awoona ţi mboş ; kë natëbanţën aşë woona baţi.

2 Korinŧ 12:9

kë aji na nji : « Bnuura bi njaaŋ kawulu baji bakëş ; mnhina mi naan manji manwinana wal wi ibiişniiŋ. Ukaaŋ kë nji kaţëp ţëp kahompna pbiişna pi naan, mnhina mi Kriŧtu manhilna manwo ţi nji ŋnuur bŧi. »

Galaŧiya 4:4

Kë wal wi Naşibaţi adatuŋ ubanuŋ, awalan Abukul ţi kayiŋ ki ñaaţ, kë akţaş bgah bi Moyiŧ,

Efeŧ 3:8

Nji mpoţëţaanuŋ ţi bañaaŋ biki Naşibaţi, awulën bnuura bi pţup banwooŋ baanwo bayuday bnuura bweek maakan bi ţi Kriŧtu.

Koloŧ 1:19

Ulil Naşibaţi kë aŧumana iko bŧi inwooŋ ţi a,

Koloŧ 2:3

Ţi a di di iko inuura maakan bŧi yi uşal unŧuŋa na injaaŋ ihaabëş ñaaŋ uşal iwooŋ.

Koloŧ 2:9

Ţi ul ţi uleeful di di iko bŧi inwooŋ ţi Naşibaţi ifëţuŋ.

1 Timote 3:16

Nin ñaaŋ aanhil kapok kë uko wi Naşibaţi adiimanuŋ unwooŋ uko wi ŋfiyaaruŋ udëmi : uwinana ţi Kriŧtu ambiiŋ awo ñaaŋ najën, i Uhaaş wi Naşibaţi udiimanuŋ kë awo naŧool, ul ampënuŋ awinana ţi kadun ki ŋwanjuŧ, ul i baţupuŋ ţi uko wi nul ţi kadun ki bawooŋ baanwo bayuday, ul i bañaaŋ biki mboş bafiyaaruŋ, ul andeeŋaniiŋ ţi mndëm.

Bahebërë 1:3

Abukul awooŋ bjeehi banjaaŋ badiiman mndëm mi nul, ul ajaaŋ adiiman uko wi awooŋ na manjoonan. Ul amëbanuŋ iko bŧi yi apaşuŋ na uţup wi nul unwooŋ na mnhina. Ajinţan bañaaŋ ţi ipekadu yi baka aşë ya aţo du kañen kadeenu ki Naşibaţi du baţi.

Bahebërë 1:5

Na manjoonan, Naşibaţi aambaaŋ kajakaara na uwanjuŧ uloŋ : « Iwi iwooŋ Abuk naan, nţa di dţup aji dwo şaaş ? » Kë aambaaŋ kaţiini ţi uko wi uloŋ ţi ŋa kaji : « Nji dwo Aşin, ul aşë wo Abuk naan. »

Bahebërë 10:5

Ukaaŋ kë wal wi abiiŋ awo i pbi ţi umundu, Kriŧtu aji na Naşibaţi : « Iinŋal bafiŋaru ŋko kë iinŋal baţenu iko iloŋ aşë wulën uleef wi ñaaŋ najën ;

Bahebërë 2:11

Kë Yeŧu, anjaaŋ ajinţan bañaaŋ ţi këş ki Naşibaţi na biki ajinţanuŋ başë ţok bukal bŧi Aşin baka. Ukaaŋ kë aankowa pdo kadu baka babuk aşin,

Bahebërë 5:5

Kriŧtu kak aannaţa naţa aji ul awo naşih i baţeŋan : ayeenkna pa du Naşibaţi anjakuluŋ ţi Ulibra wi nul : « Iwi iwooŋ Abuk naan, nţa di dţup aji dwo şaaş . »

1 Yowan 4:14

Naşibaţi ayil Abukul kë awo nabuuran umundu. Ŋwin uko waŋ, aşë ţup wa bañaaŋ.

1 Yowan 4:9

Naşibaţi adiiman uŋal wi akaaŋ pa nja wi ayiluŋ Abukul aloolan i akahaŋ ţi umundu ŋhilna ŋţëpna ţi a ŋka ubida.

2 Yowan 1:7

Bañaaŋ baţilan baguuru baŧum babi aniink umundu, baandi pyikrën kë Yeŧu Kriŧtu akak ñaaŋ najën. Ñaaŋ ankdoluŋ haŋ awo naguuru, Naşoorad Kriŧtu.

Uko wi ayuujuŋ Yowan 19:13

Awohara bayeti banwooŋ na pñaak. Katimul kawo « Uţup wi Naşibaţi. »

Uko wi ayuujuŋ Yowan 21:3

Dŧiink wal mënţ pdiim pweek pampënnuŋ du pţij pi pşih aji : « Katoh ki Naşibaţi akfëţuŋ na bañaaŋ kii ki. Awo da na baka, bawo pntaali pi nul, ul ţi uleeful aşë wo Naşibaţi i baka.