Ulemp 7:56 - Mankanya

⁵⁶ Kë aji : « Natenan dwin baţi, kë bawo bhaab, kë Abuk Ñiinţ aşë naţ ţi kadeenu ki Naşibaţi. »

Ulemp 7:56 ပူးပေါင်းရင်းမြစ်များ

Maci 25:31

Yeŧu akak aji : « Woli Abuk Ñiinţ aluŋ abi na mndëm mi nul agakandër na ŋwanjuŧ bŧi, aţo ţi pţij pi pşih na mndëm.

Maci 3:16

Wi Yeŧu ayeenkaŋ yeenk batiŧmu apën ţi meel, kë baţi başë haabëşa ţi dko mënţ. Awin Uhaaş wi Naşibaţi kë uwala ţi a ji ubalab ufaaŧal.

Maci 8:20

Kë Yeŧu aşë ŧeema aji : « Ŋnfëş ŋaka ihër, kë ŋkaŧ ŋaka inŧaŋ, kë Abuk Ñiinţ aşë wo aanka dko dpafni bkow. »

Markuŧ 1:10

Wal wi akpënuŋ ţi meel aşë win baţi kë bahaabşaa, kë Uhaaş wi Naşibaţi uşë wala ţi a awo ji ubalab ufaaŧal.

Luk 3:21

Wi bañaaŋ bŧi bakdolanuŋ batiŧmu, Yeŧu kak ado batiŧmu. Wi awooŋ ţi pñehan Naşibaţi, kë baţi başë haabëşa.

Yowan 1:51

Wi wi aşaaŋ aji : « Na manjoonan, dţupan, naluŋ kawin baţi bahaabëşa, ŋwanjuŧ ŋabot ŋado kapaya, kawala ţi Abuk Ñiinţ. »

Ulemp 10:11

baţi kë bawo bhaab, kë uko uloŋ uşë wala ţi mboş, unnaami kaloona kaweek kantananiiŋ ţi imbiint ibaakër.

Ulemp 10:16

Pdiim paţiini na a haŋ ŋyaaş ŋwajanţ, kë kako kaşë pula, akak baţi.

Ulemp 7:57

Wal mënţ kë başë huuran maakan anëţ ibaţ yi baka. Wi wi başaaŋ adëpa ţi a bukal bŧi,

Uko wi ayuujuŋ Yowan 11:19

Wal mënţ, kë dko dyimanaan di Naşibaţi danwooŋ du baţi daşë haabşa, kë umaala uyimanaan wi bhoŋar uşë pën awinana da. Wi wi iliik liik işaaŋ awinana, kë imparantant iŧiinkanaa, mboş kë manşinţari, kë uşubal uweek wi mpoj mmag uşë jot.

Uko wi ayuujuŋ Yowan 19:11

Wal mënţ, kë nşë win baţi kë bawo bhaab, kë umpëlënŧ uloŋ ufaaŧal uşë wo da. Andapiiŋ wa katimul kawo « Ammëbanuŋ Naşibaţi na manjoonan. » Awo naŧool ţi pwayëş pi nul abot aji gut pa iko inwooŋ iŧool.

Uko wi ayuujuŋ Yowan 4:1

Wi uko waŋ uţëpuŋ, dkak aten, awin plëman panwooŋ bhaab du baţi aşë ŧiink pdiim pambiiŋ aţiini na nji, pambiiŋ awo ji plul kë pajakën : « Payiin ibi ţi, nşë diimanu uko unkluŋ kaţëp. »