Ulemp 4:32 - Mankanya

³² Banfiyaaruŋ bŧi bakak hënkuŋ awo uşal na uhaaş uloolan. Kë nin aloŋ aanji şal şal, kaji nji aloolan dkaaŋ wi, këme wundu. Baji banaakrën bka bi baka bŧi.

Ulemp 4:32 ပူးပေါင်းရင်းမြစ်များ

Yowan 17:11

Hënkuŋ dbi du iwi, mënkak awo ţi umundu, kë bukal başë woha wo ţi umundu. Paap iwi inyimanuŋ, mëbaan baka na mnhina mi katimu ki iwulnuŋ bahilna bakak ñaaŋ aloolan jibi nji na iwi ŋwooŋ.

Ulemp 1:14

Baŧiinkar bukal bŧi na baaţ baloŋ na Mariya anin Yeŧu, na baţa Yeŧu, añehan Naşibaţi.

Ulemp 2:1

Bayitiir bŧi ţi unuur wi Pentakot.

Ulemp 5:12

Banjañan bado wal mënţ mlagre na iko iñoŋarënaan iŧum ţi pŧoof pi bañaaŋ. Banfiyaaruŋ baji bayitiir bŧi du uşaala wi bajaaŋ bado Uşaala wi Ŧalomoŋ.

Baromeŋ 12:5

Kë hënk di uwooŋ pa nja : ŋŧum maakan kë nja ŋnwooŋ biki Kriŧtu ŋşë wo uleef uloolan, andoli awo i bandukiiŋ.

1 Korinŧ 1:10

An bayiţ naan, dkooţan ţi katim ki Ajugun Yeŧu Kriŧtu nawo bŧi ţi uţup uloolan, bpulad baţañ ţi pŧoofan, naţëpën ţëp naŧiinkar nawo na uşal uloolan na uţup uloolan.

2 Korinŧ 13:11

An bayiţ naan, hënkuŋ nawoon ţi mnlilan ! Nadoon kala pwo bañaaŋ bajinţ ţi këş ki Naşibaţi, naboofaran, naŧiinkaran, nawoon ţi mnjeeh, hënk di di Naşibaţi anjaaŋ awul uŋal na mnjeeh akwooŋ na an.

Filipiya 1:27

Uko unkaaŋ udooni uwo nado kaţoŋ ubida wi nan, uŧaaŋ na Uţup Ulil Unuura wi Kriŧtu. Hënk, woli dbi du an këme awo mënwo na an kaŧiink kë namëbandër aliinŧ awo ji ñaaŋ aloolan agutar na uhaaş uloolan pfiyaar panwoonuŋ du Uţup unuura uhalu.

1 Piyeer 3:8

Hënkuŋ dŋal kabaañşaan kajakan an bŧi nawo ţi uşal uloolan, naboofar, naŋalad ji banţaaruŋ, najoob bkow nabot nawalan ikowan.

1 Piyeer 4:11

Woli ñaaŋ ayeenk uţen wi bţup, adoon kaţup ji Naţupar Naşibaţi ; woli ayeenk uţen wi pţënk bañaaŋ, adoon kaţënk baka na mnhina mi Naşibaţi awululuŋ. Hënk, Yeŧu Kriŧtu anwooŋ na mndëm na mnhina te mnţo, akkaaŋ bado kadëman Naşibaţi ţi iko bŧi. Uwo haŋ !