Ulemp 28:23 - Mankanya

²³ Hënk, kë bamëban unuur na Pawulu, kë bañaaŋ baŧum ţi baka baluŋ abi du dko di Pawulu awaliiŋ. Aţiini na baka nfa te utaakal uţup wi Pşih pi Naşibaţi. Ado na pdo baka bayikrën uko wi Yeŧu, aţëpna ţi Bgah bi Moyiŧ, na uko wi baţupar Naşibaţi bapiiŧuŋ.

Ulemp 28:23 ပူးပေါင်းရင်းမြစ်များ

Markuŧ 4:34

Aji ţiini na baka ţi uhoñ ţañ aşale gaag na baţaşarul aji piban baka wa bŧi.

Luk 16:28

dka babuk paapa kañeen ; aya aţup baka uko wi awinuŋ, bawutna kabi kak ţi dko di mnhaj di.”

Luk 24:44

Wi wi aşaaŋ aji na baka : « Wi nhumuŋ na an, ŋţup ŋi, ŋi ŋi nţupanaŋ : Uko wi Ulibra wi Naşibaţi ujakuŋ ţi nji ţi dko di Moyiŧ apiiŧuŋ, na di baţupar Naşibaţi bapiiŧuŋ, na ţi Iyeeh yi pñaamarën Naşibaţi, iko mënţ bŧi iwo yi kadolana. »

Yowan 4:34

Kë Yeŧu aşë ji na baka : « Pde pi naan pawooŋ pdo uko wi anyilnuŋ ajaknuŋ ndo na pbaañëş ulempul.

Ulemp 1:3

Wi akeţuŋ, ţi kadun ki baka di di akaaŋ apën awinana najeb. Ado iko iŧum ţi ŋnuur iñeen na ŋbaakër, adiiman baka kë awo najeb na manjoonan, aji pën kawinana ţi kadun ki baka kabot kaţup baka uko wi Pşih pi Naşibaţi.

Ulemp 18:28

Hënk, aji laţ bayuday bnuura ţi kadun ki bañaaŋ, aji ţëpna ţi Ulibra wi Naşibaţi kadiiman kë Yeŧu awooŋ Kriŧtu.

Ulemp 18:4

Unuur wi pnoorfën bŧi, aji ţëlşër na bañaaŋ du katoh kañehanaani ki bayuday, kado na pdo bayuday na bagrek, bafiyaar Yeŧu.

Ulemp 19:8

Pawulu ado kli kwajanţ ki ajaaŋ aya kaneej du katoh kañehanaani ki bayuday, kaţup na mntëŋ uko wi Pşih pi Naşibaţi. Ado na pyuuj bankŧiinkuluŋ kë manjoonan mi mi akţupuŋ.

Ulemp 23:11

Uŧejan mënţ, kë Ajugun aşë naţ ţi kadun ki Pawulu aji na a : « Mëbaan iliinŧ ! Iţiiniyaan katim ki naan ţi Yeruŧalem ţi aşë wo kak i kado haŋ du Rom. »

Ulemp 24:14

Kë nşë dinan ţi kadunu aji dji kadëman Naşibaţi i başinun, wi njaaŋ kaţaş Bgah bi bukal bajakuŋ aji bawo bwuţaan. Dfiyaar iko bŧi inŧaaŋuŋ na Bgah, na yi baţupar Naşibaţi bapiiŧuŋ,

Ulemp 26:6

Kë hënkuŋ, uko unkaaŋ kë bakwayşaan ţi, uwooŋ kë : Dhaţ uko wi Naşibaţi abiiŋ ahoŋ başinun.

Ulemp 28:31

Aţo da aţup uko wi Pşih pi Naşibaţi, abot ajukan uko wi Yeŧu Ajugun na mntëŋ abot awo najeeh.

Ulemp 8:35

Kë Filip aşë ţëpna ţi umpiiŧuŋ wuŋ, aţupa Uţup Ulil Unuura wi Yeŧu.

Filemoŋ 1:2

Ŋpiiŧ kak Apifiya ñaaţ ayiţ nja na Arkip anjaaŋ agutan na nja, na banfiyaaruŋ Yeŧu Kriŧtu bŧi aji bayitiir du katohu.

Filemoŋ 1:22

Kaan ido kabomanaan meeţ, dfiyaar kë pñehan pi nakñehanuŋ Naşibaţi paţu bakakanaan hënkuŋ ţi iñeen yi nan.