Ulemp 28:11 - Mankanya

¹¹ Wal wi ŋdoluŋ kli kwajanţ, aşë jija ţi ulanŧu uloŋ wi ubeeka wi Alekŧandriya, unţëpanuŋ wal wi ujonţ ţi unjiw unwooŋ katim ki kbet.

Ulemp 28:11 ပူးပေါင်းရင်းမြစ်များ

Yonaŧ 1:16

Kë biinţ balënk maakan ţi uko wi Nawat Kabuka, bado bţeŋan pa a akuţ ahoŋa aji baluŋ kadola pgur woli iko yi bañehanuŋ idolanaa.

Yonaŧ 1:5

Banklempuŋ ţi wa balënki, andoli ţi baka ahuuran añehan ŋnŧoŋ ŋi nul. Bajijëş iko afël du bdëk kawiişanaan ulanŧu. Wal mënţan kë Yonaŧ aşë wo du ulanŧu meeţ, du uţeeh aŋoyënţ aronŧ.

Ulemp 13:6

Kë wi bamuuruŋ unjiw bŧi, adoo ban ubeeka wi Pafoŧ, aşë yit da na ñaaŋ nayaamu i bajaaŋ bado Bar-Yeŧu, awo nayuday aşë ji homp kaji ul awo Naţupar Naşibaţi.

Ulemp 27:6

Wi ŋbanuŋ da, kë naweek i bangoli aşë win ulanŧu uloŋ unwoonuŋ Alekŧandriya, aŧool pya Itali, aşë dolun kë ŋjej wa.

Ulemp 28:10

Bañaaŋ bamaganun maakan, wi ŋkyaaŋ, kë başë pënan iko yi ŋkyaaŋ kanuma bŧi du bgah byaanţaani awulun.

Ulemp 28:12

Ŋya awala du Ŧirakuŧa, ado da ŋnuur ŋwajanţ.

Ulemp 6:9

Kë ţi wal mënţ bañaaŋ baloŋ biki katoh kañehanaani ki bayuday ki bajaaŋ bado ki « Bajuuk ţi Ulemp biki Bawutanuŋ » baneej blaţar na Ŧefan. Ţi bañaaŋ bakaŋ mënţan baloŋ bawo biki Kuren, kë baloŋ bawo biki Alekŧandriya, baloŋ kë bawo biki Ŧiliŧiya kë baloŋ bawo biki Aŧiya.

1 Korinŧ 8:4

Ţi uko wi pde uyemaţ wi mngur keeri, ŋme kë iko yi bañaaŋ bajaaŋ badëman kawo wo ji iwo Naşibaţi iinwo nin uko uloŋ ţi umundu, kë Naşibaţi awoha aloolan.