Ulemp 19:8 - Mankanya

⁸ Pawulu ado kli kwajanţ ki ajaaŋ aya kaneej du katoh kañehanaani ki bayuday, kaţup na mntëŋ uko wi Pşih pi Naşibaţi. Ado na pyuuj bankŧiinkuluŋ kë manjoonan mi mi akţupuŋ.

Ulemp 19:8 ပူးပေါင်းရင်းမြစ်များ

Ulemp 1:3

Wi akeţuŋ, ţi kadun ki baka di di akaaŋ apën awinana najeb. Ado iko iŧum ţi ŋnuur iñeen na ŋbaakër, adiiman baka kë awo najeb na manjoonan, aji pën kawinana ţi kadun ki baka kabot kaţup baka uko wi Pşih pi Naşibaţi.

Ulemp 13:14

Kë bukal başë juţa ţi bgah bi baka. Bamuur Perga aya aban ubeeka wi Antiyoka du uŧaak wi Piŧidi. Ţi unuur wi pnoorfën wi bayuday, kë başë neej du katoh kañehanaani aţo.

Ulemp 13:46

Pawulu na Barnabaŧ kë başë taman maakan ajukan na mntëŋ aji : « An biki bañaaŋ bawooŋ lah kajukan Uţup wi Naşibaţi duna. Kë wi naşaaŋ apok wa, aşal aji naanŧaaŋ na pka ubida wi mnţo, ŋwutan ţuŋ kaya du banwooŋ baanwo bayuday.

Ulemp 14:1

Du ubeeka wi Ikoniyom kak bi Pawulu na Barnabaŧ baya, aneej du katoh kañehanaani ki bayuday aţiiniyaan uţup wi Naşibaţi bnuura, jibi babiiŋ ado ; kë bañaaŋ baŧum, bayuday na banwooŋ baanwo bayuday, bafiyaari.

Ulemp 17:17

Ukaaŋ kë aji ŧeŋ du katoh kañehanaani na bayuday biki kabuka, na bankakuŋ bayuday bandëmanuŋ Naşibaţi, akak aji ŧeŋ bţup na bañaaŋ bankţëpnuŋ du ufeeru ŋnuur bŧi.

Ulemp 18:19

Bawala du ubeeka wi Efeŧ, kë dul di Pawulu aduknuŋ Priŧiliya na Akaliyaŧ, aya du katoh kañehanaani ki bayuday, aţëlşër na baka.

Ulemp 18:26

Ajun pţup na mntëŋ ţi katoh kañehanaani ki bayuday, kë wi bi Priŧiliya na Akila baŧiinkuluŋ, aşë du'a du katoh ki baka, ajukana bgah bi Naşibaţi, ajinţana ba bnuura.

Ulemp 18:4

Unuur wi pnoorfën bŧi, aji ţëlşër na bañaaŋ du katoh kañehanaani ki bayuday, kado na pdo bayuday na bagrek, bafiyaar Yeŧu.

Ulemp 19:10

Ado haŋ, ajukan ŋşubal ŋtëb, ukaaŋ kë bañaaŋ bŧi biki uŧaak wi Aŧiya, bayuday na bagrek, bahil aŧiink uţup wi Ajugun.

Ulemp 19:7

Bañaaŋ mënţan baban iñeen na batëb.

Ulemp 19:9

Kë baloŋ ţi baka başë tam ikow, apok pfiyaar abot abeŋ bgah bi Yeŧu, ţi kadun ki bañaaŋ. Ukaaŋ kë Pawulu awut baka, aşë du banfiyaaruŋ mpaţ, aji ţëlşër na baka ŋnuur bŧi du Ŧkoola di ñiinţ aloŋ i katim ki Tiranuŧ.

Ulemp 20:31

Nakeerin nawo bten ! Nakak naleş uko wi : Ddo ŋşubal ŋwajanţ, aji kaleşanan pnak na uŧejan, kadoo kawooni.

Ulemp 28:23

Hënk, kë bamëban unuur na Pawulu, kë bañaaŋ baŧum ţi baka baluŋ abi du dko di Pawulu awaliiŋ. Aţiini na baka nfa te utaakal uţup wi Pşih pi Naşibaţi. Ado na pdo baka bayikrën uko wi Yeŧu, aţëpna ţi Bgah bi Moyiŧ, na uko wi baţupar Naşibaţi bapiiŧuŋ.

Yud 1:3

An biki nŋaluŋ maakan, dbi ţu uşal maakan ţi ppiiŧan ţi uko wi mbuur mi ŋţokuŋ. Kë nşë win hënkuŋ kë dwo i kapiiŧan katëŋţënan nado kagutan, uko wi Naşibaţi aţenuŋ byaaş bloolan bañaaŋ banwooŋ biki nul bafiyaar uhilna uduka te mnţo.