Ulemp 16:17 - Mankanya

¹⁷ Poonu mënţ awo ţi pţaş Pawulu na un, aşë huuran aji : « Bañaaŋ biki bawo balempar Naşibaţi ampeluŋ bañaaŋ bŧi, badiimanan bgah bankñooţanaŋ du mbuur. »

Ulemp 16:17 ပူးပေါင်းရင်းမြစ်များ

Yonaŧ 1:9

Kë aŧeem aji : « Dwo nahebërë, dji kadëman Yawe Nawat Kabuka, Naşibaţi ampaşuŋ bdëk na mboş. »

Maci 22:16

Wi wi bayiluŋ baţaşar baka baloŋ na baloŋ biki Herod kë baji na a : « Najukan, ŋme kë iwo ñaaŋ i manjoonan, abot aji kjukan bgah bi Naşibaţi na manjoonan. Iinji kţi nin ñaaŋ ţiki iinji kten uko wi ñaaŋ awooŋ.

Maci 8:29

Biinţ mënţ bawo ţi phuuran aji : « Inumi'un we ba, abuk Naşibaţi ? Ibi bi pyewlënun ji unuur wi pwayëş ubi udo kaban i ? »

Markuŧ 1:24

« Ay, iwi Yeŧu i Naŧaret we wi ŋkaaruŋ ba ? Ibi bi pŧokun i ? Dme ñaaŋ i iwooŋ : iwo ñaaŋ nayimanaan i Naşibaţi ayiluŋ. »

Markuŧ 12:14

Babi aji na a : « Najukan, ŋme kë iwo ñaaŋ i manjoonan anwooŋ aanji ţi nin ñaaŋ abot awo iinji kten uko wi ñaaŋ awooŋ. Iji kjukan Bgah bi Naşibaţi jibi bawooŋ na manjoonan. Ţupun, bgah bi nun badinan ŋluk Ŧeŧar naşih najeenkal daaşa i ? Ŋwo kaluka da këme ŋënwo i kaluka da ? »

Markuŧ 5:7

aşë huuran na pdiim pweek aji : « We wi ŋkaaruŋ ba, Yeŧu Abuk Naşibaţi Andëmuŋ Maakan ? Dkooţu kooţ tenan ţi Naşibaţi, khajanaan. »

Luk 1:77

kaţupna pntaali pi nul, kë aluŋ kabuuran baka, wi akbiiŋ kapënan baka ţi ipekadu yi baka.

Luk 1:79

kajeehanaan banwooŋ ţi bdëm na ţi ulimënţ wi pkeţ, kaţijun ţi bgah bi mnjeeh. »

Luk 20:21

Wi wi başaaŋ aji na a : « Najukan, ŋme kë iji kţup kabot kajukan bnuura, abot awo iinji kpaţşër, na manjoonan, bgah bi Naşibaţi bi bi ijaaŋ kjukan.

Luk 4:34

« Ay, iwi Yeŧu i Naŧaret we wi ŋkaaruŋ ba ? Ibi bi pŧokun i ? Dme ñaaŋ i iwooŋ : Iwo ñaaŋ nayimanaan i Naşibaţi ayiluŋ. »

Luk 4:41

Ŋnŧaayi kë ŋakak apën ţi bañaaŋ baŧum, aşë huuran aji : « Iwo Abuk Naşibaţi ! » Kë Yeŧu aşë bëg ŋa, aandinan ŋa ŋaţup, ţiki ŋame kë ul awooŋ Kriŧtu.

Luk 8:28

Wi awinuŋ Yeŧu aşë fuŧ idiim ajot ţi ihoţ yi nul ahuuran maakan aji : « Inumiyaan we ba Yeŧu, Abuk Naşibaţi Andëmuŋ Maakan ? Dkooţu kooţ, khajanaan ! »

Yowan 14:6

Kë Yeŧu aŧeema aji : « Nji, dwooŋ bgah, manjoonan na ubida. Nin ñaaŋ aankya du Naşibaţi Paapa bë aanţëpna ţi nji.

Ulemp 18:26

Ajun pţup na mntëŋ ţi katoh kañehanaani ki bayuday, kë wi bi Priŧiliya na Akila baŧiinkuluŋ, aşë du'a du katoh ki baka, ajukana bgah bi Naşibaţi, ajinţana ba bnuura.

Ulemp 19:13

Bayuday baloŋ baji bañaay na dko, kapënan bamaakal ŋnŧaayi, aşë do na pdo uko mënţ ţi katim ki Yeŧu Ajugun. Baji baji : « Ţi katim ki Yeŧu, i Pawulu akţupuŋ dji napën ! Napënan ! »

1 Piyeer 2:16

Nawoon bañaaŋ bajeeh ţi mnwo mi nan, mënţ bjeehi mënţ bakkaaŋ nado kado iko iwuţaan ; bawo kaţëp ţëp kadolan nado kalempar Naşibaţi.

2 Piyeer 2:2

Baŧum baluŋ kaţaş baka ţi iko iţop yi bajaaŋ bado, baluŋ kado bakar bgah bi manjoonan.