Ulemp 13:38 - Mankanya

³⁸ An bayiţ naan ŋbi bi pţupan name kë Yeŧu akaaŋ kë ipekadu ihil kapën. Ţi katim ki Yeŧu ki ki baţupanaŋ pbuur ţi ipekadu ;

Ulemp 13:38 ပူးပေါင်းရင်းမြစ်များ

Kañaam 32:1

Kayeeh ki pñaamarën Naşibaţi ki Dayiţ Ñaaŋ i Yawe Nawat Kabuka amiiruŋ pjuban anuurandëni ; ñaaŋ i Nawat Kabuka apënanuŋ ipekadu anuurandëni.

Maci 1:21

Aluŋ kabuk napoţ ñiinţ, i ikţuuŋ katim ki Yeŧu, ţiki ul akluŋ kabuuran pntaali pi nul ţi ipekadu yi pa. »

Luk 24:47

Bañaaŋ bawo kaţup ţi katim ki nul ţi bañaaŋ biki ŋŧaak bŧi, kajunna ţi Yeruŧalem, kaji na baka bawut pjuban, baţëlëş ŋbida, Naşibaţi ahilna amiir baka ipekadu.

Yowan 1:29

Wi unuur ujinţuŋ, Yowan awin Yeŧu kë akbi, kë aşë ji : « Anwooŋ unkaneel wi bţeŋan wi Naşibaţi unkmpënanuŋ pekadu di umundu awi.

Ulemp 10:43

Ul kak Yeŧu i i baţupar Naşibaţi bŧi bakţiiniyaanuŋ wi bajakuŋ : Ñaaŋ anfiyaaruluŋ, ţi mnhina mi Yeŧu mënţ ipekadu yi nul iji ipën bŧi. »

Ulemp 2:14

Kë Ŧimoŋ Piyeer aşë naţa na banjañan iñeen na aloŋ bukuŋ aşë huuran aŧeem baka aji : « An bayuday na an bŧi nanfëţuŋ ţi Yeruŧalem, an bŧi nawatan ibaţ naŧiink nabot nate uko wi nji kaţupanaŋ.

Ulemp 2:38

Ŧimoŋ Piyeer aŧeem baka aji « Nawutan pjuban, naţëlëş ŋbida, andoli ţi an aji yeenk batiŧmu ţi katim ki Yeŧu Kriŧtu, Naşibaţi ahilna amiiran ipekadu. Naşibaţi aluŋ kawulan Uhaaş wi nul.

Ulemp 28:28

Kë Pawulu aşë baañëş bţup aji na baka « Nawo i kame keeri, kë Naşibaţi, banwooŋ baanwo bayuday biki awuluŋ Uţup wi mbuur. Bukal baluŋ kaŧiink wa ! » [

Ulemp 4:10

Nawoon bame, an bŧi, na bañaaŋ bŧi biki Iŧrayel bandukiiŋ kë ţi katim ki Yeŧu i Naŧaret ki ki ñiinţ annaţuŋ uŋ ajebnuŋ. Yeŧu i napaŋuŋ, kë Naşibaţi aşë naţana ţi pkeţ, ul akaaŋ kë ñiinţ i akak najeb ahil anaţ ţi kadunan.

Ulemp 5:31

Ul i i Naşibaţi adëmanuŋ ţi kadeenu ki nul, awoona Naşih akuţ awo Nabuuran Bañaaŋ, bayuday bahilna baţëlëş ŋbida, ipekadu ibot ipën ţi baka.

Efeŧ 1:7

Kriŧtu atul tul pñaak pi nul ukaaŋ kë ŋbuuri, kë ipekadu yi nja ibot apën. Hënk, Naşibaţi ayuuj pdëm pi bnuura bi nul.

Efeŧ 4:32

Nawoon keeri na iţëb inuura nabot nado kañaga baŧënţan. Nadoon kamiirad jibi Naşibaţi aţëpnuŋ ţi Kriŧtu amiiran.

Koloŧ 1:14

Ţi ul di di ŋbuurnuŋ, kë Naşibati abot amiir nja ipekadu.

Bahebërë 8:6

Kriŧtu ul, Naşibaţi aţu'a ulemp undëmuŋ apel wi başih biki baţeŋan bandukiiŋ, Naşibaţi aţëpna ţi a ado bhoŋar bannuurnaaniiŋ, wi ahoŋuŋ iko innuurnaaniiŋ.

Bahebërë 9:22

Ţi bgah, pñaak pajaaŋ pajinţan iko bŧi ; woli paantuli, ipekadu iinji ipën.

1 Yowan 2:12

An babuk naan, dţupan uko wi : Yeŧu Kriŧtu ado kë Naşibaţi amiiran ipekadu