Ulemp 11:27 - Mankanya

²⁷ Ţi ŋnuur mënţan ŋuŋ, kë baţupar Naşibaţi baloŋ bawoona Yeruŧalem aya Antiyoka.

Ulemp 11:27 ပူးပေါင်းရင်းမြစ်များ

Maci 23:34

Waŋ ukaaŋ kë nji kayil baţupar Naşibaţi, bañaaŋ banwooŋ na uşal unŧuŋa, na bajukan : naluŋ kafiŋ baloŋ, kapaŋ ţi kruŧ, naluŋ kafud baloŋ itinŧël du itoh iñehanaani yi nan, kabot kadookar na baka na ŋbeeka.

Luk 11:49

Ukaaŋ kë uşal unŧuŋa wi Naşibaţi uţup aji : “Dluŋ kayil baţupar naan na banjañan du baka ; baluŋ kafiŋ baloŋ ţi baka, kahajan baloŋ.”

Ulemp 11:20

Kë banfiyaaruŋ baloŋ banwoonuŋ Kipruŧ na Kuren başë ya Antiyoka aţup banwooŋ baanwo bayuday kak Uţup Ulil Unuura.

Ulemp 11:22

Wal wi biki pnŧuk pi banfiyaaruŋ pi Yeruŧalem baŧiinkuŋ iko yaŋ, kë başë do Barnabaŧ kë aya Antiyoka.

Ulemp 13:1

Du Antiyoka, uka ţfa ţi pnŧuk pi banfiyaaruŋ, baţupar Naşibaţi na bajukan Bgah : Barnabaŧ, Ŧimeyoŋ andu'aniiŋ najënal, Luŧiyuŧ i Kuren, Manayeen nanoh i kpoţ i Herod Naşih i Galilay, na Ŧawul.

Ulemp 14:26

Dul di di bajejnuŋ ulanŧu pkak Antiyoka di Ŧiri, dko di babiiŋ awutanaan baka ţi iñen yi Naşibaţi, aji baya pdo ulemp wi badoluŋ nţa hënk.

Ulemp 15:22

Ukaaŋ kë banjañan, na baweek na banfiyaaruŋ bŧi, başë wat ţi ploolan, adat baloŋ ţi baka, kë bagakandër na Pawulu na Barnabaŧ, aya kayili du Antiyoka. Badat Yudaŧ, andu'aniiŋ Barŧabaaŧ, na Ŧilaŧ, biinţ banŧiinkaniiŋ ţi banfiyaaruŋ.

Ulemp 15:30

Bado Yudaŧ na Ŧilaŧ, kë baya Antiyoka, kë baya yitrën banfiyaaruŋ, aşë wul baka uko umpiiŧuŋ.

Ulemp 15:32

Yuda na Ŧilaŧ, bankaaŋ awo baţupar Naşibaţi baţiini na banfiyaaruŋ ajon, ahoţan baka mntëŋ maakan.

Ulemp 18:22

Aya awala du Kayŧaraya, aya Yeruŧalem, awul pnŧuk pi banfiyaaruŋ mboş abaa ya Antiyoka.

Ulemp 2:17

Naşibaţi aji : “Ţi ŋnuur ŋbaañşaani, dbi kawalan Uhaaş wi naan ţi bañaaŋ bŧi. Babukan biinţ na baaţ baluŋ kawo baţupar biki naan, bapoţ na bantohi biki nan baluŋ kado kaţaafi iko inkwoonuŋ du nji, kawin iko inwooŋ yi pbi.

Ulemp 21:4

Du Tir ŋya ţënk banfiyaaruŋ Yeŧu, aţo na baka kanëm kapëb. Uhaaş wi Naşibaţi uwuuk baka, kë başë ji na Pawulu : « Kya Yeruŧalem. »

Ulemp 21:9

Awo na beegani babaakër, banwooŋ baaniimaa, banjaki baţupar Naşibaţi.

Ulemp 6:5

Banfiyaaruŋ bŧi badinan uko wi banjañan bajakuŋ : Kë badat Ŧefan anfiyaari Ajugun maakan akuţ aŧum na Uhaaş wi Naşibaţi, na Filip, na Prokoor, na Nikanoor, na Timoŋ, na Parmenaŧ, na Nikola (ankakuŋ nayuday, awo i ubeeka wi Antiyoka)

1 Korinŧ 12:10

Uhaaş mënţ uloolan ukaaŋ aji uwul aloŋ mnhina mi pdo mlagre, kawul aloŋ mi pdo kaţupar Naşibaţi, kabi wul aloŋ mnhina mi ppaţëş uko unwoonuŋ du wa na unwooŋ uunwoona da, kawul aloŋ mnhina mi pţup ŋţup ŋi baţi, kawul aloŋ kak mnhina mi pŧolanaar ŋa.

1 Korinŧ 12:28

Kë Naşibaţi aşë duna ţu ţi kadun ki banfiyaaruŋ Kriŧtu banjañan, kë batëbanţën bawo baţuparul, kë bawajanţën bawo bajukan aşë ţu na bankaaŋ mnhina mi pdo mlagre, aţu na bankaaŋ mi pjeban bamaakal, mi pţënk bañaaŋ, mi pşih na mi pţup ŋţup ŋi baţi.

1 Korinŧ 14:32

Banjaaŋ baţupar Naşibaţi baji bahil pmëban ŋleef ŋi baka.

Galaŧiya 2:11

Kë wal wi Piyeer abiiŋ Antiyoka, dlaţa ţi kadun ki bañaaŋ bŧi, ţiki aanfaŋi.

Efeŧ 4:11

Kë iko yi aţenuŋ bañaaŋ iwo : baloŋ bawo banjañan, baloŋ bawo baţupar Naşibaţi baloŋ bawo bañaaŋ bankdooŋ kaţup Uţup Ulil Unuura, baloŋ bawo bayafan biki pnŧuk pi banfiyaaruŋ na bajukan bgah bi Kriŧtu.