Ulemp 10:43 - Mankanya

⁴³ Ul kak Yeŧu i i baţupar Naşibaţi bŧi bakţiiniyaanuŋ wi bajakuŋ : Ñaaŋ anfiyaaruluŋ, ţi mnhina mi Yeŧu mënţ ipekadu yi nul iji ipën bŧi. »

Ulemp 10:43 ပူးပေါင်းရင်းမြစ်များ

Markuŧ 16:16

Ankfiyaaruŋ kabot kayeenk batiŧmu abuur, kë anwooŋ aankdi pfiyaarën aduknaana.

Luk 24:47

Bañaaŋ bawo kaţup ţi katim ki nul ţi bañaaŋ biki ŋŧaak bŧi, kajunna ţi Yeruŧalem, kaji na baka bawut pjuban, baţëlëş ŋbida, Naşibaţi ahilna amiir baka ipekadu.

Yowan 1:45

Kë Filip aya awin Natanayel aji na a : « Ŋwin ñaaŋ i Moyiŧ aţiiniyaanuŋ ţi Ulibra wi Bgah, i baţupar Naşibaţi bandukiiŋ bakaaŋ aţiiniyaan ! Yeŧu i Naŧaret a, abuk Yoŧef. »

Yowan 20:31

Iko impiiŧaniiŋ ţi, ipiiŧana piiŧana, nahilna nafiyaar kë Yeŧu awooŋ Kriŧtu, Abuk Naşibaţi, nakuţ nahilna naka ubida ţi a woli nafiyaari.

Yowan 5:24

Na manjoonan dţupan, ñaaŋ ankŧiinkuŋ ŋţup ŋi naan abot afiyaar Naşibaţi anyilnuŋ, aka ubida wi mnţo. Ñaaŋ mënţ aankduknaana, apënna du pkeţ abi ţi ubida.

Ulemp 15:9

Aampaţëşun nin na baka, apënan baka ipekadu, ţiki bafiyaari.

Ulemp 2:38

Ŧimoŋ Piyeer aŧeem baka aji « Nawutan pjuban, naţëlëş ŋbida, andoli ţi an aji yeenk batiŧmu ţi katim ki Yeŧu Kriŧtu, Naşibaţi ahilna amiiran ipekadu. Naşibaţi aluŋ kawulan Uhaaş wi nul.

Ulemp 26:18

Iwoyi kahaabëş baka këş, kapënan baka ţi bdëm, kaţij moŋ bjeehi, kapënan baka ţi mnhina mi uweek wi ŋnŧaayi, kaţij du Naşibaţi. Hënk bahilna woli bafiyaarën, bapënan baka ipekadu bahil kawo ţi biki Naşibaţi adatuŋ aji bawo pntaali pi nul.”

Ulemp 26:22

Kë Naşibaţi aşë wo na nji te unuur wi nţa wi, kë ndoo naţ ţi kadun ki bañaaŋ bŧi, bampoţi na baweek aţup uko wi mmaaruŋ. Uko wi nji kaţupuŋ uunwo wo uloŋ umpaţi na wi baţupar Naşibaţi na Moyiŧ bajakuŋ ţfa aji ubi kadolana,

Ulemp 3:16

Pfiyaar ţi katim ki Yeŧu pakaaŋ kë ñiinţ naţakmaan, i nakwinuŋ abot ame'a i ajebi. Ënhën, pfiyaar ţi Yeŧu pajebanuluŋ bnuura hënk jibi nakwinuŋ an bŧi.

Ulemp 3:18

Naşibaţi ul, adobi ţupa ţup undiimaan ţi mntum mi baţuparul bŧi aji Kriŧtu aluŋ kahaj kakeţ, kë waŋ wi adolaŋ.

Baromeŋ 10:11

Hënk di di Ulibra wi Naşibaţi ujakuŋ : « Bañaaŋ bŧi banfiyaaruluŋ baankkowa. »

Baromeŋ 3:21

Kë hënkuŋ Naşibaţi aşë diiman nja jibi akdoluŋ nja ŋwo baŧool ţi kadun ki nul, bë aankţëpna ţi bgah bi Moyiŧ ; ahoŋ nja uko waŋ undiimaan ţi ŋlibra ŋi bgah na ŋi baţuparul.

Baromeŋ 5:1

Kë hënk keeri, wi pfiyaar pi nja padoluŋ kë ŋwo baŧool ţi kadun ki Naşibaţi, ŋţëpna ţi Ajugun Yeŧu Kriŧtu awo ţi mnjeeh na Naşibaţi.

Baromeŋ 6:23

Aa, pjuban paji paţij pkeţ, kë uko wi Naşibaţi aşaaŋ aji ţen uşë wo ubida wi mnţo ţi Yeŧu Kriŧtu Ajugun.

Baromeŋ 8:1

Woli iwo ţi ploolan na Yeŧu Kriŧtu, Naşibaţi aankluŋ kaji keeri kë iduknaanaa.

Baromeŋ 8:34

in ahiluŋ keeri kaji baduknaanaa ? Nin aloŋ ! Kriŧtu akeţ kë Naşibaţi anaţana ţi pkeţ, kë awo hënkuŋ ţi kañen kadeenu ki Naşibaţi aţupar nja.

Galaŧiya 3:22

Kë Ulibra wi Naşibaţi uşë ji kë bañaaŋ na iko bŧi bawo ţi pekadu. Hënk, banfiyaaruŋ ţi Yeŧu Kriŧtu baţëpna ţi pfiyaar kayeenk uko wi Naşibaţi ahoŋuŋ.

Efeŧ 1:7

Kriŧtu atul tul pñaak pi nul ukaaŋ kë ŋbuuri, kë ipekadu yi nja ibot apën. Hënk, Naşibaţi ayuuj pdëm pi bnuura bi nul.

Koloŧ 1:14

Ţi ul di di ŋbuurnuŋ, kë Naşibati abot amiir nja ipekadu.

Bahebërë 13:20

Dñehan Naşibaţi anjaaŋ ajoobënţën ŋhaaş, annaţanuŋ ţi pkeţ Ajugun Yeŧu nayafan naweek, wi aţeŋanaanuŋ bhoŋar bi mnţo na pñaakul pantuliiŋ,

1 Piyeer 1:11

Uhaaş wi Kriŧtu ubi wo ţi baka, udobi ţupa ţup mnhaj mi Kriŧtu akhajuŋ na mndëm mankmbiiŋ kawo mi nul aşë taman kame wal na hum di uko mënţ ukdolaniiŋ.

Uko wi ayuujuŋ Yowan 19:10

Wal mënţ kë nşë jot ţi ihoţ yi wa kadëman wa. Kë uşë ji na nji : « Ţaafaraan kado uko wi ! Dji kalempar Naşibaţi ji iwi na bayiţu bammëbanuŋ uţup wi Yeŧu. Naşibaţi i i iwooŋ kadëman ! Uţup wi Yeŧu wi wi Naşibaţi aţuuŋ ţi baţuparul. »