Uko wi ayuujuŋ Yowan 9:21 - Mankanya

²¹ Baankak adug umeli aţañan pfiŋ bañaaŋ, pkaalam, pjuban pi piinţ na kakiij.

Uko wi ayuujuŋ Yowan 9:21 ပူးပေါင်းရင်းမြစ်များ

Maci 15:19

Du uhaaş meeţ di di iko iŧënţ yi ijaaŋ iwoona : ŋşal ŋwuţaan, bfiŋar, ppiinţ na ahar ñaaŋ këme ayin ñaaŋ, pjuban pi piinţ, kakiij, ŋţilan na pţup buţaan ţi bañaaŋ, bkuutar.

2 Korinŧ 12:21

Dţi woli dluŋ abi du an, Naşibaţi i naan adolën kakowari'an, nţëga ţi uko wi baŧum bahumuŋ ţi pekadu ji ţfa awo baampën ţi iko iţop, ţi pjuban pi piinţ na iko iloŋ iwuţaan.

Galaŧiya 5:20

pdëman ŋnŧoŋ na pkaalam. Bşoorad, pŋom, bkujar, udeeb uweek, bpulad, ppaţşër, pdo bañaaŋ bandoli baţo du umbaŋ wi baka.

Uko wi ayuujuŋ Yowan 13:13

Udo iko iñoŋarënaan maakan adoo ji upënan du baţi bdoo, kado ba bawala ţi mboş ţi kadun ki bañaaŋ.

Uko wi ayuujuŋ Yowan 13:15

Uyeenk mnhina mi pwul ptu uhefënţ kë padoo hil bţup abot ado kë bafiŋ bañaaŋ bŧi bampokuŋ pŋup kadëman pa.

Uko wi ayuujuŋ Yowan 13:7

Naşibaţi awut wa kë ugut na banwooŋ biki nul adoo kob baka. Uyeenk pşih aşih kşini bŧi, kntaali bŧi, bañaaŋ biki ŋţup bŧi na ŋŧaak bŧi.

Uko wi ayuujuŋ Yowan 14:8

Uwanjuŧ utëbanţën upën ţi kafeţ ki uŧeek aşë ji : « Babilon, ubeeka uweek ujoti, ujoti ; wul undaananuŋ poot pi wa ŋŧaak bŧi, kë pdaan poot puŋ pawooŋ pţopan uleef na pekadu di piinţ ji wa. »

Uko wi ayuujuŋ Yowan 16:6

Jibi bukal batuluŋ pñaak pi baţuparu na bandukiiŋ banwooŋ biki nu, hënk di ikaaŋ awul baka pñaak badaan : uko mënţ uliŋ baka. »

Uko wi ayuujuŋ Yowan 17:2

Başih biki ŋŧaak ŋi mboş bawinar na a, kë bañaaŋ banfëţuŋ mboş bakuj poot pi nul panwooŋ ubida uţop. »

Uko wi ayuujuŋ Yowan 17:4

Ñaaţ awohara imişa inuura maakan ijeenkal. Aţu iko iŧum itam preeş yi uwuuru, iwij wijaan na mnko mnuura maakan. Amëban ţi kañen pnkalame pi uwuuru panŧumuŋ na buţaan bi bţopar bi pţuunk pi nul.

Uko wi ayuujuŋ Yowan 17:5

Bapiiŧ ţi pjuk pi nul katim kaloŋ, kë uko wi kawooŋ uşë wo uumeeţanaa. Uko umpiiŧaniiŋ wii wi : « Babilon ubeeka uweek, anin pţuunk na pţop na buţaan bi umundu. »

Uko wi ayuujuŋ Yowan 18:3

Ŋŧaak ŋi mboş bŧi ŋadaan poot pi da, kë pdaan poot puŋ paşë wo pţopan uleef na pekadu di piinţ. Başih biki mboş bŧi bawinar na da, kë bawaap biki mboş bayokna ţi pŋal iko yi umundu pi bañaaŋ biki da. »

Uko wi ayuujuŋ Yowan 19:2

pwayëş pi nul pawo manjoonan abot awo pŧool. Akob naţuunk naweek ambiiŋ aţopan mboş na pţuunk pi nul, alukan ţi a pñaak pi balempar Naşibaţi. »

Uko wi ayuujuŋ Yowan 21:8

Kë balal, bandeknuŋ kafeţ, bado iko iwuţaan maakan, bafiŋ bañaaŋ, bado iko iţop, bado dayaamu, banjaaŋ badëman ŋnŧoŋ na baţilan bŧi, kafah ki baka kawo baya du katant ki bdoo banwooŋ na pdëpalën panjaaŋ patërad ; uko mënţ uwooŋ pkeţ ptëbanţën. »

Uko wi ayuujuŋ Yowan 22:15

An ŋbuş : bakaalam, bañaaŋ banwooŋ ţi ubida uţop, bafiŋ bañaaŋ, badëman ŋnŧoŋ, na bañaaŋ bŧi baŋŋaluŋ ŋţilan abot aji baţilan, napënan bdig.

Uko wi ayuujuŋ Yowan 9:20

Kë bandukiiŋ ţi bañaaŋ, banwooŋ baankeţ ţi kaţaafa kanţëpuŋ kuŋ, baandug umeli aţañan pdo buţaan di bajaaŋ babi kado, awo ţi pdëman ŋnŧaayi na ŋnŧoŋ ŋi baţakuŋ na uwuuru na ŋi baţakuŋ na unŧaam na ŋi ifeeru na ŋi mlaak na ŋi imul, ŋul ŋanwooŋ ŋaanhil pwin, pŧiink këme kapoş.