Uko wi ayuujuŋ Yowan 7:17 - Mankanya

¹⁷ Anwooŋ unkaneel, anwooŋ ţi pŧoof pi pţij pi pşih akluŋ kawo nayafan i baka kaşë kañooţ baka du ŋkumpëş ŋi meel manjaaŋ manwul ubida. Naşibaţi aluŋ kawent mnkuul bŧi manwooŋ ţi këş ki baka. »

Uko wi ayuujuŋ Yowan 7:17 ပူးပေါင်းရင်းမြစ်များ

Kañaam 22:26

Iwi, Nawat Kabuka, ikaaŋ kë nji kaluŋ kadëmanu du dko dyiti di bañaaŋ baŧum ; dluŋ kado uko wi nhoŋuŋ ţi kadun ki bañaaŋ banjaaŋ baŧiinku.

Kañaam 23:5

Idolën ufeŧtu du katohu kë başoorad naan banaţ aten, iyeenkën du katohu aţu'ën ukëra ulil pţëkëñ ţi bkow, pnkalame pi naan paŧum adoo tula.

Kañaam 28:9

Iwi Nawat Kabuka, buuraan pntaali pi nu ; wulan biki nu bnuura bi nu ! Woon nayafan i baka, doon kayafan baka te mnţo !

Maci 2:6

“Iwi Betleyem, mboş mi uŧaak wi Yuda mënţ iwooŋ ufëţ umpoţëţaanuŋ ţi Yuda ; ţi iwi di naşih akpënnuŋ ul akwooŋ nayafan i Iŧrayel, pntaali pi naan.” »

Maci 5:4

Bañaaŋ banwooŋ ţi ŋwooni banuurandëni ţiki Naşibaţi aluŋ kayompan baka !

Yowan 10:11

« Nji dwo nayafan nanuura, anjaaŋ awul ubida wi nul pa ŋkaneel ŋi ŧul.

Yowan 10:14

Nji dwo nayafan nanuura, ame ŋkaneel ŋi naan, kë ŋabot ame'ën

Yowan 4:10

Kë aŧeema aji : « Woli ime lah uko wi Naşibaţi ajaaŋ aţen abot ame ñaaŋ anjakiiŋ iţena adaan, iwi ţi uleefu ikñehanuluŋ aşë ţenu meel manjaaŋ manwul bañaaŋ ubida. »

Yowan 4:11

Kë aşë ji na a : « Naweek, iinwo na nin ukoolan uliikni kë pliik pabaa diil maakan. Ţuŋ di di ibaaŋ aliikna meel manjaaŋ manwul bañaaŋ ubida ba ?

Yowan 4:14

kë ñaaŋ anşaaŋ adaan meel mi nji kaluŋ kawula nin udaan uunkak aţija, meel mi nji kawululuŋ mankak ukumpëş unkwuluŋ ubida wi mnţo. »

Ulemp 20:28

Nalipariin ŋleefan, na batani bŧi bi Uhaaş wi Naşibaţi uwulanaŋ, aji nado kayeŋ. Namëbaan banfiyaaruŋ Naşibaţi biki bnuura. Yeŧu atul pñaakul, pbuuranaan pnŧuk pi nul.

1 Piyeer 5:2

naţoŋan bnuura batani bi Naşibaţi ahankananaŋ ; nawutan kaşal kë baţu'an ţu utamu, nadoon kaţoŋ ba na uhaaş ujinţ, jibi Naşibaţi aŋaluŋ. Nawutan kado uko mënţ kalaana pyok pwuţaan, nadoon wa ţiki naŋal ŋal na uhaaşan bŧi pdo bnuura.

Uko wi ayuujuŋ Yowan 14:4

Baanţopan ŋleef ŋi baka na baaţ, baambaaŋ kabanaara ñaaţ. Baji baţaş anwooŋ unkaneel dko bŧi di akyaaŋ. Babuuran baka ţi bañaaŋ bahilna bawo baŧeek biki Naşibaţi na biki anwooŋ unkaneel.

Uko wi ayuujuŋ Yowan 21:22

Mënwin nin dko dyimanaan di Naşibaţi : Ajugun Naşibaţi Anhiniiŋ iko bŧi, na anwooŋ unkaneel bawooŋ dko dyimanaan.

Uko wi ayuujuŋ Yowan 21:23

Ubeeka uunuma bnuur këme pli kajeehanaan wa, ţiki bjeehi bi Naşibaţi bajeehan wa, kë anwooŋ unkaneel awo unkaniya.

Uko wi ayuujuŋ Yowan 21:4

Awent mnkuul mi baka bŧi ; pkeţ, mnţëg, ŋwooni, na mnhaj maankak awo, iko ijon iinkak awo. »

Uko wi ayuujuŋ Yowan 21:6

Akak ajakën : « Udolanaa, nji dwooŋ Naŧeek na Nabaañşaani, dwooŋ Ujuni na Ubaañşaan. Ñaaŋ i udaan uţijuŋ, dţena adaan du ŋkumpëş ŋi meel manjaaŋ manwul ubida, nin aankluk uko uloŋ.

Uko wi ayuujuŋ Yowan 22:1

Wal mënţ uwanjuŧ uyuujën kabuul ki meel manjaaŋ manwul ubida, manjinţ piş ji kawini ; meel mi ka mampënna ţi pţij pi pşih pi Naşibaţi na pi anwooŋ unkaneel wi bţeŋan.

Uko wi ayuujuŋ Yowan 4:11

« Ajugun, Naşibaţi i nun bañaaŋ bawo biki kadëmanu kabot kabeebu mnhina bŧi manwoona du iwi, ţiki iwi ipaşuŋ iko bŧi, iŋaluŋ ppaş ya, kë iwo yii yi. »

Uko wi ayuujuŋ Yowan 5:6

Wal mënţ kë nşë win ţi pŧoof pi pţij pi pşih na pi ŋko ŋbaakër na pi bantohi, anwooŋ unkaneel wi bafaaluŋ. Awo na itiim paaj na ploŋ ţi bkow akuţ awo na këş paaj na ploŋ. Këş mënţ kawooŋ ŋhaaş paaj na uloŋ ŋi Naşibaţi, ŋi ayiluŋ ţi umundu bŧi.