Uko wi ayuujuŋ Yowan 4:8 - Mankanya

⁸ Ŋko ŋbaakër ŋuŋ ŋawo undoli na ibaaklu paaj inwooŋ na këş ţi ya meeţ na ţi ibaŋ. Ŋaji ŋabi kahuuran huuran unuur bŧi na uŧejan bŧi kaji : « Iyimani, iyimani, iyimani, iwi Naşibaţi Anhiniiŋ iko bŧi, anjonuŋ nwoo, anwooŋ, ankmbiiŋ. »

Uko wi ayuujuŋ Yowan 4:8 ပူးပေါင်းရင်းမြစ်များ

Ujuni 17:1

Wi Abram akaaŋ ŋşubal iñeen kañeen kaloŋ na kañeen kaloŋ (99), kë Yawe Nawat Kabuka aşë pën awinana ţi kadunul aji na a : « Nji dwooŋ El Şaday, Naşibaţi Anhiniiŋ iko bŧi ; doon kaţaşën ibot ido kaŧiinkën.

Ppën 15:11

Nawat Kabuka, in awooŋ ji iwi ţi ŋnŧoŋ ? In ayimanuŋ pyiman pweek pi iyimanuŋ ? In ajaaŋ ado iko iñoŋarënaan maakan iŧënţ yi nu ? Iwi injaaŋ kdo iko inuura maakan.

Ppën 3:14

Kë Naşibaţi aŧeem aji : « NJI DWOOŊ ANWOOŊ. Uko wi ikŧeemuŋ bañaaŋ biki Iŧrayel wii wi, jakan na baka : “ANWOOŊ ayilnuŋ ţi an.” »

Ulemp 20:31

Nakeerin nawo bten ! Nakak naleş uko wi : Ddo ŋşubal ŋwajanţ, aji kaleşanan pnak na uŧejan, kadoo kawooni.

2 Korinŧ 6:18

Ajugun Anhiniiŋ iko bŧi akak aţiini aji : « Dwo ji aşinan, an naşë nawo ji babuk naan, biinţ na baaţ. »

1 Teŧalonika 2:9

An bayiţun, ŋfiyaar kë naleş bnuura ulemp na unoor wi nun : ŋlemp nfa na utaakal kawutna kawo pkuŋ pa nin ñaaŋ aloŋ wi ŋkţupanaŋ Uţup Ulil Unuura wi Naşibaţi.

1 Timote 4:16

Tamaan ido kalipara ţi mnwo mi nu na ţi pjukan pi nu, mëbaan iliinŧ ; idole haŋ kbuuran uleefu na bañaaŋ bankŧiinkiiŋ.

2 Timote 4:2

ţupan bañaaŋ uţup wi Naşibaţi, baŋale pte wa këme woli baanŋali ktamanaara taman. Ţiiniin na bandoluŋ buţaan ibot iŋoman na banjubanuŋ, tëŋţënan bañaaŋ ţi pdo bnuura, doon uko mënţ na kamiir kaweek pa pjukan baka.

Bahebërë 13:8

Yeŧu Kriŧtu awo nţa jibi awooŋ takal, akuţ awoha haŋ te mnţo.

Uko wi ayuujuŋ Yowan 1:4

Nji Yowan nji kapiiŧuŋ banfiyaaruŋ banwooŋ ţi ŋbeeka paaj na uloŋ ŋi Aŧiya. Dñehan Naşibaţi awulan bnuura abot aţooranan ŋhaaş, ul anwooŋ, anjonuŋ nwoo, ankmbiiŋ. Dñehan kak ŋhaaş paaj na uloŋ ŋanwooŋ ţi kadun ki pţij pi pşih pi nul ŋawulan bnuura ŋabot ŋaţooranan ŋhaaş.

Uko wi ayuujuŋ Yowan 1:8

Ajugun Naşibaţi Anhiniiŋ iko bŧi anwooŋ, anjonuŋ nwoo, ankmbiiŋ aji : « Nji dwooŋ naŧeek abot awo nabaañşaani. »

Uko wi ayuujuŋ Yowan 11:17

baji baji : « Ŋbeebu, iwi Ajugun Naşibaţi Anhiniiŋ iko bŧi, inwooŋ, abot ajon nwoo, ijej mnhina mnweek mi nu abëkanaan pşih pi nu.

Uko wi ayuujuŋ Yowan 14:11

Udu wi mnhaj mi baka udo kapëna pën te mnţo. Bukal bandëmanuŋ ulimariya na ptu pi wa, bampiiŧaniiŋ katim ki wa, baankka pnoorfën na pnak këme na uŧejan.

Uko wi ayuujuŋ Yowan 14:3

Bayeeh kayeeh kahalu ţi kadun ki pţij pi pşih na ki ŋko ŋbaakër na ki bantohi. Nin ñaaŋ aloŋ aanhil pjuk kayeeh mënţ bë mënţ bañaaŋ iñeen-week na iñeen ŋbaakër na babaakër ŋyaaş iñeen-week iñeen (144 000), bambuuruŋ ţi mboş.

Uko wi ayuujuŋ Yowan 15:3

aşë yeeh kayeeh ki bi Moyiŧ nalempar Naşibaţi na anwooŋ unkaneel wi bţeŋan, aji : « Iwi Ajugun Naşibaţi Anhiniiŋ iko bŧi ; udo wi nu udëmi abot awo uñoŋarënaan, iwi naşih i ŋŧaak. Bgah bi nu bawo bŧool abot awo bi manjoonan

Uko wi ayuujuŋ Yowan 15:7

Uloŋ ţi ŋko ŋbaakër uwul ŋwanjuŧ paaj na uloŋ ŋuŋ knkalame paaj na ploŋ ki uwuuru kanŧumi udeeb wi Naşibaţi, ankwooŋ te mnţo.

Uko wi ayuujuŋ Yowan 16:14

Na manjoonan ŋawo ŋnŧaayi ; ŋaji ŋado iko iñoŋarënaan, ŋaya du başih biki mboş bŧi kahilna kayitrën baka pa ugut wi unuur uweek wi Naşibaţi Anhiniiŋ iko bŧi.

Uko wi ayuujuŋ Yowan 16:7

Kë nşë ŧiink bliit bi mngur kë baji : « Aa, iwi Ajugun Naşibaţi Anhiniiŋ iko bŧi pwayëş pi nu bŧi pawo manjoonan abot awo pŧool. »

Uko wi ayuujuŋ Yowan 19:15

Kakej kajul kapën ţi mntumul ki akkobni ŋŧaak. Ul akluŋ kaşih baka na btam. Aluŋ kayuuj udeeb unkfatuŋ wi Naşibaţi Anhiniiŋ iko bŧi wi akluŋ kaţu bañaaŋ ţi kako kaweek ki bajaaŋ bapooñna mbuk mndolni ubiñu, kapooñ baka.

Uko wi ayuujuŋ Yowan 19:4

Kë bantohi iñeen ŋtëb na babaakër na ŋko ŋbaakër başë ŋup adëman Naşibaţi anţooŋ ţi pţij pi pşih. Bahuuran aji : « Uwo haŋ, Aleluya ! »

Uko wi ayuujuŋ Yowan 21:22

Mënwin nin dko dyimanaan di Naşibaţi : Ajugun Naşibaţi Anhiniiŋ iko bŧi, na anwooŋ unkaneel bawooŋ dko dyimanaan.

Uko wi ayuujuŋ Yowan 3:7

Ajakën kak : « Piiŧan banfiyaaruŋ biki Filadelfiya iji na baka : “Anwooŋ nayimanaan, anwooŋ Manjoonan, awo na kaniigşaani ki Dayiţ naşih, anjaaŋ ahaabëş bë nin ñaaŋ aanji dëŧ, anjaaŋ adëŧ bë nin ñaaŋ aanji haabëş aţiini aji :

Uko wi ayuujuŋ Yowan 4:4

Bantohi iñeen ŋtëb na babaakër banwohariiŋ imişa ifaaŧal feh, afuuţa ŋŧepi ŋi pşih ŋi uwuuru baţo ţi iţij yi pşih afooy pţij pŧeek puŋ.

Uko wi ayuujuŋ Yowan 4:6

Uko uloŋ uwo ţi kadun ki pţij, awo ji bdëk banwooŋ ji kawini kanknuuruŋ. Ŋko ŋbaakër ŋawo ţi pŧoof pi pţij abot afooy pa ; awo na këş ţi kadun na kafeţ.

Uko wi ayuujuŋ Yowan 4:9

Hënk, uyaaş undoli wi ŋko ŋbaakër ŋuŋ ŋajaaŋ ŋayeeh kadëman, kabeeb Naşibaţi anţooŋ ţi pţij pi pşih, anwooŋ te mnţo,

Uko wi ayuujuŋ Yowan 5:6

Wal mënţ kë nşë win ţi pŧoof pi pţij pi pşih na pi ŋko ŋbaakër na pi bantohi, anwooŋ unkaneel wi bafaaluŋ. Awo na itiim paaj na ploŋ ţi bkow akuţ awo na këş paaj na ploŋ. Këş mënţ kawooŋ ŋhaaş paaj na uloŋ ŋi Naşibaţi, ŋi ayiluŋ ţi umundu bŧi.

Uko wi ayuujuŋ Yowan 6:1

Hënk, kë nwin, wi anwooŋ unkaneel apënanuŋ uko uŧeek unkuuţnuŋ ulibra, kë nşë ŧiink uloŋ ţi ŋko ŋbaakër ŋuŋ kë ukţiini na pdiim pweek panwooŋ ji kamparantant aji : « Biini. »

Uko wi ayuujuŋ Yowan 6:6

Kë nşë ŧiink uko ji pdiim ploŋ pampënnuŋ ţi pŧoof pi ŋko ŋbaakër ŋuŋ aji : « Unkil wi maaj pa baluk bi unuur, ŋkil ŋwajanţ ŋi udut pa baluk bi unuur. Kë ukëra na ubiñu, nawutan preeş jibi pawooŋ. »

Uko wi ayuujuŋ Yowan 7:11

Kë ŋwanjuŧ bŧi ŋaşë fooy pţij pi pşih na bantohi na ŋko ŋbaakër ŋuŋ aŋup afëţ kaara ţi mboş adëman Naşibaţi,

Uko wi ayuujuŋ Yowan 7:15

Uko waŋ ukaaŋ kë banaţ ţi kadun ki pţij pi pşih pi Naşibaţi, adëmana pnak na uŧejan du dko dyimanaan di nul, kë anţooŋ ţi pa aluŋ kayeŋan baka.