Uko wi ayuujuŋ Yowan 4:11 - Mankanya

¹¹ « Ajugun, Naşibaţi i nun bañaaŋ bawo biki kadëmanu kabot kabeebu mnhina bŧi manwoona du iwi, ţiki iwi ipaşuŋ iko bŧi, iŋaluŋ ppaş ya, kë iwo yii yi. »

Uko wi ayuujuŋ Yowan 4:11 ပူးပေါင်းရင်းမြစ်များ

Ujuni 1:1

Du ujuni Naşibaţi apaş baţi na mboş.

Kañaam 18:3

Iwi Yawe Nawat Kabuka, iwooŋ pnkuŋ pi nji ntëŋnuŋ iwooŋ katoh ki ŋniw ŋankëmuŋ ki nji mmeniiŋ, ijaaŋ kbuuranaan. Iwooŋ Naşibaţi i naan, awo pnkuŋ panjaaŋ pabeelën, awo ubeel wi naan ; iwooŋ mhina manjaaŋ mambuuranan, iwooŋ uniw unkëmuŋ wi katoh ki naan.

Kañaam 68:34

Nayeeharën andapiiŋ umpëlënŧ du baţi duuţ, baţi bi unjon ! Natenan, ado pdiim, pdiim pi nul panwooŋ na mnhina.

Ppën 20:11

Nji Nawat Kabuka dpaş baţi, mboş, bdëk na iko inwooŋ ţi ya bŧi, ado ya ţi ŋnuur paaj, aşë noorfën ţi uţënk paaj na uloŋ. Ukaaŋ kë Nawat Kabuka awul unuur mënţ bnuura abot ado wa kë uyimani.

Ulemp 14:15

« Babuk biinţ we ukaaŋ kë nakdo hënk ba ? Ŋwo bañaaŋ bajën ji an ! Ŋbi bi ţi, pţupan Uţup Ulil Unuura, napënna ţi iko inaaf yi nakdoluŋ yuŋ, naşë nakak du Naşibaţi najeb, anţakuŋ baţi, aţak mboş, na bdëk, na iko bŧi inwooŋ da.

Ulemp 17:24

Naşibaţi anţakuŋ umundu na iko bŧi inwooŋ ţi wa, awooŋ Ajug baţi na mboş, aanji fëţ ţi iduuŋ yi ñaaŋ najën abomanuŋ.

Baromeŋ 11:36

Hënk di uwooŋ, iko bŧi iwoona du a, iko bŧi iţëpna ţi a, iko bŧi iwo pa a. Mndëm manwo ţi Naşibaţi te mnţo ! Uwo haŋ.

Efeŧ 3:9

Dwo i kayuuj, kajinţan ţi uşal wi ñaaŋ andoli, uko umbiiŋ amena wi Naşibaţi anţakuŋ iko bŧi yi awooŋ aanyuuj nin aloŋ ţfa, dyuujan jibi akdoluŋ uko mënţ uhilna udolana.

Bahebërë 1:10

Akak aţiini aji : « Iwi Ajugun, ipaşuŋ mboş du ujuni aboman baţi na iñen yi nu.

Bahebërë 1:2

Kë ţi ŋwal ŋbaañşaani ŋi ŋwooŋ ŋi aşë ţëpna ţi Abukul aţiini na nja. Abukul mënţ i i adatuŋ ado kë aka iko bŧi, ţi ul i i aţëpnuŋ kak apaş baţi na mboş.

Uko wi ayuujuŋ Yowan 1:6

Ado nja kë ŋwo pntaali pi baţeŋan banwooŋ başih aşë lemp ţi kadun ki Naşibaţi Aşin. Mndëm manwo ţi a te uba umundu ! Aşih te mndani ! Uwo haŋ !

Uko wi ayuujuŋ Yowan 10:6

aşë mehna ţi katim ki ankwooŋ te mnţo, ţi katim ki ampaşuŋ baţi na iko inwooŋ ţi ba, ţi katim ki ampaşuŋ mboş na iko inwooŋ ţi ma, ţi katim ki ampaşuŋ bdëk na iko inwooŋ ţi ba, aji : « Wal ubani, kë pyoonk pabaa !

Uko wi ayuujuŋ Yowan 14:7

Uji na pdiim pweek : « Nadoon kaţi Naşibaţi, nado kadëmana, ţiki unuur wi akwayëşuŋ ubani. Nadëmaan ampaşuŋ baţi na mboş, idëk na ŋkumpëş ŋi meel. »

Uko wi ayuujuŋ Yowan 19:1

Wi iko yaŋ iţëpuŋ, dŧiink uko uloŋ unwooŋ ji pnŧuk pweek pi bañaaŋ du baţi kë paji : « Haleluya Naşibaţi i nun adëm abot awo na mnhina, ul ambuuranuŋ nja,

Uko wi ayuujuŋ Yowan 5:12

aşë yeeh na idiim iweek maakan aji : « Bañaaŋ bawo biki kadëman, kabot kabeeb anwooŋ unkaneel unfaalaniiŋ ţiki awo mnhina abot awo pyok, awo uşal unŧuŋa, abot awo uforŧa. »

Uko wi ayuujuŋ Yowan 5:2

Kë nşë win uwanjuŧ unwooŋ na mnhina mnweek kë uhuuran maakan aji : « In aŧaaŋuŋ na ppënan uko undëŧnuŋ ulibra kahaabëş wa ? »

Uko wi ayuujuŋ Yowan 5:9

Bayeeh kayeeh kahalu aji : « Iŧaaŋ na pyeenk ulibra kapënan iko indëŧnuŋ wa ţiki ibi faalana, na pñaak pi nu ikakan du Naşibaţi bañaaŋ biki kşini bŧi, ŋţup bŧi, kntaali bŧi na ŋŧaak bŧi.