Uko wi ayuujuŋ Yowan 22:11 - Mankanya

¹¹ Nado iko inwooŋ iinwo iŧool amëbaan ţi iko inwooŋ iinwo iŧool yi akdoluŋ, anwooŋ ţi ubida uţop amëbaan ţi wa. Kë anşaaŋ awo naŧool adoon kado uko unwooŋ uŧool, anwooŋ najinţ piş adoon kajinţanaara jinţën uleef. »

Uko wi ayuujuŋ Yowan 22:11 ပူးပေါင်းရင်းမြစ်များ

Maci 15:14

Nawutan baka : bawo bakuul banknţoŋuŋ bakuul. Nakuul aţoŋle aŧenţul nakuul, bukal batëb bŧi baya jot du bhër. »

Maci 21:19

Awin bko bloŋ bi bajaaŋ bado bfig ţi kabaŋ ki bgah, abi añog ba, aşë ţënka itoh toh. Aji wal mënţ na bko buŋ : « Nin iinkak abuk ! » Ţi dko mënţ, kë bko babi kay kay.

Maci 25:10

Baŧool pya pnug ungaanŧ, kë naniim aşë bi. Bambomandëruŋ aba kë baneej na a du dko di bniim, kë bgah badëŧi.

Maci 5:45

Nadiiman hënk, kë nawo babuk Naşibaţi Aşinan anwooŋ du baţi. Ul andooŋ bnuur kë baktër pa bado buţaan na bado bnuura, abot ado uşubal kë ukjot ţi baŧool na ţi banwooŋ baanwo baŧool.

Maci 5:6

Bañaaŋ banklaaŋ pdo iko yi Naşibaţi ajakuŋ na ŋhaaş ŋi baka bŧi, banuurandëni ţiki Naşibaţi aluŋ kawul baka kakëşan uko wi baklaaŋ.

Yowan 8:21

Yeŧu akak aji na baka : « Dya, kë naşë luŋ kado kala'ën, naluŋ kakeţ na ipekadu yi nan. Naanhil pya dko di nji kayaaŋ. »

Efeŧ 5:27

banfiyaaruluŋ bahilna bapën bawinana ţi kadunul bawo na mndëm ji ñaaţ ankniimiiŋ anwooŋ nanuura, najinţ piş kë kaara di nul daanlaatari këme awo na iko iloŋ iŧënţ yuŋ. Ado haŋ banfiyaaruŋ bahilna bawo bajinţ, baŧool babot bado kado uko unnuuriiŋ ţañ.

Koloŧ 1:22

Hënkuŋ uleef wi Abukul unwooŋ wi ñaaŋ najën ukeţi, pkeţ mënţ paţu kë nakak aŧiinkar na a. Hënk nahil kanaţ ţi kadunul kawo bajinţ piş, bañaaŋ banwooŋ baanwo na nin buţaan dloŋ, biki bawooŋ baanhil pji nin uko uloŋ ţi baka.

2 Timote 3:13

Kë banşaaŋ awo bañaaŋ baŋot na banjaaŋ baţilan, babi kaduka duka ţi pdo buţaan, kawo ţi pguur bañaaŋ kabot kaguur ŋleef ŋi baka.

Yud 1:24

Nawulën ŋdëman Naşibaţi anwooŋ aloolan ţañ, anţëpnuŋ ţi Yeŧu Kriŧtu Ajugun abuuran nja. Ul ahiluŋ kayeŋan nawutna kajot ţi pekadu, kadolan nanaţ ţi kadunul ul anwooŋ na mndëm, nawo bañaaŋ bajinţ, nawo na mnlilan mnweek. Naşibaţi awo naweek, ajug mndëm, mnhina na pşih du unjon, nţa na faan te mnţo ! Uwo haŋ !

Uko wi ayuujuŋ Yowan 16:21

Uşubal wi mpoj mndiţ maakan ujot ţi bañaaŋ ; kë kaţaafa kuŋ kë kado kë bakkar Naşibaţi ţiki katam maakan.

Uko wi ayuujuŋ Yowan 22:3

Nin Naşibaţi aankak afëp ñaaŋ. Pţij pi pşih pi nul na anwooŋ unkaneel pawo ţi ubeeka meeţ, balemparul bado kadëmana ;