Uko wi ayuujuŋ Yowan 2:25 - Mankanya

²⁵ Dji ţañ namëban bnuura uko wi najukuŋ te ukakën.

Uko wi ayuujuŋ Yowan 2:25 ပူးပေါင်းရင်းမြစ်များ

Yowan 14:3

Kë woli dbi ya abomanan da dko, kaşë kakaran kaţijan nañogën nahilna, dko di nwooŋ, nawo da kak.

Ulemp 11:28

Aloŋ ţi baka i katim ki Agabuŧ, i Uhaaş wi Naşibaţi uneejuŋ kë aşë naţa, aţup baka aji ubon uweek uluŋ kawo ţi umundu bŧi (kë wul ubiiŋ awoha ţi wal wi pşih pi Klodiyuŧ).

Baromeŋ 12:9

Naŋaladan na baŧënţan na manjoonan. Nalowan iko bŧi inwooŋ iwuţaan, namëbaan bnuura uko unwooŋ unuura.

1 Korinŧ 11:26

Na manjoonan, wal undoli wi nadeeŋ kapoom mënţ abot adaan poot mënţ, naji naţup ţup pkeţ pi Ajugun kayoonkna ubi wi nul.

1 Korinŧ 4:5

Ukaaŋ kë naanwo i kaŧaran pwayëş : nayoonkan unuur wi Ajugun akbiiŋ. Ul akluŋ kado iko immeniiŋ yi bdëm ipën iwinana, kadiiman iko inwooŋ ţi ŋşal ŋi bañaaŋ. Wal mënţ Naşibaţi adëman ñaaŋ andoli kaliŋan na ulemp wi adoluŋ.

1 Teŧalonika 5:21

natenan bnuura ŋţup bŧi : ŋanwooŋ ŋnuura, namëban ŋa ;

Bahebërë 10:23

Nawulën ŋmëban ŋliinŧ ţi uko wi ŋhaţuŋ akuţ aţup. Na manjoonan, ŋme kë Naşibaţi aji do uko wi ahoŋuŋ.

Bahebërë 3:6

Kë Kriŧtu aşë wo abuk katoh i Naşibaţi aţuuŋ ţi kadun ki ka. Nja ŋşaaŋ awo katoh mënţ woli ŋmëban akuţ ahaţ ţi a, alilan ţi uko wi ŋhaţuŋ.

Bahebërë 4:14

Name kë ŋka naşih i baţeŋan naweek anyaaŋ te du baţi : ul awooŋ Yeŧu, Abuk Naşibaţi. Ukaaŋ kë ŋwo kamëban kaliinŧ ţi uko wi ŋjakuŋ aji ŋfiyaari.

2 Piyeer 3:10

Unuur wi Ajugun uluŋ kabi ji nakiij ; unuur mënţ baţi bafoma karoca roca, iko inwooŋ da iyik kayuuy wal mënţ, mboş na iko bŧi inwooŋ ţi ma iŧoka kaba.

Uko wi ayuujuŋ Yowan 1:7

Natenan, abi ţi infëluŋ. Kë bañaaŋ bŧi bakluŋ kawina, bandooŋ aluŋana uleef baluŋ kawina. Bañaaŋ biki umundu bŧi baluŋ kado kaţëga. Aa ! Uwo haŋ !

Uko wi ayuujuŋ Yowan 22:20

Anţupuŋ uko waŋ aji : « Aa, dbi hënkuŋ ! » Uwoon haŋ ! Iwi Yeŧu Ajugun, biini !

Uko wi ayuujuŋ Yowan 22:7

Yeŧu aji : « Natenan, dbi hënkuŋ ! Anuurandëni, ankmëbanuŋ ŋţup ŋi Naşibaţi ŋankţupuŋ uko unkmbiiŋ ŋi ulibra wi. »

Uko wi ayuujuŋ Yowan 3:11

« “Dbi hënkuŋ, namëbaan bnuura uko wi nayeenkuŋ, nin ñaaŋ aloŋ awutna kayeenk katuum ki nan.

Uko wi ayuujuŋ Yowan 3:3

Naleşan jibi nayeenki ţfa Uţup wi Naşibaţi, namëbaan wa, nakuţ nawugëş ŋşal. Woli naanwo bten, kabi du an ji nakiij, bë naankme wal mënţ.