Uko wi ayuujuŋ Yowan 17:5 - Mankanya

⁵ Bapiiŧ ţi pjuk pi nul katim kaloŋ, kë uko wi kawooŋ uşë wo uumeeţanaa. Uko umpiiŧaniiŋ wii wi : « Babilon ubeeka uweek, anin pţuunk na pţop na buţaan bi umundu. »

Uko wi ayuujuŋ Yowan 17:5 ပူးပေါင်းရင်းမြစ်များ

Filipiya 3:19

Babaañşaan du bdoo. Mënţ Naşibaţi i i bafiyaaruŋ, iyiŋ yi baka yi yi bafiyaaruŋ. Baji baŧaŋar uko unwooŋ kawo lah mnkow pa baka, bukal banţuuŋ ŋhaaş ŋi baka bŧi ţi iko yi mboş.

2 Teŧalonika 2:7

Na manjoonan, mnhina mi ñaaŋ i buţaan mammeniiŋ mando bi kalemp lemp. Wal wi bakpënanuŋ ammëbanuluŋ ţañ,

Uko wi ayuujuŋ Yowan 1:20

Kë ţi uko wi ŋjah paaj na uloŋ ŋi iwinuŋ ţi kañen naan kadeenu na kfiiţi paaj na ploŋ ki uwuuru dpibanu wa : ŋjah paaj na uloŋ ŋuŋ ŋawooŋ ŋwanjuŧ paaj na uloŋ ŋi banfiyaaruŋ ţi ŋbeeka paaj na uloŋ ; kë kfiiţi paaj na ploŋ kuŋ kawo knŧuk paaj na ploŋ ki banfiyaaruŋ. »

Uko wi ayuujuŋ Yowan 11:8

Muum mi baka manduka ţi bayiti bi ubeeka uweek wi bapaŋnuŋ Ajugun, unwooŋ ji Ŧodom këme Ejiptu.

Uko wi ayuujuŋ Yowan 14:8

Uwanjuŧ utëbanţën upën ţi kafeţ ki uŧeek aşë ji : « Babilon, ubeeka uweek ujoti, ujoti ; wul undaananuŋ poot pi wa ŋŧaak bŧi, kë pdaan poot puŋ pawooŋ pţopan uleef na pekadu di piinţ ji wa. »

Uko wi ayuujuŋ Yowan 16:19

Pşinţar puŋ pado kë ubeeka uweek upaţëşari akak ifah iwajanţ, kë ŋbeeka ŋi ŋŧaak bŧi ŋajoti. Naşibaţi aanţilma Babilon ubeeka uweek : adaanan wa pnkalame pi udeeb wi nul unkfatuŋ.

Uko wi ayuujuŋ Yowan 17:1

Kë uloŋ ţi ŋwanjuŧ paaj na uloŋ ŋamëbanuŋ knkalame paaj na ploŋ ki uwuuru ubi ţi nji aţiini na nji aji : « Biini, dyuuju kakob ki ñaaţ naţuunk naweek anwooŋ du kakab idëk iweek akkobiiŋ.

Uko wi ayuujuŋ Yowan 17:2

Başih biki ŋŧaak ŋi mboş bawinar na a, kë bañaaŋ banfëţuŋ mboş bakuj poot pi nul panwooŋ ubida uţop. »

Uko wi ayuujuŋ Yowan 17:7

Kë uwanjuŧ uşë ji na nji : « We ukaaŋ kë iñoŋar hënk ba ? Dţupu uko wi ñaaţ ummeniiŋ na wi ulimariya wi ŋkow paaj na bloŋ na itiim iñeen wi aţoornuŋ.

Uko wi ayuujuŋ Yowan 18:2

Udo pdiim pweek aji : « Babilon ubeeka uweek ujoti ! Ujoti ! Ujoti ! Ukak ufëţ wi ŋnŧaayi, dko di ŋnŧaayi bŧi ŋawooŋ na di ŋkaŧ ŋţop ŋwuţaan bŧi.

Uko wi ayuujuŋ Yowan 18:21

Wal mënţ, kë uwanjuŧ unwooŋ na mnhina mnweek uşë jej plaak pweek maakan afël du bdëk aşë ji : « Na mnhina mnŧënţ mi, mi mi Babilon ubeeka uweek ukfëlaniiŋ, baankak awin wa nin.

Uko wi ayuujuŋ Yowan 19:2

pwayëş pi nul pawo manjoonan abot awo pŧool. Akob naţuunk naweek ambiiŋ aţopan mboş na pţuunk pi nul, alukan ţi a pñaak pi balempar Naşibaţi. »

Uko wi ayuujuŋ Yowan 7:3

« Nawutan kaŧok mboş na bdëk na mnko : nayoonkan duna ŋţu ţi ijuk yi biki Naşibaţi uko unkyuujuŋ kë bawo biki nul. »