Uko wi ayuujuŋ Yowan 12:9 - Mankanya

⁹ Bawat unjumpul uweek, upula ujon wi bajaaŋ bado Ŧatana Këme Unŧaayi Uweek, unjaaŋ uguur umundu bŧi. Bawat wa ţi mboş wul na ŋwanjuŧ ŋi wa.

Uko wi ayuujuŋ Yowan 12:9 ပူးပေါင်းရင်းမြစ်များ

Ujuni 3:1

Upula ubi wo unkguuradaanuŋ ţi ŋko ŋi uţeeh bŧi ŋi Naşibaţi Nawat Kabuka apaşuŋ. Uji na ñaaţ : « Kë Naşibaţi aji nawut kade nin pko ploŋ ţi mnko mi uwoorta ? »

Ujuni 3:13

Kë Naşibaţi Nawat Kabuka aşë ji na ñaaţ : « We wi idoluŋ hënk ? » Kë aŧeem aji : « Upula uguurnuŋ, kë nde ba. »

Maci 13:39

Naşoorad anjaaŋ aŧepi umbiilu, awooŋ Unŧaayi Uweek, kakit kawooŋ uba umundu kë bakit başë wo ŋwanjuŧ.

Maci 24:24

Bañaaŋ baluŋ kanaţa kaţilan kaji bawooŋ Kriŧtu na baţupar Naşibaţi. Bado mlagre na iko iñoŋarënaan pa woli bahilani bado ŋaabar du baka biki Naşibaţi ajokuŋ.

Maci 25:41

« Wi wi aşaaŋ aji na banwooŋ ţi kamayu : “Nalowaan, an nanfëpaniiŋ naya du bdoo banwooŋ baankjëmşa bi babomanuŋ pa Unŧaayi Uweek na ŋţaşar wa.

Maci 4:1

Wi Yeŧu apënaŋ pën du meel kë Uhaaş wi Naşibaţi uşë ñooţa du pndiiş, kë Unŧaayi Uweek ukdo na pguura ado buţaan.

Maci 4:10

Wal mënţ kë Yeŧu aşë ji na wa : « Ŧatana, ţëpan iya ! Upiiŧana aji : “Ajugun, Naşibaţi i nu ţañ i i iwooŋ kadëman, kë ul ţañ i i iwooŋ kado kalempar.” »

Maci 4:5

Kë Unŧaayi Uweek ukak añooţa du Yeruŧalem ubeeka uyimanaan, apayana du bţuk bi Katoh Kaweek ki Naşibaţi duuţ

Maci 4:8

Unŧaayi ukak apayana du pnkuŋ ploŋ pweek maakan aşë diimana ŋŧaak bŧi ŋi umundu na mndëm mi ŋa,

Luk 10:18

Kë Yeŧu aşë ŧeem baka aji : « Dwin Ŧatana kë awoona baţi ajot ji kaliik liik.

Luk 13:16

Kë ñaaţ i, anwooŋ i pntaali pi Abraham, i Ŧatana atanuŋ ŋşubal iñeen na bakreŋ, aanwo i kafënëşa ţi unuur wi pnoorfën i ? »

Luk 22:3

Kë uşal wi Ŧatana uşë neej ţi Yudaŧ, i bajaaŋ bado Iŧkariyot, anwooŋ aloŋ ţi banjañan iñeen na batëb.

Luk 22:31

Kë Yeŧu akak aji : « Ŧimoŋ, Ŧimoŋ, Ŧatana añehan pa phil kaşinţ şinţanan ji ŋdeey ţi kajeţ.

Luk 8:12

Bañaaŋ baloŋ bawo ji bgah, bi Uţup ujotuŋ, wi banŧiinkuŋ wa, kë Unŧaayi Uweek uşë bi, apënan wa ţi ŋhaaş ŋi baka aţi bafiyaar bakuţ babuur.

Yowan 12:31

Hënkuŋ wal wi Naşibaţi akyuujuŋ umundu wi kë uduknaanaa ubani, hënkuŋ bawalan Ŧatana, naşih i umundu wi afëla bdig.

Yowan 14:30

Mënkak aţiini iko iŧum na an, ţiki naşih i umundu wi abi. Aanhilanaan nin uko uloŋ,

Yowan 16:11

aneem ţi uko wi pwayëş ţiki bawayëş Ŧatana naşih i umundu wi kaji aduknaanaa.

Yowan 8:44

Nawo babuk Unŧaayi Uweek kë iko yi aşinan aŋaluŋ yi yi najaaŋ naŋal kado kado. Du ujuni adobi woha wo nafiŋ bañaaŋ, nin aanji ţup manjoonan, ţiki manjoonan maanwo ţi a. Woli aţilan aji do uko wi awooŋ, ţiki awo naţilan abot awo aşin baţilan.

Ulemp 26:18

Iwoyi kahaabëş baka këş, kapënan baka ţi bdëm, kaţij moŋ bjeehi, kapënan baka ţi mnhina mi uweek wi ŋnŧaayi, kaţij du Naşibaţi. Hënk bahilna woli bafiyaarën, bapënan baka ipekadu bahil kawo ţi biki Naşibaţi adatuŋ aji bawo pntaali pi nul.”

Ulemp 5:3

Kë Ŧimoŋ Piyeer aşë hepara aji : « Ananiyaŧ, we ukaaŋ kë Ŧatana aneeju uhaaş, kë ido la pguur Uhaaş wi Naşibaţi, ajej itaka iloŋ ţi yi iwaapnuŋ mboş, amen ?

Baromeŋ 16:18

Bañaaŋ ji bukuŋ mënţan baanji balempar Kriŧtu Ajugun, iyiŋ yi baka yi yi bajaaŋ balempar. Baji baguur na ŋţup ŋŧaab ŋi baka ŋŧum bañaaŋ banwooŋ kabaţ kaloolan.

Baromeŋ 16:20

Naşibaţi anwooŋ ukumpëş wi mnjeeh awat hënkuŋ Ŧatana ţi ihoţan. Dñehan bnuura bi Yeŧu Ajugun bawo ţi an.

2 Korinŧ 11:14

Kë uko waŋ uşë wo uunñoŋarëni : Ŧatana ţi uleeful aji adaar kaji awo uwanjuŧ wi bjeehi.

2 Korinŧ 11:3

Dţi mntit mi nan manŧoka, maneenanan pţaş Kriŧtu na ŋhaaşan bŧi jibi upula uguuruŋ Ewa na mntit mi wa.

2 Korinŧ 12:7

Naşibaţi adiimanaan iko inţëpuŋ uţup. Kë aşë ţu'ën uko uloŋ ţi uleef unknooranaanuŋ, uwanjuŧ uloŋ wi Ŧatana unkkobnuŋ, nwutna kado kadeeŋ igaŋan.

2 Korinŧ 2:11

Ddo haŋ Ŧatana awutna kaguur nja ; ŋme bnuura iko yi ajaaŋ aŋal pdo.

2 Korinŧ 4:4

Baanfiyaar uţup mënţ ţiki Ŧatana naşih i mboş aŧok baka uşal, bawutna kawin bjeehi bi Uţup Ulil Unuura banjaaŋ badiiman mndëm mi Kriŧtu anjaaŋ adiiman jibi Naşibaţi awooŋ.

Efeŧ 4:14

Ŋënkak awo keeri bapoţ biki pjukan pi bañaaŋ baloŋ bantituŋ ţi kaguuru pajaaŋ pañooţ du bdëm jibi ŋmaaroŋ ŋajaaŋ ŋaluŋ iţeem, uyook kaya na ya.

2 Teŧalonika 2:3

Nakdi nin ñaaŋ aloŋ adaaran ţi uko undoli. Ji unuur mënţ udo kaban, bañaaŋ bapok Naşibaţi kalowa, ñaaŋ i buţaan anwooŋ i kayeenk kakob kaweek abot apën awinana.

1 Timote 2:14

Kë mënţ Adam i i baguuruŋ, ñaaţ i i baguuruŋ kë ado uko wi Naşibaţi aneenanuŋ.

2 Timote 3:13

Kë banşaaŋ awo bañaaŋ baŋot na banjaaŋ baţilan, babi kaduka duka ţi pdo buţaan, kawo ţi pguur bañaaŋ kabot kaguur ŋleef ŋi baka.

Bahebërë 2:14

Hënk keeri, kë jibi bañaaŋ mënţ bawooŋ bañaaŋ bajën, hënk di Yeŧu akakuŋ ñaaŋ najën ji baka, ahilna ţi pkeţ pi nul aba na Unŧaayi Uweek unkaaŋ mnhina mi pkeţ.

1 Piyeer 5:8

Namëbaan ŋleef ŋi nan, nawo bten : Unŧaayi Uweek unwooŋ uşooradan uñaay wu wuŋ awo ji uliihu unkliihuŋ ala uko ude.

1 Yowan 5:19

Ŋme kë ŋwo biki Naşibaţi, kë umundu bŧi uşë wo ţi iñen yi Unŧaayi Uweek.

Yud 1:9

Mikayel uwanjuŧ uweek, uundo kar Unŧaayi Uweek wi ukŋomnuŋ puum pi Moyiŧ na wa – ajakaara na wa ţañ : « Dwutu na Ajugun ! »

Uko wi ayuujuŋ Yowan 12:12

Ukaaŋ, iwi baţi, na banfëţuŋ ţi iwi, nalilaan. Kë an mboş na bdëk nawoon na pwuţan, ţiki Unŧaayi Uweek uwala ţi an. Uwala ţi an na udeeb uweek ţiki ume kë uduki'a wa ŋwal ŋntiinku. »

Uko wi ayuujuŋ Yowan 12:3

Uko uloŋ ukak awinana du baţi : uwo ji unjumpul uweek unjeenkuŋ ji bdoo. Uwo na ŋkow paaj na bloŋ na itiim iñeen. Bkow bandoli bawo na uŧepi wi pşih.

Uko wi ayuujuŋ Yowan 12:7

Ugut uweek uwo du baţi : Mikayel uwanjuŧ uweek na ŋwanjuŧ ŋi nul ŋaneej ugut na unjumpul, kë wul na ŋwanjuŧ ŋi wa, ŋakak anaţa wa na Mikayel.

Uko wi ayuujuŋ Yowan 12:8

Kë ŋaşë yoh ŋi unjumpul kë ŋaankak aka dko du baţi.

Uko wi ayuujuŋ Yowan 13:14

Uguur bañaaŋ biki mboş na iko iñoŋarënaan yi uhiluŋ pdo ţi kadun ki ulimariya uŧeek. Uji na bañaaŋ biki mboş bado ptu pannaamuŋ na ulimariya umbiiŋ afaalana aşë naţa.

Uko wi ayuujuŋ Yowan 16:14

Na manjoonan ŋawo ŋnŧaayi ; ŋaji ŋado iko iñoŋarënaan, ŋaya du başih biki mboş bŧi kahilna kayitrën baka pa ugut wi unuur uweek wi Naşibaţi Anhiniiŋ iko bŧi.

Uko wi ayuujuŋ Yowan 18:2

Udo pdiim pweek aji : « Babilon ubeeka uweek ujoti ! Ujoti ! Ujoti ! Ukak ufëţ wi ŋnŧaayi, dko di ŋnŧaayi bŧi ŋawooŋ na di ŋkaŧ ŋţop ŋwuţaan bŧi.

Uko wi ayuujuŋ Yowan 18:23

Nin unkaniya uunkak aŧeh ; nin baankak aŧiink pdiim pi naniim na pi naniima. Bawaap biki nu babiiŋ awo bañaaŋ baweek biki mboş. Dayaamu di nu daneeman ŋŧaak bŧi.

Uko wi ayuujuŋ Yowan 19:20

Kë ulimariya uşë mobana, wul na naţupar wa, undoluŋ iko iñoŋarënaan ţi kadun ki wa, aguur banyeenkuŋ uko wi ulimariya abot aŋup adëman ptu pi wa. Ŋul ŋtëb bŧi ŋafëlana ŋjeb du katant ki bdoo kanwooŋ na pdëpalën panjaaŋ patërad.

Uko wi ayuujuŋ Yowan 2:13

Dme dko di nafëţuŋ : Ŧatana akşihuŋ da. Namëbanaan bnuura, kë wi badooŋ afiŋ ţi pŧoofan du dko di Ŧatana afëţuŋ Antipaŧ anfiyaarnuŋ abot awo aanji ţañna pţiiniyaan uko wi naan, naanţañan pfiyaarën.

Uko wi ayuujuŋ Yowan 2:24

« “Kë an biki Tiyatira nanwooŋ naanţaş pjukan pi ñaaţ mënţ, an nanwooŋ naamme iko yi bajaaŋ badu iko immeniiŋ yi Ŧatana, mënkak aka nin uko uloŋ wi pţupan.

Uko wi ayuujuŋ Yowan 2:9

Dme unoor wi nan na bwaaŋ bi nan – kë naşë wo bayok na manjoonan. Dme kak iko iwuţaan yi bañaaŋ baktaparanaŋ. Baji bawo biki pntaali pi Naşibaţi aşë wo baanwo baka, bawo biki katoh kañehanaani ki Ŧatana.

Uko wi ayuujuŋ Yowan 20:10

Wal mënţ, kë Unŧaayi Uweek, unguuruŋ baka, uşë fëlana du katant ki bdoo banwooŋ na pdëpalën panjaaŋ patërad aţënk da ulimariya na naţupar wa. Bahaj maakan pnak na uŧejan te mnţo.

Uko wi ayuujuŋ Yowan 20:8

aşë aya du ŋŧaak ŋi umundu bŧi ŋi bajaaŋ badu Gog na Magog, aguur bañaaŋ. Ado baka babi bayit pa ugut. Baŧum ji pyiw pi bdëk.

Uko wi ayuujuŋ Yowan 3:9

Natenan uko wi nji kaluŋ kado bañaaŋ biki katoh kañehanaani ki Ŧatana. Baji baji bawo biki pntaali pi Naşibaţi aşë wo baanwo biki pa, bawo baţilan. Dluŋ kado baka babi baŋup ţi kadunan başë bame kë nji dŋalan.

Uko wi ayuujuŋ Yowan 9:1

Uwanjuŧ uñeenanţën ululi, kë nşë win ujah kë upënna baţi ajot ţi mboş. Ujah mënţ uyeenk kaniigşaani ki bnjiir bweek,

Uko wi ayuujuŋ Yowan 9:20

Kë bandukiiŋ ţi bañaaŋ, banwooŋ baankeţ ţi kaţaafa kanţëpuŋ kuŋ, baandug umeli aţañan pdo buţaan di bajaaŋ babi kado, awo ţi pdëman ŋnŧaayi na ŋnŧoŋ ŋi baţakuŋ na uwuuru na ŋi baţakuŋ na unŧaam na ŋi ifeeru na ŋi mlaak na ŋi imul, ŋul ŋanwooŋ ŋaanhil pwin, pŧiink këme kapoş.