Ujuni 8:21 - Mankanya

²¹ Yawe Nawat Kabuka aŧiink pţëkën plil aşë ji ţi uşalul : « Bañaaŋ baankak ado nfëp mboş. Uwo manjoonan kë ŋhaaş ŋi baka ŋawuţna du kpoţ ; kë nşë wo mënkak aŧok bañaaŋ na ŋko bŧi jibi ndoluŋ.

Ujuni 8:21 ပူးပေါင်းရင်းမြစ်များ

Ujuni 3:17

Naşibaţi Nawat Kabuka aji na ñiinţ : « Jibi iŧiinkuŋ uţup wi aharu, ade bko bi mbiiŋ aneenanu pde, iţu mboş manfëpana ! Ido kaji khaj maakan kaba kahinan kapënan ţi ma uko ude ŋnuur bŧi ŋi ubida wi nu.

Ujuni 4:12

Ukaaŋ kë woli ijaar, mboş maankak awulu ŋdeey : ido kañaay ñaay na umundu. »

Ujuni 5:29

Awul napoţ mënţ katim ki Nowe, ţiki aji : « I, akţuuŋ iñen yi nun inoorfën ulemp na unoor. Mboş mi Naşibaţi afëpuŋ manţuuŋ un ulemp na unoor mënţ. »

Ujuni 6:13

Kë Naşibaţi aşë ji na Nowe : « Dba na bañaaŋ bŧi na ŋko bŧi ţiki bañaaŋ bakaaŋ kë mnŋot manŧum ţi mboş. Dpënan baka keeri ţi mboş. »

Ujuni 6:17

« Nji, dţij meel kado ma mampar maniink dko, kabaana na bañaaŋ na ŋko bŧi : nin uko uloŋ uunkduka ţi mboş kado kahefënţ.

Ujuni 6:5

Nawat Kabuka awin kë buţaan bi ñaaŋ akdoluŋ ţi mboş badëma adëm pya kë ñaaŋ abot aji bi ţu ţu uşal bŧi ţi pdo buţaan ŋnuur bŧi.

Ujuni 6:7

Wi wi aşaaŋ aji : « Dpënan ţi mboş bañaaŋ biki nji nţakuŋ, na ŋnŧaam ŋi katoh, na ŋko ŋi uţeeh na ŋkaŧ, ţiki ddug umeli uko wi nţakari ŋa. »

Bgah 1:13

Ankdoluŋ bţeŋan anaj iko imeeţ na ikuţaţ, naţeŋan adiiman ya Nawat Kabuka kaşë katër ya bŧi ţi bliit bi mngur. Uko untëruŋ wuŋ uwo bţeŋan bi pţëkëñ pajaaŋ palil Nawat Kabuka.

Bgah 1:17

Amëban wa ţi ibaaklu kajeepëş kawo aankmaran wa bŧi ; kaşë katër wa bŧi ţi imul inkyikuŋ ţi bliit bi mngur, uwo bţeŋan bi pţëkëñ pajaaŋ palil Yawe Nawat Kabuka. »

Bgah 1:9

Anaj iko imeeţ na ikuţaţ, aloŋ ţi baţeŋan aşë tër bŧi iko yuŋ bŧi ţi bliit bi mngur uwo bţeŋan bi pţëkëñ pajaaŋ palil Nawat Kabuka.

Bgah 4:31

Apënan mniir bŧi jibi bajaaŋ bapënan ma ţi unŧaam wi bţeŋan bi bŧiinkar ţi Nawat Kabuka na bañaaŋ. Wal mënţ atër ma bŧi kaba ţi bliit bi mngur pa Nawat Kabuka, pţëkëñ mënţ paji palila. Hënk di naţeŋan ajaaŋ ado Nawat Kabuka aşë miir ñaaŋ mënţ ipekadu.

Bgah 8:28

Akak ayeenk ya, atër ya bŧi aba du bliit bi mngur aţu na iko intëruŋ bŧi aţeŋan, kë uwo bţeŋan bi bajaaŋ baţooranaan baţeŋan kë pţëkëñ palil Nawat Kabuka.

Maci 15:19

Du uhaaş meeţ di di iko iŧënţ yi ijaaŋ iwoona : ŋşal ŋwuţaan, bfiŋar, ppiinţ na ahar ñaaŋ këme ayin ñaaŋ, pjuban pi piinţ, kakiij, ŋţilan na pţup buţaan ţi bañaaŋ, bkuutar.

Yowan 3:6

Uleef uji ubuk uleef, kë uhaaş uji ubuk uhaaş.

Baromeŋ 1:21

Bame Naşibaţi bnuura aşë wo baanji badëmana ji Naşibaţi abot awo baanji babeeba jibi bawooŋ i kado kabeeba. Babaa ţëp ţëp awo na ŋşal ŋpën kë ŋşal ŋi baka ŋdah ŋaya du bdëm.

Baromeŋ 3:23

Na manjoonan, bañaaŋ bŧi bajubani, alow Naşibaţi awaaŋ mndëm mi nul.

2 Korinŧ 2:15

Na manjoonan, ŋwo pa Naşibaţi pţëkëñ plil pi Kriŧtu ţi pŧoof pi bañaaŋ banwooŋ ţi bgah bi mbuur na bañaaŋ banwooŋ kak ţi bgah bi pkeţ.

Efeŧ 5:2

Uŋal uwooŋ kaţoŋ ubida wi nan jibi uwooŋ pa Kriŧtu : aŋal nja adoo wul Naşibaţi kaţuţ ki nul pa nja, kë kawo uţen na unŧaam udolni bţeŋan banliluŋ Naşibaţi.

Filipiya 4:18

Dyeenk iko yi nnumiiŋ bŧi, ido pel kanuma ki naan. Dŧumandëni, hënkuŋ wi nyeenkuŋ iko bŧi yi nayiluŋ Epafrodit aţijën. Iwo ji pţëkëñ plil pi bţeŋan bi Naşibaţi adiiŋ abot alilandër.

1 Yowan 5:19

Ŋme kë ŋwo biki Naşibaţi, kë umundu bŧi uşë wo ţi iñen yi Unŧaayi Uweek.