Ujuni 29:32 - Mankanya

³² Leya amobana kayiŋ aşë buk napoţ ñiinţ i aţuuŋ katim ki Ruben, ţiki aji : « Nawat Kabuka awin pñagan pi naan, hënkuŋ ayin naan aŋalën. »

Ujuni 29:32 ပူးပေါင်းရင်းမြစ်များ

Ujuni 16:11

« Tenan, iwo na kayiŋ, iluŋ kabuk napoţ ñiinţ, luŋi iţu'a katim ki Işmayel, ţiki Nawat Kabuka aŧiink mnţëg mi nu.

Ujuni 29:31

Yawe Nawat Kabuka awin kë Leya aaŋŋalanaa, aşë do kë kabuk kajoobëţ na a, kë Rakel aşë wo aankbuk.

Ujuni 31:42

Woli Naşibaţi, i Paapa na Abraham aşin bajaaŋ badëman, Naşibaţi i Iŧaak akţiiŋ, aanwo lah na nji, kdolën nţiiş iñen ijinţ. Kë Naşibaţi aşë win unoor wi naan na ulemp wi iñen yi naan, kë uŧejan unţëpuŋ kë aşë wayëş nja. »

Ujuni 35:22

Wi bawooŋ ţi uŧaak wuŋ kë Ruben aşë ya apiinţ na Bila, ñaaţ i aşin awoonaanuŋ, kë baţup aşin uko mënţ. Babuk Yakob biinţ bawo iñeen na batëb.

Ujuni 35:23

Biinţ biki abukuŋ na Leya bawo : Ruben bajeenul, Ŧimeyoŋ, Lewi, Yuda, Iŧaakar, na Ŧabulon.

Ujuni 37:29

Kë wi Ruben akakuŋ du bhër, aanţënk da Yoŧef. Atow imişa yi nul,

Ujuni 42:22

Ruben aŧeem baka aji : « Mënjakan aji nawut kado napoţ buţaan i ? Kë naşë wo naandii, hënkuŋ ŋluk pkeţ pi nul. »

Ujuni 42:27

Kë wi başaaŋ aya naţ du dko dloŋ kafër, aloŋ ţi baka ahaabëş uşaaku wi ŋdeey wi nul pa pwul ubuuru wi nul ude, aşë win itaka kë ipaf ţi ŋdeey duuţ.

Ppën 3:7

Kë Nawat Kabuka aşë kak aji na a : « Dwin bnuura jibi bakhajani pntaali pi naan du Ejiptu ; dŧiink baka kë bakwooni wi bakhajanuŋ baka. Aa, dme mnhaj mi baka.

Ppën 4:31

Bafiyaara akuţ ayikrën kë Nawat Kabuka awuli baka awin mnhaj mi baka. Baŋup wal mënţ adëmana.

Luk 1:25

« Kë hënk di di Ajugun alempuŋ na nji, ţi wal wi adatuŋ, abuuranaan mnkow ţi këş ki bañaaŋ ! »